1 وٌن شَ مِسَالِ تٌنفٌ عِبُرَهِمَ مَ، وٌن تَن يُوِقِيٍ بٍنبَ. عَ مُنسٍ كٌلٌن يِ شَ قٍ رَ؟ 2 شَ عَ سَ لِ نُ عِبُرَهِمَ قِندِ تِنشِنتْي رَ عَ شَ وَلِ نَن سَابُي رَ، عَ نُ نْمَ عَ يّتّ مَتْشْدٍ، كْنْ عَلَ تَن يَ عِ مُ عَ رَ. 3 كِتَابُي مُنسٍ قَلَشِ نَ شَ قٍ رَ؟ «عِبُرَهِمَ نَشَ دَنشَنِيَ عَلَ مَ، عَلَ نَشَ نَ قِندِ تِنشِنيِ رَ عَ بّ.» 4 وَلِكّ نَ عَ سَرٍ سْتْ، نَ مُ قِندِ مَ عَ بّ كِ شَ رَ، بَرِ مَ عَ شَ وَلِ سَرٍ نَ عَ رَ عَ لَنمَ عَ شَ نَشَن سْتْ. 5 كْنْ مِشِ نَشَن شَشِلِ مُ تِشِ عَ شَ وَلِ رَ، نَشَن دَنشَنِيَشِ مَرِفِ مَ نَشَن مِشِ كٌبِ قِندِ مَ تِنشِنتْي رَ، عَلَ نَ كَنيِ شَ دَنشَنِيَ قِندِ مَ عَ بّ تِنشِنيِ نَن نَ. 6 دَوُدَ قَن عَ مَسٍن نّ عَ هّيرِ نَ مِشِ بّ عَلَ بَرَ نَشَن قِندِ تِنشِنتْي رَ عَ يَ عِ، بَقٍ عَ شَ وَلِيٍ رَ؛

9 نَ كُي، يِ هّيرِ نَشَن مَ قٍ قَلَشِ، مِشِ سُننَشِيٍ فبَنسَن نَن عَ سْتْمَ، كَ مِشِ سُننَتَرٍيٍ قَن نْمَ عَ سْتْدٍ؟ وٌن حَن بَرَ عَ قَلَ عَ عِبُرَهِمَ تٌ دَنشَنِيَ عَلَ مَ، عَلَ عَ شَ دَنشَنِيَ نَن قِندِ تِنشِنيِ رَ عَ بّ. 10 نَ رَبَشِ عَ بّ مُن تّمُي؟ عَ تٌ نُ سُننَشِ بَ، كَ عَ تٌ مُ نُ سُننَشِ؟ عَلَ نَ رَبَشِ عَ بّ تّمُي نَشّ، عِبُرَهِمَ مُ نُ سُننَشِ. 11 نَ شَنبِ، عَ نَشَ سُننَ عَلَكٌ عَ شَ قِندِ تْنشُمَ رَ نَشَن عَ مَسٍنمَ عَ عَلَ بَرَ عَ شَ دَنشَنِيَ قِندِ تِنشِنيِ رَ عَ بّ بٍينُن عَ شَ سُننَ. نَ كُي، عَ نَشَ قِندِ دَنشَنِيَتْي بِرِن بٍنبَ رَ نَشٍيٍ مُ سُننَشِ، عَلَ بَرَ نَشٍيٍ شَ دَنشَنِيَ قِندِ تِنشِنيِ رَ عٍ بّ. 12 عَ تَن نَن قِندِشِ مِشِ سُننَشِيٍ قَن بٍنبَ رَ نَشٍيٍ مُ عٍ شَشِلِ تِمَ عٍ شَ سُننّ رَ، كْنْ نَشٍيٍ مَن حّرّ مَ دَنشَنِيَ كُي عَلْ وٌن بٍنبَ عِبُرَهِمَ حّرّ كِ نَشّ بٍينُن عَ شَ سُننَ.

13 عَلَ لَايِدِ تٌنفٌ نّ عِبُرَهِمَ نُن عَ بْنسْي بّ، عَ عٍ قَمَ دُنِحَ سْتْدٍ كّ رَ. كْنْ نَ لَايِدِ مُ كٍلِ عَ شَ دِينّ سّرِيّ رَبَتُقٍ شَ مَ. عَ كٍلِشِ تِنشِنيِ نَن مَ عَ نَشَن سْتْ دَنشَنِيَ سَابُي رَ. 14 شَ عَ سَ لِ نُ سّرِيّ رَبَتُقٍ نَن عَ نِيَمَ مِشِيٍ شَ قِندِ كّتٌنفٌي رَ، دَنشَنِيَ تِدٍ يٌ مُ لُمَ نَ قَ، عَلَ شَ لَايِدِ قَن بَرَ كَنَ نَ تّمُي. 15 بَرِ مَ سّرِيّ قَمَ عَلَ شَ شْنّ نَن نَ، كْنْ سّرِيّ مُ نَ دّننَشّ، سّرِيّ مَتَندِ قَن مُ نَ.

