इजीकीएल
ब्रेक्‍ब मुर: साइ रे एको किताब इजीकीएल आ ब्रेक्‍शो बाक्‍ब देंनीम।
गेना ब्रेक्‍शो: ६२० रे ६०० बि. सी. आस दातेम ब्रेक्‍शो बाक्‍ब।
मार ब्रेक्‍शो:
१. परमप्रभुमी यरूसलेम खतम दुम्‍चा क्‍येङा ङोंइती लोव़ पशो इजीकीएल १:- २४:-
२. परमप्रभुमी यरूसलेम आ नेक्‍था ङा रागी आन पर्बम लोव़ पशो इजीकीएल २५:- ३२:-
३. परमप्रभुमी यरूसलेम खतम दुम नोले लेम्‍शा लोव़ पशो इजीकीएल ३३:- ४८:-
1
इजीकीएलम छेङछेङ तशो
इजीकीएल १०:-
मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३ मेको महिना ङा ५ नाक्‍ती पिप येहो-याकीन ग्‍याइश्‍शा लाइक्‍चा पुंइसीशो ५ बर्स दुम्‍शो बाक्‍त। २राजा २४:१५ मिनु परमप्रभु यावेमी बूजी आ तौ चढ़ेब इजीकीएल, आं कली लोव़ पाप्‍तु। मेना गो कल्‍दी आन रागी, केबार खोला आ नेक्‍थाम बाक्‍ती। मेना परमप्रभु यावेमी आं कली थिती। इजीकीएल ३:२२-२३; इजीकीएल ८:१; इजीकीएल ३३:२२; इजीकीएल ३७:१; इजीकीएल ४०:१
मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:- मिनु मेको आ दातेमी ४ ओटा सोक्‍त पाइश्‍शोपुकी तांइसाक्‍म। मेको मार खोदेंशो तांइसाक्‍म देंशा हना, मेको आन के ४, ४ ओटा कुल नु ४, ४ ओटा फ्रां बाक्‍तेक्‍म। मेको आन खोइल दिंसीशो बाक्‍तेक्‍म। बाछा आन गेंच खोदेंशो बाक्‍तेक्‍म। मेको आन खोइल खुइश्‍शो कांसा खोदेंशो पा टल्‍केशो बाक्‍तेक्‍म। मेको आन फ्रां आगा एर ओंथ नेल्‍ल मुर आन गुइ खोदेंशो बाक्‍तेक्‍म। मेको ४ ओटा सोक्‍त पाइश्‍शो आन कुल नु आन फ्रां दोदेंशो बाक्‍तेक्‍म देंशा हना, मेको आन फ्रां थिमुशो बाक्‍तेक्‍म। मेकोपुकी तेइ लमानु ङोंइती गे पा गाक्‍बाक्‍तेक्‍म। आन कुल एर ओंथ महिरथु ग्‍येत्‍थ गाक्‍बाक्‍तेक्‍म। 10 मेको आन कुल दोदेंशो बाक्‍तेक्‍म देंशा हना, मेको नेल्‍ल का का पा ४ ओटा कुल बाक्‍तेक्‍म। ङोंइती ङा कुल मुर आ कुल खोदेंशो बाक्‍त। आ ग्‍युरा गे ङा कुल गुप्‍स आ कुल खोदेंशो बाक्‍त। पेरा गे ङा कुल ब्‍यफ के खोदेंशो बाक्‍त। मिनु आन नोले गे ङा कुल ककाकुली के खोदेंशो बाक्‍त। 11 मेको आन कुल मोदेंशो बाक्‍तेक्‍म। मेको आन फ्रां इर गे प्राक्‍शो बाक्‍तेक्‍म। मेको आन फ्रां निक्‍शीमी अर्को आन फ्रांम थिमुशो बाक्‍तेक्‍म। मिनु फ्रां निक्‍शीमी आन आन रां सुम्‍सीशो बाक्‍तेक्‍म। 12 मेको नेल्‍ल ग्‍येत्‍थ ङोंइती गे गाक्‍बाक्‍तेक्‍म। सोक्‍त ते ते लमे, मेक मेक लाइबाक्‍तेक्‍म। मेको आन कुल महिरथु गाक्‍बाक्‍तेक्‍म। 13 मेको सोक्‍त पाइश्‍शो आन दातेमी ब्रशो कोइला खोदेंशो बाक्‍त। मेको एर ओंथ गाक्‍शो तोव़शी खोदेंशो तांइसीबाक्‍त। मेको मी थम छेङछेङ पा ब्रशो बाक्‍त। मिनु मेको रे चिला दाप्‍बाक्‍त। 14 मेको सोक्‍त पाइश्‍शोपुकी चिला आप्‍शो खोदेंशो पा एर ओंथ बेरबाक्‍तेक्‍म।
