2 «عِ شَ تِ عَلَتَلَ شَ هْرْ مْبَنشِ نَادّ رَ،

عِ قَ يِ وْيّنيِ مَسٍن نَا،

‹وٌ وٌ تُلِ مَتِ عَلَتَلَ شَ مَسٍنيِ رَ،

وٌ تَن يُدَيَكَ نَشٍيٍ بِرِن سٌمَ يِ نَادّيٍ رَ قَقٍ تُوبِدٍ عَلَتَلَ بّ.

3 عِسِرَيِلَ مَنفّ عَلَتَلَ نَشّ، شَ وٌ كِرَ مَسَرَ،

وٌ نَشَ قٍ قَنيِ سُشُ،

ﭑ وٌ لُمَ نّ يِ بْشِ مَ.

4 وٌ نَشَ لَ يِ وُلٍ مَسٍنيِ رَ، وٌ نُ قَ عَ قَلَ؛

عَلَتَلَ شَ هْرْ مْبَنشِ نَن يِ كِ،

عَلَتَلَ شَ هْرْ مْبَنشِ، عَلَتَلَ شَ هْرْ مْبَنشِ.

5 شَ وٌ كِرَ مَسَرَ،

شَ وٌ قٍ قَنيِ سُشُ،

شَ وٌ تِنشِن وٌ بٌورٍيٍ تَفِ،

6 شَ وٌ مُ شْحّ، كِرِدِ، نُن كَاحّ فِنّ تْورْ،

شَ وٌ مُ مِشِ قَشَ تْوحّفّ رَ يِ بْشِ مَ،

شَ وٌ مُ بِرَ عَلَ فبّتّيٍ قْشْ رَ،

نَشٍيٍ قِندِ مَ تْورّ رَ وٌ بّ،

7 نَ تّمُي ﭑ وٌ لُمَ نّ يِ بْشِ مَ عَبَدَن،

ﭑ نَشَن قِشِ وٌ بَبَيٍ مَ.

8 كْنْ وٌ بَرَ بِرَ وُلٍ قْشْ رَ،

نَشَن مُ سٍسٍ قَنمَ وٌ مَ.

9 مُنقٍ رَ وٌ وَ مَ قَشّ نُن يّنّ رَبَقٍ،

وٌ وٌ كَلِ وُلٍ رَ،

وٌ سُرَيِ فَن سّرّشّ رَ بَلَ كُيٍ بّ،

وٌ بِرَ عَلَ فبّتّيٍ قْشْ رَ،

وٌ مُ نَشٍيٍ كٌلٌن؟

10 نَ شَنبِ وٌ قَ قَ تِدٍ ﭑ يَ عِ،

ﭑ مَ بَنشِ كُي، ﭑ شِلِ مَتْشْمَ دّننَشّ.

وٌ نَشّ وٌ بَرَ كِسِ،

كْنْ وٌ قٍ شْنشِ رَبَمَ.

11 وٌ يِ بَنشِ قِندِشِ مِشِ حَاشِ بَنشِ نَن نَ،

ﭑ شِلِ قَلَمَ دّننَشّ؟

ﭑ تَن عَلَتَلَ بَرَ عَ بِرِن تٌ.

12 وٌ شَ رَتُ سِلٌ مَ،

ﭑ مَ يِرٍ سّنِيّنشِ سِنفٍ نُ نَ دّننَشّ.

ﭑ بَرَ مّننِ قَن حَشَنكَتَ،

ﭑ مَ عِسِرَيِلَ حَمَ شَ حَاشُحَ شَ قٍ رَ.›»

13 عَلَتَلَ شَ مَسٍنيِ نَن يَ.

«يَكْسِ، وٌ تٌ بَرَ يِ قٍ بِرِن نَبَ،

وٌ تٌ تٌندِ ﭑ مَ مَسٍنيِ سُشُدٍ،

ﭑ نَشَن قَلَشِ وٌ بّ تّمُي بِرِن،

وٌ تٌ تٌندِ ﭑ مَ شِلِ رَتِندٍ،

14 ﭑ قَمَ نّ قٍ رَبَدٍ يِ هْرْ مْبَنشِ رَ،

عَلْ ﭑ نَشَن نَبَشِ سِلٌ رَ.

ﭑ نَ مْولِ رَبَمَ نّ يِ بَنشِ رَ،

ﭑ نَشَن قِشِ وٌ نُن وٌ بَبَيٍ مَ، وٌ لَشِ نَشَن نَ.

15 ﭑ وٌ مَكُيَمَ نّ ﭑ يِرٍ رَ،

عَلْ ﭑ وٌ نفَشَكٍرٍنيِيٍ عٍقِرَ مِ بْنسْي مَكُيَشِ ﭑ نَ كِ نَشّ.»

16 «عِ تَن، هَلِ عِ مُ عَلَ مَشَندِ يِ حَمَ بّ،

هَلِ عِ مُ عِ شُي عِتٍ سَلِدٍ،

هَلِ عِ مُ ﭑ مَكُلَ،

بَرِ مَ ﭑ مُ عِ دَنشُنمَ.

17 عِ مُ عَ تٌشِ قٍ نَشَن نَبَمَ يُدَيَ تَايٍ نُن دَرِ سَلَمُ كُي؟

18 عٍ شَ دِيٍ يٍفٍ مَتٌنفٌمَ،

بَبَيٍ تّ رَدّشّمَ،

فِنّيٍ قَن تَامِ شِندٍ رَ مُلَنمَ، عٍ عَ رَ مْندْ كُيٍ بّ،

وٌ نَشَن شِلِمَ كٌورٍ مَنفّ فِنّ.