16 نَ كُي، عَلَ شَ لَايِدِ سْتْمَ دَنشَنِيَ نَن سَابُي رَ، عَلَكٌ عَ شَ قِندِ عَلَ شَ هِننّ رَ عِبُرَهِمَ شَ دِيٍ بِرِن بّ، بِرِن شَ عَ سْتْ. عَ مُ قِندِ مَ سّرِيّ رَبَتُمَيٍ فبَنسَن شَ فبٍ رَ، كْنْ بِرِن فبٍ نَ عَ رَ نَشٍيٍ دَنشَنِيَشِ عَلْ عِبُرَهِمَ. عَ بَرَ قِندِ وٌن بِرِن بٍنبَ رَ 17 عَلْ عَ سّبّشِ كِ نَشّ، «ﭑ بَرَ عِ قِندِ سِ فبٍفبٍ بٍنبَ رَ.» عَ قِندِشِ وٌن بٍنبَ رَ عَلَ نَن يَ عِ، عَ دَنشَنِيَ نَشَن مَ، نَشَن نِي رَ سٌمَ قَشَمِشِيٍ قَتٍ، نَشَن سٍ بِرِن دَاشِ.

18 عِبُرَهِمَ تٌ دَنشَنِيَ، عَ نَشَ لَ عَ رَ عَ عَلَ قَمَ عَ شَ لَايِدِ رَكَمَلِدٍ عَلْ عَ قَلَشِ عَ بّ كِ نَشّ، «عِ بْنسْي وُيَمَ يِ كِ نّ.» عَ نَشَ عَ شَشِلِ تِ نَ رَ هَلِ عَ يَ تٌ مُ نُ تِشِ سٍسٍ رَ نَشَن عَ مَسٍنمَ عَ بّ عَ نَ قٍ قَمَ نّ رَكَمَلِدٍ. نَ كُي، عَ نَشَ قِندِ سِ فبٍفبٍ بٍنبَ رَ. 19 عِبُرَهِمَ نُ بَرَ سِمَيَ حّ كّمّ حْندْن سْتْ، عَ شَ سِمَيَ نُ بَرَ شُرُن، عَ شَ فِنّ سَرَ قَن مُ نُ نْمَ دِ بَرِدٍ سْنْن. كْنْ هَلِ عَ تٌ نَ بِرِن قَهَامُ، سٍسٍ مُ بَ عِبُرَهِمَ شَ دَنشَنِيَ رَ. 20 عَ مُ سِيكّ عَلَ شَ لَايِدِ مَ، عَ شَ دَنشَنِيَ حَن نَشَ سّنبّ سْتْ، عَ نُ عَلَ بَتُ. 21 عَ نُ لَشِ عَ رَ قٍوٌ، عَ عَلَ نْمَ عَ شَ لَايِدِ رَكَمَلِدٍ. 22 نَ نَ عَ رَ «عَلَ نَشَ نَ قِندِ تِنشِنيِ رَ عَ بّ.» 23 كْنْ كِتَابُي نَشَن مَسٍنشِ عَ قَلَقٍ رَ، «عَلَ نَشَ نَ قِندِ تِنشِنيِ رَ عَ بّ،» نَ مُ سّبّ عِبُرَهِمَ فبَنسَن شَ بّ. 24 عَ سّبّشِ وٌن تَن نَن قَن يَتِ بّ، وٌن تَن نَشٍيٍ دَنشَنِيَشِ عَلَ مَ نَشَن وٌن مَرِفِ عِسَ رَكٍلِ قَشّ مَ. عَلَ وٌن قَن مَ دَنشَنِيَ قِندِ مَ نّ تِنشِنيِ رَ وٌن بّ. 25 وٌن مَرِفِ قَشَ وٌن مَ يُنُبِيٍ نَن مَ قٍ رَ، عَ مَن نَشَ كٍلِ قَشّ مَ، عَلَكٌ وٌن شَ قِندِ تِنشِنتْييٍ رَ عَلَ يَ عِ.