1 رْ مَ مَنفّ شُنفبٍ تِبٍرِيٌ نُ نَ عَ شَ مَنفّيَ حّ قُ نُن سُولِ ندٍ كُي. ثٌنسِ ثِلَتِ نَن نُ قِندِشِ يُدَيَ فٌمِنَ رَ. هٍرٌدٍ نَن نُ قِندِشِ فَلِلٍ مَنفّ رَ، عَ تَارَ قِلِثُ قَن نُ قِندِشِ عِتُرٍيَ نُن تِرَكٌنِتِ بْشِيٍ مَنفّ رَ. لِسَنِيَ نَن نُ قِندِشِ عَبِلٍن مَنفّ رَ. 2 عَنَنِ نُن كَيَقَ نَن نُ قِندِشِ سّرّشّدُبّ كُنتِفِيٍ رَ. نَ وَشَتِ، عَلَ شَ مَسٍنيِ نَشَ قَ سَكَرِ شَ دِ يَيَ مَ، عَ تٌ نُ نَ وُلَ عِ. 3 نَ كُي، عَ نَشَ سِفَ كَوَندِ رَبَدٍ يُرُدّن شُرٍ لٌنفٌرِ بِرِن. عَ نُ كَوَندِ تِمَ مِشِيٍ بّ، عٍ شَ عٍ شُنشَ يٍ شْورَ تُوبِ رَ، عَلَكٌ عَلَ شَ عٍ شَ يُنُبِيٍ شَقَرِ. 4 عَ سّبّشِ عَننَبِ عٍسَيِ شَ كِتَابُي كُي،

7 نَ كُي، حَمَ تٌ نُ سِفَمَ يَيَ شْن مَ عَ شَ عٍ شُنشَ يٍ شْورَ، عَ نَشَ عَ قَلَ عٍ بّ، «وٌ تَن بْشِمَسٍ بْنسْي! ندٍ وٌ رَكٌلٌنشِ وٌ شَ وٌ فِ عَلَ شَ شْنّ مَ نَشَن نَ قَقٍ؟ 8 وٌ كّحَ شَ وَلِ قَنيِ رَ مِنِ عَلْ وُرِ بِلِ قَنيِ بٌفِ قَنيِ رَ مِنِمَ كِ نَشّ، بٌفِ نَشَن عَ مَسٍنمَ عَ وٌ بَرَ تُوبِ. وٌ نَشَ عَ قَلَ وٌ يّتّ مَ، ‹عِبُرَهِمَ نَن نَ مُشُ بٍنبَ رَ،› بَرِ مَ قّيرّ نَ عَلَ يِ عَ شَ يِ فّمّيٍ مَقِندِ عِبُرَهِمَ شَ دِيٍ رَ. 9 بٍيرَ حَن نَ وُرِيٍ سَنكٍيٍ رَ عَ شَ عٍ بِلِيٍ سّفّ. وُرِ نَشَن يٌ مُ بٌفِ قَنيِ رَ مِنِمَ، عَ قْنمَ نّ، عَ وٌلِ تّ عِ.»

10 حَمَ نَشَ عَ مَشْرِن، «مُشُ شَ مُنسٍ رَبَ قَ؟» 11 عَ نَشَ عٍ يَابِ، «دٌنمَ قِرِن نَ نَشَن يِ رَ، عَ كَنيِ شَ كٍرٍن قِ بٌورٍ مَ، سٍ مُ نَ نَشَن يِ. دٌنسٍ نَ نَشَن يِ رَ، عَ كَنيِ قَن شَ عَ رَبَ نَ كِ.» 12 دُوتِ مَشِلِيٍ قَن نَشَ قَ عٍ شُنشَدٍ يٍ شْورَ، عٍ عَ مَشْرِن، «كَرَ مْشْ، عَ لَنمَ مُشُ شَ مُنسٍ رَبَ؟» 13 عَ نَشَ عٍ يَابِ، «وٌ نَشَ دُوتِ شُن مَسَ دَنفِ يَامَرِ رَ.» 14 سْورِ ندٍيٍ قَن نَشَ عَ مَشْرِن، «مُشُ تَن فٌ؟ عَ لَنمَ مُشُ قَن شَ مُنسٍ رَبَ؟» عَ نَشَ عٍ يَابِ، «وٌ نَشَ مِشِ يٌ مُحَ، وٌ نَشَ مِشِ يٌ تْوحّفّ. وٌ شَ وٌ وَ سَ سٌ وٌ وَلِ سَرٍ نَن نَ.»

15 مِشِيٍ نَشَ عٍ شَشِلِ تِ يَيَ رَ، عٍ نُ عٍ مَحْشُن، عَ تّمُندٍ عَلَ شَ مِشِ سُفَندِشِ نَ عَ رَ. 16 يَيَ نَشَ عَ قَلَ عٍ بِرِن بّ، «ﭑ تَن وٌ شُنشَمَ يٍ نَن شْورَ، كْنْ نَشَن قَمَ ﭑ شَنبِ رَ، نَ سّنبّ فبٌ ﭑ تَن بّ. نَ بِنيّ مُ نَ ﭑ تَن يِ رَ، ﭑ حَن شَ عَ شَ سَنكِرِ لُوتِ يَتِ قُلُن. عَ تَن نَن عَلَ شَشِلِ سّنِيّنشِ رَفٌرٌ مَ وٌ مَ، عَ تَن نَن وٌ شُنشَمَ تّ رَ. 17 عَ شَ سٍفٍرٍ سُشُشِ عَ يِ رَ، عَ مَالٍ نُن عَ لَفِ يٍفٍتِمَ نَشَن نَ لْنيِ مَ. عَ مَالٍ رَ سٌمَ عَ شَ بِلِ كُي، كْنْ عَ لَفِ تَن فَنمَ تّ رَ نَشَن مُ شُبٍنمَ.» 18 يَيَ مَن نُ مِشِيٍ رَ سِمَ عَ مْولِ وُيَشِ رَ، عَ نُ عٍ كَوَندِ شِبَارُ قَنيِ رَ.

19 كْنْ يَيَ تٌ وْيّن مَنفّ هٍرٌدٍ مَ، عَ تَارَ شَ فِنّ هٍرٌدِيَسِ شَ قٍ رَ، عَ نُن عَ نُ بَرَ قٍ حَاشِ نَشَن بِرِن نَبَ، 20 هٍرٌدٍ مَن نَشَ يِ قٍ كٌبِ كٍرٍن سَ نَ بِرِن شُن؛ عَ نَشَ يَيَ سَ فٍيلِ.

21 حَمَ بِرِن تٌ نُ بَرَ عٍ شُنشَ يٍ شْورَ، عِسَ قَن نَشَ عَ شُنشَ يٍ شْورَ. عَ تٌ نُ عَلَ مَشَندِقٍ، كٌورٍ نَشَ رَبِ، 22 عَلَ شَشِلِ سّنِيّنشِ نَشَ فٌرٌ عَ مَ عَلْ فَنبّ. شُي ندٍ نَشَ كٍلِ كٌورٍ مَ، عَ عَ مَسٍن، «ﭑ مَ دِ مَشَنُشِ نَن نَ عِ رَ. عِ ﭑ كّنّنشِ كِ قَنيِ رَ.»

23 عِسَ تٌ حّ تٌنفٌ سَشَن حْندْن سْتْ، عَ نَشَ عَ شَ وَلِ قْلْ. مِشِيٍ نُ لَشِ عَ رَ يُسُقُ شَ دِ نَن عَ رَ.