عٍ مَن مِنسٍ بَمَ سّرّشّ رَ.

نَ كُي عٍ بَرَ ﭑ نَشْنْ،

19 ﭑ تَن قَن قَمَ نّ عٍ تْورْدٍ.»

عَلَتَلَ شَ مَسٍنيِ نَن يَ؛

«عٍ بَرَ عٍ يّتّ تْورْ،

عٍ بَرَ عٍ يّتّ كَن نَيَافِ.

20 نَ نَن عَ تٌشِ ﭑ تَن مَرِفِ عَلَتَلَ نَشّ،

‹ﭑ مَ حَشَنكَتّ نَ يِ بْشِ مَ،

مِشِيٍ نُن سُبٍيٍ نُن بٌفِسٍيٍ مَ.

عٍ بِرِن قَمَ نّ فَندٍ تّ رَ،

نَشَن مُ شُبٍنمَ.›»

21 عِسِرَيِلَ مَنفّ عَلَتَلَ نَشَ عَ مَسٍن،

«وٌ شَ وٌ شَ سّرّشّ فَن دَاشِ قَن دٌن.

22 ﭑ مُ سّرّشّ قٍ فبَنسَن شَ قَلَ وٌ بَبَيٍ بّ،

ﭑ تٌ عٍ رَ مِنِ مِسِرَ بْشِ رَ.

23 كْنْ ﭑ عٍ يَامَرِ يِ نَن نَ،

‹وٌ بِرَ ﭑ شُي قْشْ رَ،

عَلَكٌ ﭑ شَ قِندِ وٌ مَرِفِ عَلَ رَ،

وٌ قَن شَ قِندِ ﭑ مَ حَمَ رَ.

وٌ شَ حّرّ ﭑ مَ كِرَ شْن مَ،

ﭑ نَشَن مَسٍنشِ وٌ بّ،

عَلَكٌ وٌ شَ هّيرِ سْتْ.›

24 كْنْ عٍ مُ عٍ تُلِ مَتِ ﭑ نَ،

عٍ بَرَ بِرَ عٍ شَ مَحْشُن كٌبِ قْشْ رَ،

عٍ بَرَ عٍ كٌبٍ تِ ﭑ نَ،

عٍ مُ بِرَشِ ﭑ قْشْ رَ.

25 كَبِ وٌ بَبَيٍ نَشَ مِنِ مِسِرَ بْشِ رَ هَن تٌ،

ﭑ نَ ﭑ مَ كٌنيِ نَمِحْنمّيٍ شّيقٍ وٌ مَ.

26 كْنْ وٌ مُ وٌ تُلِ مَتِشِ ﭑ نَ.

وٌ شَشِلِ شْرْشْشِ،

وٌ بَرَ كٌبِ دَنفِقٍ وٌ بَبَيٍ رَ.»

27 «عِ نَ يِ وْيّنيِ بِرِن قَلَ عٍ بّ،

عٍ مُ عِ دَنشُنمَ.

عِ نَ عٍ شِلِ، عٍ مُ عَ رَتِنمَ.

28 نَ تّمُي عِ شَ عَ قَلَ عٍ بّ،

‹سِ نَن يَ نَشَن مُ عٍ تُلِ مَتِمَ

عٍ مَرِفِ عَلَتَلَ شَ مَسٍنيِ رَ.

عٍ مُ مَرَ سِ مّمَ.

سّرِيّ يٌ مُ نَ عٍ يِ رَ.›

29 عِ شُنسّشّ مَشَبَ،

عِ نَشَن نَلُشِ عِ شَ كَلِ شَ قٍ رَ.

عَلَتَلَ بَرَ شْنْ، عَ بَرَ يِ حَمَ رَبّحِن.

30 يُدَيَكَيٍ بَرَ قٍ رَبَ ﭑ مُ وَ مَ نَشَن تٌقٍ.

عٍ بَرَ قٍ شْنشِ دْشْ ﭑ مَ بَنشِ كُي،

ﭑ شِلِ قَلَمَ دّننَشّ.

عٍ بَرَ نَ قِندِ يِرٍ سّنِيّنتَرٍ رَ.»

عَلَتَلَ شَ مَسٍنيِ نَن نَ كِ.

31 «عٍ بَرَ كُيٍ بَتُدٍ يَءِلَن فٍيَ قَرِ تٌقٍتِ

نُن هِنٌمَ فُلُنبَ كُي،

عَلَكٌ عٍ شَ عٍ شَ دِيٍ فَن سّرّشّ رَ.

ﭑ تَن مُ عٍ يَمَرِشِ نَ قٍ مْولِ رَ،

عَ مَكُيَ ﭑ مَ مَحْشُنيِ رَ ثٌن.»

32 عَلَتَلَ شَ مَسٍنيِ نَن يَ.

«لْشْي قَمَ قَدٍ تٌقٍتِ شِلِ مَسَرَ مَ نّ.

هِنٌمَ فُلُنبَ قَمَ نّ شِلِدٍ قَشّ تِدٍ.

تٌقٍتِ قِندِ مَ نّ فَبُرِ يِرٍ رَ.

33 شْنِيٍ نُن سُبٍيٍ قَمَ نّ نَ حَمَ بِنبِيٍ دٌندٍ.

مِشِ يٌ مُ لُمَ نَا نَشَن عٍ كٍرِ مَ.

34 شُلُنيِ حْنمَ نّ يُدَيَ نُن دَرِ سَلَمُ بْشِ كُي.

سِفِ مُ سَمَ، يٍلِبَ مُ وْيّنمَ.

قُوتِ مُ شِرِ مَ نَ فبَلٌي شَ قٍ رَ.»