2 كٌورٍ عَلَ شَ نْرّ مَسٍنمَ.

كٌورٍ وَلَشّ عَلَ شَ وَلِ مَسٍنمَ.

3 يَنيِ لْننِ مَسٍنمَ لْشْ يٌ لْشْ.

دِ مِ شَشِلِ مَسٍنمَ كْي يٌ كْي.

4 شُي يَتِ يَتِ مُ عَ رَ،

وْيّنيِ قَن مُ عَ رَ.

تُلِ مُ نْمَ عٍ شُي مّدٍ.

5 عٍ قْشِ تٌمَ دُنِحَ بِرِن مَ.

عٍ قْشِ يِرٍ مَكُيٍ بِرِن لِمَ،

هَن سٌفٍ سَ سَمَ كَنكِرَ نَشَن كُي.

6 سٌفٍ مِنِمَ نّ عَلْ شّمّ نَشَن بَشِ فِنّ دْشْدٍ،

عَ قَ مِنِ عَ شَ كٌنكٌي كُي،

عَلْ مِشِ شُنفبٍ نَشَن حّرّ مَ عَ يّتّ شَ كِرَ شْن.

7 عَ حّرّ قْلْمَ سٌفٍتٍدٍ، عَ سَ حْن سٌفٍفٌرٌدٍ.

سٍسٍ مُ نْمَ عَ وُيٍنيِ بَدٍ.

8 عَلَتَلَ شَ سّرِيّ، سّرِيّ قَنيِ نَ عَ رَ.

عَ سّنبّ قِمَ مِشِ مَ.

عَلَتَلَ شَ نْندِ، نْندِ يَتِ نَ عَ رَ.

عَ لْننِتَرٍ قِندِ مَ لْننِلَ رَ.

9 عَلَتَلَ شَ نْي، نْي تِنشِنشِ نَ عَ رَ.

عَ مِشِ بْحّ رَحّلّشِنمَ نّ.

عَلَتَلَ شَ مَسٍنيِ، مَسٍنيِ تِنسٍشِ نَ عَ رَ.

عَ مِشِ شَشِلِ يَ رَبِمَ نّ.

10 عَلَتَلَ شَ يَرَفَاشُي، قٍ سّنِيّنشِ نَ عَ رَ.

عَ مُ حْنمَ عَبَدَن.

عَلَتَلَ شَ يَامَرِ، يَامَرِ قَنيِ نَ عَ رَ.

عَ بِرِن تِنشِن.

11 عَلَ شَ يَامَرِ، عَ قَن شّيمَ بّ،

عَ قَن دَنفِ شّيمَ قَنيِ بِرِن نَ.

عَلَ شَ يَامَرِ، عَ حْشُن كُمِ بّ،

عَ حْشُن دَنفِ كُمِ قَنيِ بِرِن نَ.

12 عِ شَ كٌنيِ شَشِلِ سْتْمَ نّ عِ شَ سّرِيّ كُي.

عَ فٍينِ فبٍفبٍ تٌمَ نّ نَا.

13 ندٍ نْمَ عَ يّتّ كَن يُفٍ حَاشِيٍ بِرِن كٌلٌندٍ؟

عِ شَ ﭑ مَ يُنُبِ نْشُنشِ شَقَرِ ﭑ مُ نَشَن كٌلٌن.

14 عِ شَ ﭑ مَ يُنُبِ مَكّنّنشِ مَكُيَ ﭑ نَ.

عَ نَشَ ﭑ سُشُ سّنبّ رَ.

نَ تّمُي ﭑ قَمَ قِندِدٍ مِشِ تِنشِنشِ رَ،

نَشَن مُ يُنُبِ حَاشِ رَبَمَ.

15 وْيّنيِ نَشَن كٍلِمَ ﭑ دّ عِ،

عَ نُن وْيّنيِ نَشَن كٍلِمَ ﭑ بْحّ مَ،

عَلَ شَ نَ تٌنفٌ ﭑ بّ حّلّشِنيِ رَ.

عَلَتَلَ، ﭑ كَنتَمَ نَن عِ رَ، عِ بَرَ ﭑ شُنسَرَ.