1 عَلَتَلَ نَشَ يِ مَسٍنيِ تِ مُنسَ بّ، 2 «عَ قَلَ عِسِرَيِلَكَيٍ بّ، عٍ شَ ﭑ مَ سّرّشّ بَ عَ بَ تّمُي. دٌنسٍيٍ نَن عٍ رَ، نَشٍيٍ فَنمَ، عٍ شِرِ حْشُنمّ تٍ ﭑ نَ.

3 «عَ قَلَ عٍ بّ، ‹لْشْ يٌ لْشْ وٌ شَ سّرّشّ فَن دَاشِ بَ عَلَتَلَ بّ، يّشّي قِرِن، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. 4 كٍرٍن شَ بَ فّيسّفّ، بٌورٍ شَ بَ نُنمَرٍ. 5 وٌ مَن شَ سَنسِ شْرِ دِنشِ كِلٌ سَشَن بَ سّرّشّ رَ نَشَن نَمُلَنشِ عٌلِوِ تُرٍ قَنيِ لِتِرِ كٍرٍن نُن عَ تَفِ رَ. 6 نَ سّرّشّ فَن دَاشِ مْولِ نُ بَمَ ﭑ بّ تُرُ سِنِنَ فٍيَ مَ، عَ شِرِ حْشُنمّ نُ تٍمَ ﭑ نَ. 7 وّنِ سّرّشّ لِتِرِ كٍرٍن نُن عَ تَفِ بَمَ يّشّي سّيتِ مَ عَلَتَلَ بّ. نَ سّرّشّ رَقَلَمَ يِرٍ سّنِيّنشِ نَن كُي. 8 وٌ شَ سَنسِ شْرِ دِنشِ سّرّشّ نُن وّنِ سّرّشّ بَ نُنمَرٍ تّمُي يّشّي سّيتِ مَ. نَ بِرِن قِندِ مَ سّرّشّ فَن دَاشِ نَن نَ نَشَن شِرِ حْشُنمّ تٍمَ ﭑ تَن عَلَتَلَ رَ.›»

9 مَلَبُي لْشْي وٌ شَ يّشّي قِرِن بَ مَلَبُ لْشْي سّرّشّ رَ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. سَنسِ شْرِ دِنشِ سّرّشّ نَشَن نَمُلَنشِ تُرٍ كِلٌ سٍننِ رَ، نُن وّنِ سّرّشّ شَ بَ نَ يّشّييٍ سّيتِ مَ. 10 مَلَبُي لْشْي سّرّشّ فَن دَاشِيٍ نَن بَمَ فّيسّفّ نُن نُنمَرٍ سّرّشّيٍ رَ، عَ نُن عٍ شَ وّنِ سّرّشّيٍ.

11 كِكٍ شِ سِنفٍ بِرِن، وٌ شَ تُورَ قِرِن بَ سّرّشّ فَن دَاشِ رَ، عَ نُن يّشّي كٌنتٌنيِ كٍرٍن، عَ نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. 12 سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ. 13 سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ. سّرّشّ فَن دَاشِ نَن عَ رَ نَشَن فَنمَ، عَ شِرِ حْشُنمّ تٍ ﭑ تَن عَلَتَلَ رَ. 14 وّنِ لِتِرِ سَشَن سّرّشّ شَ بَ تُورَ بِرِن بّ. وّنِ لِتِرِ قِرِن سّرّشّ شَ بَ يّشّي كٌنتٌنيِ بِرِن بّ. وّنِ لِتِرِ كٍرٍن سّرّشّ شَ بَ يّشّي بِرِن بّ. نَ سّرّشّ مْولِ بَمَ كِكٍ شِ سِنفٍ بِرِن حّ كُي. 15 وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ، وٌ فّيسّفّ نُن نُنمَرٍ سّرّشّ بَمَ تّمُي نَشّ، عَ نُن عَ شَ وّنِ سّرّشّ.

