1 نَ تّمُي يَشُبَ نُ بَرَ لَبَن شَ دِ شّمّيٍ شُي مّ عٍ نَشَن قَلَمَ، «سٍ نَشَن بِرِن قِندِشِ وٌن بَبَ فبٍ رَ، يَشُبَ بَرَ عَ بِرِن تٌنفٌ. نَ نَن عَ تٌشِ عَ بَرَ قِندِ بَننَ مِشِ رَ.» 2 يَشُبَ يَتِ نَشَ عَ كٌلٌن، عَ مُ رَقَن لَبَن مَ سْنْن عَلْ سِنفٍ.

3 عَلَتَلَ نَشَ عَ مَسٍن يَشُبَ بّ، «فبِلٍن عِ بَبَيٍ نُن عِ بَرِبٌورٍيٍ شَ بْشِ مَ عِ كٍلِشِ دّننَشّ. وٌن بِرِن نَ عَ رَ.» 4 يَشُبَ نَشَ رَشٍلٍ نُن لٍيَ شِلِ. عٍ نُ نَ عَ شَ شُرُ سٍيٍ دّ مَدٌنقٍ. 5 عَ نَشَ عَ قَلَ عٍ بّ، «ﭑ بَرَ عَ كٌلٌن ﭑ مُ رَقَن وٌ بَبَ مَ عَلْ سِنفٍ، كْنْ ﭑ بَبَ مَرِفِ عَلَتَلَ بَرَ هِننّ ﭑ نَ. 6 وٌ عَ كٌلٌن يَتِ ﭑ بَرَ وَلِ وٌ بَبَ بّ ﭑ سّنبّ رَ. 7 عَ بَرَ ﭑ مَدَشُ ﭑ وَلِ سَرٍ مَسَرَقٍ دْشْ قُ رَ، كْنْ عَلَ مُ تِن عَ شَ قٍ حَاشِ رَبَ ﭑ نَ. 8 شَ وٌ بَبَ قَ عَ قَلَ، ‹كَتُنيِ نَ شُرُ سٍ نَشٍيٍ مَ، نٍيٍ نَن قِندِ مَ يَشُبَ فبٍ رَ،› شُرُ سٍ بِرِن دِ بَرِ مَ نَشٍيٍ مَكَتُنشِ. شَ وٌ بَبَ قَ عَ قَلَ، ‹سَرِنيِ نَ شُرُ سٍ نَشٍيٍ مَ، نٍيٍ نَن قِندِ مَ يَشُبَ فبٍ رَ،› شُرُ سٍ بِرِن دِ بَرِ مَ سَرِنيِ نَ نَشٍيٍ مَ. 9 عَلَ بَرَ وٌ بَبَ شَ شُرُ سٍيٍ بَ عَ يِ رَ، عَ نَشَ عٍ قِ ﭑ تَن مَ.»

10 «يِ شُرُ سٍيٍ نُ تٍمَ عٍ بٌورٍ مَ تّمُي نَشّ، ﭑ بَرَ عَ تٌ شِيٍ كُي، شُرُ سٍ شّمّ نَشٍيٍ تٍشِ شُرُ سٍ فِنّيٍ مَ، سَرِنيِ نُن كَتُنيِ نَ عٍ بِرِن مَ. 11 ﭑ مَ شِيٍ كُي، عَلَ شَ مَلٍكّ نَشَ ﭑ شِلِ، ‹يَشُبَ›. ﭑ نَشَ عَ رَتِن، ‹ﭑ تَن نَن يَ.› 12 عَ نَشَ عَ مَسٍن، ‹عِ يَ رَكٍلِ، عِ شَ عَ مَتٌ. شُرُ سٍ شّمّ نَشٍيٍ بِرِن تٍشِ شُرُ سٍ فِنّيٍ مَ، سَرِنيِ نُن كَتُنيِ نَ عٍ مَ، بَرِ مَ لَبَن نَشَن بِرِن نَبَشِ عِ رَ، ﭑ نَ تٌشِ. 13 ﭑ تَن نَن نَ عَلَ رَ نَشَن مِنِ عِ مَ بٍتٍلِ، عِ فّمّ تِشِ تْنشُمَ رَ دّننَشّ. مّننِ عِ بَرَ لَايِدِ تٌنفٌ ﭑ بّ. يَكْسِ، كٍلِ يِ بْشِ مَ. عِ شَ سِفَ بْشِ مَ عِ بَرِشِ دّننَشّ.›»

