64
परमप्रभुमी निसाफ पवल
कुम्सो पपाइक्ब कली दाऊद आ कुम्सो।
1 परमप्रभु, आं कली श्येत गेशो आ पर्बम इन कली शेंदुनु, आं लोव़ नेनीन। आं कली आं जोरी सत्रु आन क्येङा प्रोंइयीनी। 2 इन अरेशो मटीब आन क्येङा ख्रुइक्तीनी। मरिम्शो पाइब आन ख्रुइश्शा मिम्शो रे ख्रुइक्तीनी।
3 मेकोपुकीमी तरवार खोदेंशो पा आन लें हेप्पाइक्नीम। मेको आन लोव़मी साइक्ब ब्रा खोदेंशो पा आप्नीम। 4 मेकोपुकीमी बाप्शा, दोस मपाइश्शो मुर आन कली आप्नीम। मेकोपुकीमी मेको आन कली महिंथु ब्रा ब्रु आप्नीम।
5 मिनु मेकोपुकीमी आन मरिम्शो पशो आ पर्बम आंम आंमा ठीक पाइतीनी, देंमुइनीम। ख्रुइश्शा ब्वारद दाइक्तीक आ पर्बम लोव़ पाइनीम। मेकोपुकीमी “इं कली सुम ताइबा ङा” देंनीम। भजन संग्रह ९४:७ 6 मेकोपुकीमी मरिम्शो पतीक आ पर्बम गारशा “गो शुश मिम्शा, गेय पाइतय” देंनीम। थमा पा मुर आन मिम्तीके नु थुं मरिम्शो बाक्ब।
7 तन्न परमप्रभुमी मेको आन कली ब्रा आप्ब। मिनु मेको आन मतुइक्थु गोल्नीम। 8 परमप्रभुमी मेको आन कली आन लोव़ आ पर्बम खतम सेल्ब। मेको आन कली साइक्ब। मिनु मेको आन कली ताइब नेल्लेमी हिंशा आन पिया हिक्नीम। 9 नोले मुर नेल्ल हिंनीम। मिनु परमप्रभु आ पशो आ पर्बम लोव़ पाइनीम। मिनु मेको आ पशो मिम्नीम। प्रस्थान ८:१५ 10 ठीक पाइबपुकी परमप्रभु यावे आ पर्बम ग्येरसीने। मिनु मेको नु ख्रुंइसीन। रिम्शो थुं पाइश्शो मुर नेल्ले ग्येरसीन।