15 मिनु गो मेको सोक्‍त पाइश्‍शोपुकी कोव़ङुनु, मेको ४ ओटा सोक्‍त पाइश्‍शो आन नेक्‍था खपीम गुगील तातामी। मेको नेल्‍ल आन गुगील का का बाक्‍त। 16 मेको गुगील दोदेंशो बाक्‍तेक्‍म देंशा हना, मेको जिल जिल पाइब पीत मनी माइश्‍शो हीरा खोदेंशो बाक्‍तेक्‍म। मेको गुगील आगाम अर्को गुगील बाक्‍तेक्‍म। 17 मेकोपुकी गाक्‍मानु, तेइ महिरथु गाक्‍बाक्‍तेक्‍म। मेको सोक्‍त ते ते गाक्‍मे, मेको गुगील मेक मेक गाक्‍बाक्‍तेक्‍म। 18 मेको गुगील लाइश्‍शो नु हिंचा ङा बाक्‍तेक्‍म। मिनु मेको कली कोव़ङुनु, नेल्‍ल मिक्‍ची मिक्‍च पाइश्‍शो बाक्‍तेक्‍म। 19 मिनु मेको सोक्‍त पाइश्‍शोपुकी गाक्‍मानु, मेको ग्‍येत्‍थ क्‍युक्‍सीमानु, मेको गुगील यो ग्‍येत्‍थ क्‍युक्‍सीबाक्‍तेक्‍म। 20 मिनु सोक्‍त ते ते गाक्‍मे, मेको सोक्‍त पाइश्‍शोपुकी यो मेक मेक गाक्‍बाक्‍तेक्‍म। मिनु मेको गुगील मेकोपुकी नु बोक्‍बाक्‍तेक्‍म। मारदे हना मेको सोक्‍त पाइश्‍शो आन सोक्‍त मेको गुगीलम बाक्‍त। 21 मेको सोक्‍त पाइश्‍शोपुकी गाक्‍मानु, मेकोपुकी यो गाक्‍बाक्‍तेक्‍म। मेको दिक्‍मानु, मेकोपुकी यो दिक्‍‍बाक्‍तेक्‍म। मेको रागी रे क्‍युक्‍स‍मानु, मेको गुगील क्‍युक्‍सी‍बाक्‍तेक्‍म। मारदे हना मेको सोक्‍त पाइश्‍शो आन सोक्‍त मेको गुगीलम बाक्‍त।
22 मेको सोक्‍त पाइश्‍शो आन पिया इर गे जिल जिल सिसा खोदेंशो बाक्‍तीक बाक्‍त। 23 मेको बाक्‍तीके आ दी गे आन फ्रां हाम्‍शो बाक्‍तेक्‍म। मेकोपुकी थिमुशो बाक्‍तेक्‍म। मेको सोक्‍त पाइश्‍शो आन फ्रां निक्‍शीम आन रां सुम्‍शो बाक्‍तेक्‍म। 24 मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म। 25 मेको आन फ्रां लुक्‍च तोक्‍शा दिक्‍मानु, मेको आन पिया इर गे बाक्‍तीके रे सेंदा का ग्रूत। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।
26 मेको आन पिया इर गे बाक्‍तीकेमी ठेयब नित्‍तीक का खोदेंशो बाक्‍त। मेको कोव़ङुनु नीर हीरा खोदेंशो तांइसाक्‍व। मिनु मेको ठेयब नित्‍तीकेम निप्‍ब आ रां मुर आ खोदेंशो बाक्‍त। प्रस्‍थान २४:१०; प्रकाश ४:२-३; यसैया ६:१ 27 मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त। 28 रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४