14 رَشٍلٍ نُن لٍيَ نَشَ يَشُبَ يَابِ، «مُشُ بَبَ مُ كّ يٌ لُشِ مُشُ تَن بّ. 15 شْحّ شَ مُ نَ مُشُ رَ مُشُ بَبَ شْنيِ؟ عَ بَرَ مُشُ مَتِ، عَ مَن بَرَ مُشُ شَ كْبِرِ قَن دٌن. 16 عَلَ هَرِفٍ نَشَن بِرِن بَشِ مُشُ بَبَ يِ رَ، عَ فبِلٍنمَ نّ مُشُ مَ عَ نُن مُشُ شَ دِيٍ. يَكْسِ عَلَ قٍ نَشَن بِرِن مَسٍنشِ عِ بّ، نَ بِرِن نَبَ.»

17 يَشُبَ نَشَ عَ شَ فِنّيٍ نُن عَ شَ دِيٍ بَكِ حْشْمّيٍ قَرِ. 18 عَ نَشَ عَ شَ شُرُ سٍ نُن عَ هَرِفٍ بِرِن شَنِن، عَ نَشَن سْتْ ثَدَن عَرَ مِ سِفَقٍ رَ عَ بَبَ عِسِيَفَ شْنيِ كَنَان بْشِ مَ. 19 لَبَن تٌ سِفَ عَ شَ شُرُ سٍيٍ شَبٍ مَشَبَدٍ عٍ مَ، رَشٍلٍ نُ بَرَ عَ شَ كُيٍيٍ مُحَ. 20 يَشُبَ قَن لَبَن عَرَ مِكَ مَيَنقَ نّ، بَرِ مَ عَ سِفَ نّ عَ مُ حُنفُي رَبِرَ عَ مَ. 21 يَشُبَ نَشَ عَ فِ، عَ نُن سٍ نَشَن بِرِن قِندِ عَ فبٍ رَ. عَ تٌ دَنفِ عٍقِرَتِ شُرٍ رَ، عَ نَشَ سِفَ فَلَدِ فٍيَ مَبِرِ.

22 عَ شِ سَشَن لْشْي، مِشِ ندٍ نَشَ عَ قَلَ لَبَن بّ عَ يَشُبَ بَرَ عَ فِ. 23 لَبَن نَشَ عَ نفَشَكٍرٍنيِيٍ تٌنفٌ، عٍ نَشَ مِنِ يَشُبَ قٍندٍ شِ سٌلٌقٍرٍ بُن مَ. عٍ نَشَ عَ لِ فَلَدِ فٍيَ بِرِ رَ. 24 كْنْ كْي رَ، عَلَ نَشَ مِنِ لَبَن عَرَ مِكَ مَ شِيٍ كُي. عَ نَشَ عَ مَسٍن عَ بّ، «عِ يّتّ رَتَنفَ قٍ مْولِ بِرِن قَلَقٍ رَ يَشُبَ بّ.»

