1 مٍلٍكِسٍدٍكِ نَن نُ نَ سَلَمُ مَنفّ رَ، عَ مَن نُ قِندِشِ عَلَ شِلِ شُنفبٍ كَنيِ شَ سّرّشّدُبّ نَن نَ. عِبُرَهِمَ تٌ فّ مَنفّ ندٍيٍ شُن نَكَنَدٍ، مٍلٍكِسٍدٍكِ نَشَ سَ نَرَلَن عَ رَ، عَ دُبَ عَ بّ. 2 عِبُرَهِمَ نَشَ قَرِلّ قِ عَ مَ. مٍلٍكِسٍدٍكِ شِلِ قَسَرِشِ يِ كِ «مَنفّ تِنشِنشِ.» عَ مَن نُ قِندِشِ سَلَمُ مَنفّ نَن نَ، نَشَن شِلِ قَسَرِ مَ يِ كِ «بْحّسَ مَنفّ.» 3 عَ بَبَ مُ كٌلٌن، عَ نفَ مُ كٌلٌن، عَ شَ تَرُشُي مُ كٌلٌن. عَ شَ سِمَيَ قْلْشِ تّمُي نَشّ، عَ نُن عَ حْن تّمُي، نَ قَن مُ كٌلٌن. نَ كُي، عَ لُشِ نّ عَلْ عَلَ شَ دِ، نَشَن قِندِشِ سّرّشّدُبّ رَ عَبَدَن.

4 وٌ عَ مَتٌ مٍلٍكِسٍدٍكِ تِدٍ نُ فبٌشِ كِ نَشّ. هَلِ وٌن بَبَ عِبُرَهِمَ، عَ نَشَن سْتْ عَ وَ سَسٌ سٍ رَ، عَ نَشَ نَ قَرِلّ قِ عَ مَ. 5 عَلَ شَ سّرِيّ عَ قَلَمَ حَمَ شَ قَرِلّ سٌ لٍوِ بْنسْي يِ رَ، نَشَن قِندِشِ سّرّشّدُبّيٍ رَ. نَ حَمَ قَن كٍلِشِ عِبُرَهِمَ بْنسْي نّ، عٍ قِندِ لٍوِ نفَشَكٍرٍنيِيٍ نَن نَ.

6 كْنْ مٍلٍكِسٍدٍكِ تَن، هَلِ عَ تٌ مُ نُ نَ لٍوِ بْنسْي شَ تَرُشُي كُي، عِبُرَهِمَ نَشَ قَرِلّ سٌ عَ يِ رَ. مٍلٍكِسٍدٍكِ نَشَ دُبَ عِبُرَهِمَ لَايِدِ كَنيِ بّ. 7 بِرِن عَ كٌلٌن مِشِ نَشَن دُبَمَ عَ بٌورٍ بّ، عَ تِدٍ فبٌ نَ كَنيِ بّ.

8 لٍوِ شَ مِشِ نَشٍيٍ قَرِلّ رَ سُشُمَ، عٍ قَشَمَ نّ، كْنْ مٍلٍكِسٍدٍكِ تَن مُ قَشَشِ. 9 نَ كُي، عَ لُشِ نّ عَلْ لٍوِ، نَشَن لُمَ قَرِلّ رَ سُشُ رَ، عَ نُ بَرَ قَرِلّ قِ مٍلٍكِسٍدٍكِ مَ عِبُرَهِمَ سَابُي رَ، 10 بَرِ مَ لٍوِ بْنسْي نُ نَ عَ بٍنبَ عِبُرَهِمَ قَتٍ عِ، عَ نَرَلَن مٍلٍكِسٍدٍكِ رَ تّمُي نَشّ.

11 شَ عَ سَ لِ قٍ بِرِن نُ نْمَ كَمَلِدٍ لٍوِ بْنسْي شَ سّرّشّدُبّحَ سَابُي رَ نُ، حَمَ عَلَ شَ سّرِيّ سْتْشِ نَشَن نَ، عٍ هَيِ مُ نُ نَ مٍلٍكِسٍدٍكِ شَ سّرّشّدُبّحَ مَ نُ، نَشَن مُ قَتَنشِ هَرُنَ بْنسْي رَ. 12 سّرّشّدُبّحَ نَ مَسَرَ، يَامَرِ قَن شَ مَسَرَ.