16 كِكٍ سِنفٍ شِ قُ نُن نَانِ ندٍ، وٌ شَ سَيَمَلٍكّ دَنفِ سَلِ رَبَ عَلَتَلَ شَ بِنيّ بُن مَ. 17 نَ كِكٍ شِ قُ نُن سُولِ ندٍ قِندِ مَ سَلِ لْشْي نَن نَ. وٌ شَ تَامِ لّبِنِتَرٍ دٌن شِ سٌلٌقٍرٍ بُن مَ. 18 نَ شِ سِنفٍ وٌ شَ وٌ مَلَن عَلَ بَتُدٍ. وٌ نَشَ وَلِ يٌ رَبَ نَ لْشْي. 19 وٌ شَ يِ سّرّشّ فَن دَاشِيٍ بَ عَلَتَلَ بّ نَ لْشْي؛ تُورَ قِرِن، يّشّي كٌنتٌنيِ كٍرٍن، نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ، لَنيُرُ يٌ مُ نَ نَشٍيٍ مَ. 20 سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ. 21 سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي يٌ يّشّي سّيتِ مَ. 22 وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ. 23 وٌ شَ نَ سّرّشّيٍ سَ فّيسّفّ دَاشِيٍ شُن مَ، نَشٍيٍ بَمَ لْشْي بِرِن. 24 وٌ شَ نٍيٍ بَ شِ سٌلٌقٍرٍ بُن مَ. سّرّشّ فَن دَاشِ نَن عَ رَ نَشَن فَنمَ، عَ شِرِ حْشُنمّ تٍ ﭑ تَن عَلَتَلَ رَ. نٍيٍ بَمَ نّ لْشْ يٌ لْشْ، عٍ نُن بٌورٍ سّرّشّ فَن دَاشِيٍ، نُن وّنِ سّرّشّ. 25 عَ شِ سٌلٌقٍرٍ ندٍ، وٌ شَ وٌ مَلَن عَلَ بَتُدٍ. وٌ نَشَ وَلِ فبّتّيٍ رَبَ نَ لْشْي.

26 شّ شَبَ سَلِ، وٌ نَ قَ سَنسِ بٌفِ سِنفٍيٍ سّرّشّ رَ عَلَتَلَ شْن مَ، وٌ شَ وٌ مَلَن ﭑ بَتُدٍ. وٌ نَشَ وَلِ يٌ سُشُ نَ لْشْي. 27 وٌ شَ يِ سّرّشّيٍ بَ؛ تُورَ قِرِن، يّشّي كٌنتٌنيِ كٍرٍن، نُن يّشّي سٌلٌقٍرٍ، نَشٍيٍ بَرَ حّ كٍرٍن سْتْ. نٍيٍ نَن بَمَ سّرّشّ فَن دَاشِ رَ، عٍ شِرِ حْشُنمّ تٍ ﭑ تَن عَلَتَلَ رَ. 28 سَنسِ شْرِ دِنشِ سّرّشّ كِلٌ سٌلٌمَنَانِ نَشَن نَمُلَنشِ تُرٍ رَ، عَ شَ سَ تُورَ كٍرٍن يٌ تُورَ كٍرٍن سّيتِ مَ. سَنسِ شْرِ دِنشِ سّرّشّ كِلٌ سٍننِ نَشَن نَمُلَنشِ تُرٍ رَ، عَ شَ سَ يّشّي كٌنتٌنيِ كٍرٍن يٌ يّشّي كٌنتٌنيِ كٍرٍن سّيتِ مَ. 29 سَنسِ شْرِ دِنشِ سّرّشّ كِلٌ سَشَن نَشَن نَمُلَنشِ تُرٍ رَ، عَ شَ سَ يّشّي كٍرٍن يٌ يّشّي كٍرٍن سّيتِ مَ. 30 وٌ شَ سِكْتّ كٍرٍن قَن بَ عَلَتَلَ بّ يُنُبِ شَقَرِ سّرّشّ رَ. 31 وٌ شَ نَ سّرّشّيٍ سَ بٌورٍ سّرّشّيٍ شُن، وٌ نَشٍيٍ بَمَ لْشْي بِرِن، عٍ نُن سَنسِ شْرِ نُن وّنِ نَشَن قَن بَمَ سّرّشّ رَ. لَنيُرُ يٌ نَشَ لُ نَ سّرّشّيٍ مَ.