1 आ १२ जना शेंसीब आन कली मेको लोव़ शेंने थुम्‍शा, येसु मेकेर रे लशा, सहर सहरम हिरशा, शेंना शेंन गाक्‍त। 2 मिनु येसु शेंना शेंन गाक्‍मेनु, यूहन्‍ना जेल्‍खानमी बाक्‍माक्‍त। मिनु ख्रीस्‍तमी पशो गेय आ पर्बम नेंशा, आ शेंसीब आन कली मत्ती १४:३ 3 “गे जाक्‍चा माल्‍शो बाक्‍नीनी देय अर्को कली लां कोव़का?” दे हिल्‍लो पथ सोइक्‍तीमी बाक्‍त। मत्ती ३:११; मलाकी ३:१ 4 मिनु मेकोपुकी जाक्‍शा, हिल्‍लो पामेनु, येसुमी “गे मार मार नेंनी, मार मार तनी, यूहन्‍ना कली मतीने 5 ‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१ 6 सु सुमी आं कली तशा थुं मखाइक्‍पाइक्‍नीम, मेकोपुकी ग्‍येरसमल, दे मतीन” दे लेश्‍शा सोइक्‍ताक्‍मी। मत्ती १३:५७; मत्ती २६:३१

7 मिनु मेकोपुकी लमा नोले, येसुमी मुर आन कली यूहन्‍ना आ पर्बम “साइ गोरशो रागीमी मार कोव़थ लनी? फशेम हिम्‍शो किन्‍दा कोव़थ लनी? मत्ती ३:१,५ 8 मिनु मार कोव़थ लनी? दारशो वा फेक्‍शो मुर तांइसीबा कों, दे कोव़थ लनी? नेनीने, दारशो वा फेक्‍ब पिप आन खिंमी बाक्‍नीम। 9 गेपुकी मार कोव़थ लनी, मिनु? परमप्रभु यावे आ लोव़ पाइब तांइसीबा कों, दे कोव़थ लनी? गे नेल्‍ल आन क्‍येङा ठेयब परमप्रभु यावे आ लोव़ पाइब ताइतीनी, दे इन कली देंनुङ। लूका १:७६; लूका २०:६ 10 परमप्रभु यावेमी ब्रेक्‍पाइश्‍शो लोव़मी मेको आ पर्बम मार ब्रेक्‍शो बाक्‍ब देंशा हना ‘गो आं लोव़ कुरब इ ङोंइङोंइती सोइक्‍नुङ। मेकोमी इ लां ठीक सेल्‍ब’ दे ब्रेक्‍शो बाक्‍ब। मलाकी ३:१

11 नोफा दाइश्‍शा नेनीने, रागी नेल्‍लेमी ब्‍वाक्‍कुम ख्रुम्‍शा ग्रुंइब यूहन्‍ना खोदेंशो ठेयब सुइ मबाक्‍ब। स्‍वर्ग ङा राज्‍यमी चहिं नेल्‍ल क्‍येङा यो आइक्‍च यूहन्‍ना क्‍येङा ठेयब बाक्‍ब। मत्ती १३:१७ 12 यूहन्‍नामी मुर आन कली शेंशा, ब्‍वाक्‍कुम ख्रुम्‍शा ग्रुंइदा रे मुल सम्‍म स्‍वर्ग ङा राज्‍य ओव़शा, आन के सेल्‍चा, दे दाम पा मुना मुन बाक्‍नीम। लूका १६:१६ 13 साइ नेसी परमप्रभु यावे आ लोव़ पाइब नेल्‍लेमी नोले दुम्‍ब लोव़ पा यूहन्‍ना आ पर्बम ब्रेक्‍शो बाक्‍तेक्‍म। 14 जाक्‍चा माल्‍शो एलीया सु बाक्‍बा, दे तुइक्‍चा दाक्‍ताक्‍नी हना, मेको यूहन्‍नान बाक्‍ब। मत्ती १७:१०-३०; मलाकी ३:२३ 15 सु नोफा पाइश्‍शो बाक्‍मे, मेकोमी नेंनल।

16 सिनाक्‍त मुलाक्‍त ङा मुर दोदेंशो बाक्‍नीम देंशा हना, बजारमी ग्‍यारब आलपुकीम 17 ‘ताप्‍तीक ताप्‍कानु, गे सिल मपनी, रोंका पा ङाक्‍कानु, गे मङाक्‍नी’ दे ब्रेम्‍मुशो खोदेंशो बाक्‍नीम। यूहन्‍ना ५:३५ 18 मारदे हना यूहन्‍नामी बर्त बाक्‍शा, शांबु राकसी मतूङानु, वोलम सुम्‍शो मुर बाक्‍माक्‍त देंनीम। मत्ती ३:४ 19 रागीम जरमेशोमी चहिं जचा तूचा थोव़क नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, तिरो पोक्‍ब नु पापी आन वारच बाक्‍माक्‍त’ देंनीम। मेको के दोशो तुइक्‍तीक बाक्‍मे, मेको आ गेय रे पा तुंइ‍सीब” दे येसुमी मुर आन कली शेंताक्‍मी। मत्ती ९:१०-१५; यूहन्‍ना २:२; १कोरिन्‍थी १:२४-३०

20 येसुमी शुश छक लाक्‍चा ङा गेय नु चिन्‍ड कोंइशा यो सहर ङा मुरपुकी आन थुं परमप्रभु यावे गे मलेत्‍तेम। मोपतीके ओदें हुइक्‍ताक्‍मी 21 “ए खोराजीन, ए बेथसैदा, गेमी तशो छक लाक्‍चा ङा गेय नु चिन्‍ड टायर नु सीदोन ङा मुरपुकीमी तशो नम हना, साइ कना भाङरा फेक्‍शा, पुलु ख्रेक्‍सीशा, आन थुं परमप्रभु यावे गे लेत्‍तेम वा। जोना ३:६ 22 निसाफ पची नाक्‍त गेपुकी टायर नु सीदोन ङा मुर आन क्‍येङा शुश सजाइ ताइनीनी, दे इन कली देंनुङ। । 23 ए कापेरनाउम, मार गे स्‍वर्ग सम्‍म क्‍युक्‍सीनेवे ङा? नरकम तोक्‍चा पुंइसीनेवे। मारदे हना गेमी तशो छक लाक्‍चा ङा गेय नु चिन्‍ड सोदोम ङा मुरपुकीमी तशो नम हना, आन थुं परमप्रभु यावे गे लेश्‍शा सजाइ रे ब्रोंइचा ताम वा, मिनु सहर मुल सम्‍म ली वा। मत्ती ४:१३; मत्ती ८:५; मत्ती ९:१; यसैया १४:१३,१५ 24 निसाफ पची नाक्‍त सोदोम ङा मुर आन क्‍येङा कापेरनाउम सहर ङा मुरपुकीमी शुश सजाइ ताइनीम, दे इन कली देंनुङ” दे हुइक्‍ताक्‍मी। मत्ती १०:१५

25 काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९ 26 आं आफ, गे मोदेंशो पचा दाक्‍ताक्‍नी। 27 आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

28 गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५ 29 आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६ 30 आं जवा ग्‍युप्‍चा ङा बाक्‍ब। आं भारी कुरने चाप्‍चा ङा बाक्‍ब” देंत। लूका ११:४६; १यूहन्‍ना ५:३