25 لَبَن نَشَ يَشُبَ لِ، عَ شَ كِرِ بَنشِ عِتَلَشِ فٍيَ يِرٍ فَلَدِ بْشِ مَ. لَبَن نُن عَ نفَشَكٍرٍنيِيٍ قَن نَشَ عٍ فبٍ عِتَلَ مّننِ نّ. 26 لَبَن نَشَ عَ قَلَ يَشُبَ بّ، «عِ مُنسٍ رَبَشِ يِ كِ؟ مُنقٍ رَ عِ ﭑ مَيَنقَشِ، عِ قَ ﭑ مَ دِيٍ شَنِن عَلْ فٍيلِمَنِيٍ؟ 27 عِ فِشِ نْشُنيِ كُي مُنقٍ رَ؟ عِ بَرَ يَنقَنتٍيَ نِيَ ﭑ نَ. عِ مُ عِ حُنفُي رَبِرَ ﭑ مَ. شَ عِ ﭑ نَكٌلٌن نُ، ﭑ شُلُنيِ نَن تِمَ عِ بّ، ﭑ عِ تِ كِرَ رَ حّلّشِنيِ كُي بٌوتٍ نُن كْرَ شُي رَ. 28 كْنْ عِ تَن مُ تِنشِ يَتِ ﭑ شَ ﭑ مَ دِيٍ نُن ﭑ مَ مَمَدِيٍ سُنبُ. شَشِلِ قَنيِ مُ نَ كِ. 29 ﭑ نْمَ قٍ كٌبِ رَبَدٍ وٌ رَ، كْنْ عِ بَبَ مَرِفِ عَلَتَلَ بَرَ عَ مَسٍن ﭑ بّ تٌ كْي رَ، ‹عِ يّتّ رَتَنفَ قٍ مْولِ بِرِن قَلَقٍ رَ يَشُبَ رَ.› 30 كْنْ عِ تٌ فبَتَشِ سِفَقٍ رَ عِ بَبَ شْنيِ، عِ ﭑ مَ عَلَيٍ تَن شَنِنشِ عِ شُن مَ مُنقٍ رَ؟»

31 يَشُبَ نَشَ لَبَن يَابِ، «ﭑ مُ ﭑ حُنفُ عِ مَ، بَرِ مَ ﭑ فَاشُ نّ عِ قَ عِ شَ دِ فِنّيٍ بَقٍ ﭑ يِ رَ. 32 كْنْ عِ نَ عِ شَ عَلَيٍ تٌ ﭑ مَ مِشِ يٌ يِ رَ، ﭑ نَ كَنيِ قَشَمَ نّ. عِ شَ ﭑ مَ كٌتٍ بِرِن مَتٌ وٌن نفَشَكٍرٍنيِيٍ يَ شْرِ. نَشَن بِرِن قِندِشِ عِ فبٍ رَ، عِ شَ عَ شَنِن.» يَشُبَ مُ نُ عَ مَحْشُنمَ عَ رَشٍلٍ نَن عَ بَبَ شَ كُيٍيٍ تٌنفٌشِ.

33 لَبَن نَشَ يَشُبَ شَ كِرِ بَنشِ كُي مَتٌ. عَ مَن نَشَ لٍيَ شْنيِ، لٍيَ شَ كٌنيِ شْنيِ، نُن رَشٍلٍ شَ كٌنيِ شْنيِ مَتٌ، كْنْ عَ مُ عَ فبٍ سٍ يٌ تٌ نَا. عَ تٌ مِنِ عٍ شْنيِ، عَ نَشَ سٌ رَشٍلٍ شَ كِرِ بَنشِ كُي. 34 رَشٍلٍ يَتِ نَن يِ كُيٍيٍ تٌنفٌ. عَ نُ بَرَ عٍ نْشُن دْشْسٍ بُن مَ نَشَن سَمَ حْشْمّ قَرِ، عَ قَ دْشْ عَ قَرِ. لَبَن نَشَ كِرِ بَنشِ كُي مَتٌ، كْنْ عَ مُ عَ فبٍ سٍ يٌ تٌشِ نَا. 35 رَشٍلٍ نَشَ عَ قَلَ عَ بَبَ بّ، «ﭑ بَبَ عِ نَشَ شْنْ ﭑ مَ دٍ، عِ نَ تٌ ﭑ مُ كٍلِشِ ﭑ تِ. ﭑ نَ كِكٍ وَلِ نّ.» لَبَن قٍنيِ مْولِ بِرِن تِ نّ، كْنْ عَ مُ كُيٍيٍ تٌ.