13 يِ مَسٍنيِ بِرِن قَلَشِ مِشِ نَشَن مَ قٍ رَ، عَ كٍلِشِ بْنسْي نّ سّرّشّدُبّ مُ نَ بْنسْي نَشّ. 14 بِرِن عَ كٌلٌن عَ وٌن مَرِفِ كٍلِشِ يُدَ بْنسْي نّ. عَننَبِ مُنسَ مُ يَامَرِ يٌ قِ نَ بْنسْي مِشِيٍ مَ عٍ شَ سّرّشّدُبّ وَلِ رَبَ.

15 مُشُ نَشَن مَسٍنشِ، عَ قِيشّ، بَرِ مَ سّرّشّدُبّ فبّتّ بَرَ مِنِ، نَشَن مَنِيَ مٍلٍكِسٍدٍكِ رَ، 16 نَشَن مُ قِندِشِ سّرّشّدُبّ رَ عَ بْنسْي شَ قٍ رَ. نَ كَنيِ قِندِشِ سّرّشّدُبّ رَ، بَرِ مَ قَشّ مُ نْ عَ رَ. 17 يِ سٍيدٍحْشْيَ بَرَ رَبَ عَ شَ قٍ رَ،

18 يَامَرِ سِنفٍ بَرَ بَ نَ عَ شَ سّنبّتَرٍيَ شَ قٍ رَ، عَ مُ نُ نْمَ عَ شَ وَلِ رَبَدٍ. 19 نَ يَامَرِ مُ نْ قٍقٍ رَكَمَلِدٍ، كْنْ قٍ نّينّ بَرَ مِنِ وٌن شَشِلِ تِمَ نَشَن نَ، نَشَن نْمَ وٌن مَلِدٍ وٌن مَكْرّدٍ عَلَ رَ.

20 نَ قٍ نّينّ مُ تِشِ مَرَكَلِ شَنبِ. 21 سّرّشّدُبّ سِنفٍيٍ بَرَ وَلِ سُشُ مَرَكَلِ شَنبِ، كْنْ عِسَ نَن قِندِشِ سّرّشّدُبّ رَ يِ مَرَكَلِ رَ عَلَ نَشَن مَسٍنشِ،

23 نَ شَنبِ، سّرّشّدُبّ سِنفٍيٍ نُ وُيَ، بَرِ مَ عٍ تٌ قَشَ، مِشِ فبّتّيٍ نُ تِمَ عٍ حْشْي رَ. 24 كْنْ عِسَ تَن مُ قَشَمَ، عَ بُمَ نّ عَبَدَن. عَ شَ سّرّشّدُبّحَ مُ رَدَنفِمَ مِشِ فبّتّيٍ مَ. 25 نَ نَن عَ تٌشِ عَ نْمَ مِشِ رَكِسِدٍ نَشَن عَ مَكْرّ مَ عَلَ رَ عَ تَن سَابُي رَ. عَ حِحّ تٌ عَ رَ، عَ نْمَ قِندِدٍ عٍ شَ سَابُي قَنيِ رَ عَلَ يِرٍ عَبَدَن.

26 وٌن هَيِ نَ نَ سّرّشّدُبّ كُنتِفِ مْولِ نَن مَ نَشَن سّنِيّن، يُنُبِ مُ نَ نَشَن مَ، نَشَن مُ قٍ حَاشِ يٌ كٌلٌن، نَشَن مُ لُمَ يُنُبِتْييٍ يَ مَ، نَشَن شَ قٍ عِتٍشِ دَنفِقٍ كٌورٍ رَ. 27 عِسَ مُ لُمَ عَلْ بٌورٍ سّرّشّدُبّ كُنتِفِيٍ، نَشٍيٍ لَنمَ عٍ شَ سّرّشّ بَ لْشْ يٌ لْشْ عٍ شَ يُنُبِيٍ شَ قٍ رَ، عَ نُن حَمَ شَ يُنُبِيٍ شَ قٍ رَ. عَ تَن بَرَ عَ يّتّ بَ سّرّشّ رَ كٍرٍنيِ رَ. 28 يَامَرِ سِنفٍ نُ مِشِ سّنبّتَرٍيٍ نَن تِمَ سّرّشّدُبّ كُنتِفِيٍ رَ، كْنْ نَ مَرَكَلِ نّينّ نَشَن قَشِ نَ يَامَرِ سِنفٍ دَنفِ شَنبِ، عَ بَرَ عَلَ شَ دِ تِ سّرّشّدُبّ كُنتِفِ رَ، نَشَن بَرَ فّ كَمَلِدٍ عَبَدَن.