1 परमप्रभु यावे, आं कली श्‍येत गेब शुश बाक्‍नीमी। आं जोरी सत्रु शुश बाक्‍नीम। 2 मिनु मेकोपुकीमी आं पर्बम “परमप्रभुमी मेको कली श्‍येत रे मप्रोंइब” देंनीम। ठेयब सेंदा पा। 3 परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१ 4 गो परमप्रभु यावे कली ब्रेत्‍नुङ। मिनु आं कली आ योव़शो डांडा रे लोव़ लेप्‍ब। ठेयब सेंदा पा।

5 गो इप्‍शा, निन्‍द्रा पा, सेंसाक्‍यी, मारदे हना परमप्रभु यावे आं कली कोव़ब बाक्‍ब। भजन संग्रह ४:९ 6 गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

7 आं परमप्रभु यावे, बोक्‍कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्‍तीने। इन अरेशो लोव़ मटीब आन ख्रुइ जिक्‍तीने। गन्‍ती १०:३५ 8 परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। ठेयब सेंदा पा।