36 يَشُبَ نَشَ شْنْ، عَ نَشَ وْيّن شْنّ قَلَ لَبَن بّ. عَ نَشّ، «ﭑ فبَلٌي مُندُن نَبَشِ، ﭑ سّرِيّ مُندُن كَنَشِ نَشَن عَ نِيَمَ عِ شَ مِنِ ﭑ قٍندٍ يِ مْولِ رَ؟ 37 عِ بَرَ ﭑ مَ كٌتٍ بِرِن كُي مَتٌ. عِ فبٍ سٍيٍ مُندُن تٌشِ عٍ كُي؟ عَ مَسٍن ﭑ بّ ﭑ نفَشَكٍرٍنيِيٍ يَ شْرِ عَ نُن عِ قَن نفَشَكٍرٍنيِيٍ يَ شْرِ عَلَكٌ عٍ شَ وٌن مَكِيتِ. 38 ﭑ حّ مْشْحّن نَن نَبَشِ عِ شْنيِ، كْنْ عِ شَ يّشّي نُن سِ كٍرٍن مُ دِ بَرِشِ ﭑ يِ رَ عَ قَ قَشَ. ﭑ مَن مُ عِ شَ شُرُ سٍ كٌنتٌنيِ يٌ دٌنشِ. 39 ﭑ مُ قَشِ شُرُ سٍ رَ عِ شْن مَ وُلَءِ سُبٍيٍ نَشَن قَشَشِ. شُرُ سٍ نَشٍيٍ مُحَشِ كْي نُن يَنيِ رَ، ﭑ تَن نَن نَ كٌتٍ بِرِن تٌنفٌشِ ﭑ يّتّ رَ. عِ نُ نَ بِرِن مَشْرِنمَ ﭑ تَن نَن مَ. 40 يَنيِ رَ كُيٍقُرٍ نَشَ ﭑ تْورْ، كْي رَ شِنبٍلِ نَشَ ﭑ تْورْ، هَن ﭑ مُ نُ نْمَ شِدٍ عَ قَنيِ رَ. 41 ﭑ بَرَ حّ مْشْحّن نَبَ عِ يِ رَ. ﭑ حّ قُ نُن نَانِ وَلِشِ نّ عَلَكٌ ﭑ شَ عِ شَ دِ فِنّ قِرِنيِيٍ دْشْ. ﭑ مَن نَشَ حّ سٍننِ قَن سَ عَ قَرِ عِ شَ فْورّ كَنتَقٍ رَ. كْنْ عِ بَرَ ﭑ سَرٍ مَسَرَ دْشْ قُ. 42 شَ ﭑ تَنُن عِبُرَهِمَ مَرِفِ عَلَ مُ ﭑ مَلِ نُ، عَلَ نَشَن نُ ﭑ بَبَ عِسِيَفَ رَ سّرّنمَ، ﭑ سِفَمَ ﭑ بّلّشّ عِفٍلِ نَن نَ نُ. كْنْ عَلَ بَرَ ﭑ مَ مَرَيَافِ تٌ، عَ بَرَ ﭑ مَ تْورّ كٌلٌن. يِ كْي دَنفِشِ عَ بَرَ ﭑ مَ كِيتِ سَ.»

43 لَبَن نَشَ يَشُبَ يَابِ، «عِ شَ فِنّيٍ نَن لَنشِ ﭑ مَ دِيٍ مَ، عٍ شَ دِيٍ، وٌن مَ دِيٍ نَن عٍ رَ. يِ شُرُ سٍيٍ ﭑ فبٍ نَ عٍ رَ، عِ سٍ نَشَن بِرِن تٌشِ يِ كِ، ﭑ تَن نَن فبٍ عٍ رَ. كْنْ تٌ شَنبِ، ﭑ نْمَ مُنسٍ رَبَدٍ ﭑ مَ دِيٍ نُن ﭑ مَ مَمَدِيٍ بّ؟ 44 يَكْسِ، وٌن شَ سَاتَ. سٍيدٍ شَ لُ وٌن تَفِ.»

