एफिसी
ब्रेक्‍ब मुर: एको चिठी पावलमी ब्रेक्‍शो बाक्‍ब।
गेना ब्रेक्‍शो: एको चिठी नु कलस्‍सी आन कली चिठी कालेमी ब्रेक्‍शो बाक्‍ब। मारदे हना तिखीकसम एको चिठी निक्‍शी चाक्‍शो बाक्‍त। एको चिठी रोम सहर रे ६२ ए. डी. नुप्‍‍ची ना कि ६३ ए. डी. गोची ना ब्रेक्‍शो बाक्‍त।
मारदे ब्रेक्‍शो: तेइ तेइ थमा सुइक्‍बपुकी श्‍येत जशा, आन योव़चा पुंइसीतीके नु येसु नु बाक्‍शा परमप्रभु यावे आ ङोंइती ठीक दुम्‍तीके तुइश्‍शा मिम्‍चा माल्‍नीम। एको चिठीम थमा सुइक्‍ब आन ग्रुम्‍तीकेम मार पचा नु मार मपचा, दे शेंशो बाक्‍ब। एको का निक्‍शी ग्रुम्‍तीक कली ब्रेक्‍शो चिठी बाक्‍त हना यो, अरु क्‍येङा ङोंइती एफिसी ङा ग्रुम्‍तीक ङा थमा सुइक्‍ब कली पढेचा कली चाक्‍शो बाक्‍त।
1
ङोंइती ङा लोव़
गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी। इं आफ परमप्रभु यावे नु इं प्रभु येसु ख्रीस्‍तमी इन कली शिशी पा थुं नाइश्‍शा बाक्‍चा गेम्‍सेक्‍ल।
परमप्रभु कली ठेयब सेल्‍शो
इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब। मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७ मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त। मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७ मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६ मिनु मेको आ जोक्‍तीक तुइक्‍तीक नेल्‍लेमी आ शिशी इं तारी मोइश्‍शो बाक्‍त। एफिसी ३:३-६,९; रोमी १६:२५; कलस्‍सी १:२६-२७ परमप्रभु यावेमी इं कली ङोंइती ख्रीस्‍त रे आ थुंमी ख्रुइश्‍शा वोइश्‍शो लोव़ तुइक्‍पाइक्‍चा दाक्‍ताक्‍व। 10 मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४
11 परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२ 12 गोपुकी ङोंइती “ख्रीस्‍तमी आंइ कली मरिम्‍शो रे प्रोंइब” दे आस पाइतक। मोपतीके परमप्रभु यावेमी आंइ कली “आ सक्ति ठेयब बाक्‍ब” दे ब्रोंइचा गेचा कली योव़तीकी।
13 मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३० 14 आ सोक्‍त चहिं गोपुकी परमप्रभु यावे नु बाक्‍ची मजाक्‍म सम्‍म कली परमप्रभु यावे आ तमी तौ दुम्‍ने थुम्‍शो नय, दे कोंइतीक बाक्‍ब। मोपतीके “परमप्रभु यावे आ सक्ति ठेयब बाक्‍ब” देंनय।
पावलम पशो प्रार्थना
15 गेपुकी प्रभु येसु कली थमा सुइक्‍तीनी। अरु थमा सुइक्‍ब आन कली दाक्‍ताक्‍नी, दे गो इन पर्बम लोव़ नेंता। 16 मोपतीके गो इन कली मिम्‍शा, परमप्रभु यावे कली “गे एफिसस ङा मुर आन कली रिम्‍शो पाइतीनी” दे ठेयब सेल्‍शा, लोव़ पना पन बाक्‍नुङ। कलस्‍सी १:४,९ 17 मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने। 18 गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने। 19 मिनु गो थमा सुइक्‍ब आंइ कली इन ठेयब सक्तिम मार पाइनीनी नु इन गेशो बोल गिश ठेयब बाक्‍मे, मेको रुप्‍तीक थुं यो गेने। 20 मेको सक्तिमी ख्रीस्‍त कली बेक्‍शो रे सेंशा, स्‍वर्ग ङा इन बाक्‍तीकेमी इन ग्‍युरा गे निप्‍पाइक्‍तीनी। भजन संग्रह ११०:१ 21 मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१० 22 मिनु गेमी मारेइ मारेइ आन कली येसु ख्रीस्‍त आ खोइलीमी दिम्‍पाइक्‍तीनी। थमा सुइक्‍बपुकी रां का खोदेंशो सेल्‍शा, येसु ख्रीस्‍त कली मेको रां आ पिया सेल्‍तीनी। भजन संग्रह ८:७; मत्ती २८:१८; एफिसी ४:१५ 23 मोपा थमा सुइक्‍बपुकी येसु ख्रीस्‍त आ रां दुम्‍तेक्‍म। मिनु मेको रां आ पिया येसु ख्रीस्‍त आंमान दुम्‍शा, मारेइ मारेइ खाप्‍शो बाक्‍त” दे लोव़ पाइनुङ। एफिसी ३:३०; १कोरिन्‍थी १२:२७; कलस्‍सी १:१९