1 عَلَتَلَ بَرَ مَسٍنيِ شْرْشْي تِ عِسِرَيِلَ شَ قٍ رَ.

عَلَتَلَ شَ مَسٍنيِ نَن يَ،

نَشَن كٌورٍ نُن بْشِ دَاشِ،

نَشَن شَشِلِ سٌ عَدَ مَدِ يِ رَ؛

2 «ﭑ قٍ شُنفبٍ رَبَمَ نّ دَرِ سَلَمُ بّ،

دُنِحَ سِيٍ تَفِ.

مِشِ نَ قَ دَرِ سَلَمُ فٍرٍدٍ،

ﭑ كَابَنَكٌ رَبَمَ نّ يُدَيَ بّ.

3 نَ لْشْي، ﭑ دَرِ سَلَمُ قِندِ مَ نّ فّمّ بِنيٍ رَ سِ بِرِن بّ.

نَشَن كَتَمَ نَ عِتٍقٍ رَ،

نَ كَنيِ مَشْنْمَ نّ.

دُنِحَ سِ بِرِن مَلَنمَ نّ عَ شِلِ مَ.»

4 عَلَتَلَ شَ مَسٍنيِ نَن يَ؛

«نَ لْشْي، ﭑ سْورِ نُن عَ شَ سٌي رَدَشُمَ نّ.

ﭑ نٍيٍ قِندِ دْنشُي رَ.

ﭑ يُدَيَ بْنسْي مَتٌمَ نّ،

ﭑ نَن ﭑ حّنفِ سَ عٍ شْن مَ.

5 يُدَيَ مَنفّيٍ عَ قَلَمَ نّ عٍ بْحّ كُي،

‹دَرِ سَلَمُكَيٍ سّنبّ فبٌشِ

عٍ مَرِفِ عَلَتَلَ نَن سَابُي رَ.›

6 نَ لْشْي، ﭑ يُدَيَ مَنفّيٍ لُمَ نّ

عَلْ تّ وٌلٍنشِ يٍفٍ شْورَ،

شَ نَ مُ عَلْ تّ نَ دِن سّشّ رَ.

عٍ قَمَ نّ سِ بِرِن هَلَكِدٍ نَشَن نَ عٍ رَبِلِنيِ.

دَرِ سَلَمُ مُ كَنَمَ.

7 عَلَتَلَ يُدَيَ تَايٍ نَن سِنفٍ رَكِسِمَ،

عَلَكٌ دَوُدَ شَبِلّ نُن دَرِ سَلَمُكَيٍ

شَ بِنيّ نَشَ دَنفِ يُدَيَ مِشِيٍ رَ.

8 نَ لْشْي، عَلَتَلَ دَرِ سَلَمُكَيٍ مَكَنتَمَ نّ.

عَلَ عَ نِيَمَ نّ مِشِ تَفَنشِ شَ دَوُدَ سّنبّ سْتْ.

دَوُدَ شَبِلّ سّنبّ فبٌمَ نّ عَلَ سَابُي رَ.

عَلَتَلَ شَ مَلٍكّ عَ حّرّ مَ نّ عٍ يَ رَ.

9 نَ لْشْي، ﭑ سِ بِرِن هَلَكِمَ نّ

نَشٍيٍ دَرِ سَلَمُ فٍرٍ مَ.

10 ﭑ هِننّ نُن كِنِكِنِ لُمَ نّ

دَوُدَ شَبِلّ نُن دَرِ سَلَمُكَيٍ شَشِلِ مَ.

عٍ قَمَ نّ عٍ يَ رَقِندِدٍ ﭑ مَ، عٍ ﭑ تَن نَشَن سْشْشِ.

عٍ سُننُنمَ نّ ﭑ مَ قٍ رَ،

عَلْ مِشِ نَشَن شَ دِ سِنفٍ بَرَ قَشَ.

عٍ عٍ وَ شُي رَ مِنِمَ نَ كِ نّ.

11 نَ لْشْي، سُننُنيِ فبٌمَ نّ دَرِ سَلَمُ،

عَلْ هَدَدَ رِ مْن سُننُنشِ مٍفِدٌ فُلُنبَ كُي كِ نَشّ.

12 حَمَ بِرِن سُننُنمَ نّ شَبِلّ كِ مَ.

دَوُدَ شَبِلّ لُمَ نّ عَ شَتِ مَ.

نَتَن شَبِلّ قَن لُمَ نّ عَ شَتِ مَ.

شّمّيٍ نُن فِنّيٍ مُ سُننُنمَ يِرٍ كٍرٍن.

13 لٍوِ شَبِلّ لُمَ نّ عَ شَتِ مَ.

سِمٍيِ شَبِلّ لُمَ نّ عَ شَتِ مَ.

شّمّيٍ نُن فِنّيٍ مُ سُننُنمَ يِرٍ كٍرٍن.

14 شَبِلّ بِرِن لُمَ نّ عَ شَتِ مَ.»