45 يَشُبَ نَشَ فّمّ تٌنفٌ، عَ نَشَ عَ تِ سَاتّ تْنشُمَ رَ. 46 عَ نَشَ عَ قَلَ عَ نفَشَكٍرٍنيِيٍ بّ عٍ قَن شَ فّمّيٍ مَتٌنفٌ. عٍ نَشَ عٍ مَتٌنفٌ، عٍ عٍ مَلَن يِرٍ كٍرٍن. عٍ نَشَ عٍ دّفٍ نَ فّمّ كٌتٌشِ سّيتِ مَ. 47 لَبَن نَشَ نَ يِرٍ شِلِ قَلَ يٍفَرَ سَهَدُتَ. يِ شِلِ نَن قَلَشِ «كٌتٌ سٍيدٍ» عَرَ مِ شُي رَ. يَشُبَ نَشَ نَ شِلِ قَلَ فَلٍدٍ. يِ شِلِ نَن قَلَشِ «كٌتٌ سٍيدٍ» عِسِرَيِلَ شُي رَ. 48 لَبَن نَشَ عَ قَلَ، «يِ فّمّ كٌتٌشِ نَشَن يِ كِ، عَ قِندِشِ سٍيدٍ نَن نَ عِ تَن نُن ﭑ تَن تَفِ.» نَ نَن عَ تٌشِ بٍ شِلِ قَلَشِ فَلٍدٍ، «سٍيدٍ فّمّ كٌتٌشِ.» 49 مِسِثَ شِلِ قَن سَشِ نَ يِرٍ نَن شُن. نَ شِلِ نَن قَلَشِ «حّنفِ سَ يِرٍ،» بَرِ مَ لَبَن عَ قَلَ مّننِ نّ، «عَلَتَلَ شَ عَ حّنفِ سَ وٌن تَن قِرِنيِ شَ قٍ شْن مَ، هَلِ وٌن قَتَن شَنبِ. 50 شَ عِ ﭑ مَ دِيٍ تْورْ، شَ نَ مُ عَ رَ عِ فِنّ فبّتّيٍ دْشْ، عِ شَ رَتُ عَ مَ عَ عَلَ نَن قِندِشِ سٍيدٍ رَ وٌن تَفِ، عَدَ مَدِ شَ مُ عَ رَ.»

51 نَ شَنبِ لَبَن نَشَ عَ قَلَ يَشُبَ بّ، «عِ يَ تِ يِ فّمّ كٌتٌشِ رَ. يِ تْنشُمَ فّمّ مَتٌ ﭑ نَشَن تِشِ وٌن تَفِ. 52 يِ فّمّ كٌتٌشِ نُن يِ تْنشُمَ فّمّ قِندِشِ سٍيدٍ نَن نَ. ﭑ مُ لَن ﭑ شَ دَنفِ بٍ رَ عِ شَ قٍ حَاشِ رَ ﭑ قُرِ كُي. عِ قَن مُ لَن عِ شَ دَنفِ يِ فّمّ كٌتٌشِ نُن يِ تْنشُمَ فّمّ رَ ﭑ مَ قٍ حَاشِ رَ عِ قُرِ كُي. 53 عِبُرَهِمَ مَرِفِ عَلَ نُن نَشٌرِ مَرِفِ عَلَ شَ قِندِ وٌن تَن قِرِنيِ مَكِيتِمَ رَ.» نَ تّمُي يَشُبَ نَشَ عَ يّتّ رَكَلِ عَلَ رَ، عَ بَبَ عِسِيَفَ فَاشُشِ نَشَن يَ رَ. 54 يَشُبَ نَشَ سّرّشّ بَ فٍيَ يِرٍ. عَ نَشَ عَ نفَشَكٍرٍنيِ بِرِن شِلِ عٍ شَ عٍ دّفٍ. عٍ تٌ فّ عٍ دّفٍدٍ، عٍ نَشَ شِ مّننِ نَ كْي رَ.