84
परमप्रभु आ खिं कली दाक्शो
कुम्सो पपाइक्ब कली गित्तीथ ताप्शा पतीके कोराह आ तौ आन कुम्सो। १इतिहास २६:१
1 “मुर नेल्ल आन परमप्रभु यावे, इन बाक्तीके गिश रिम्शो बाक्ब। 2 गो आं थुं नेल्लेमी परमप्रभु यावे आ खिं ङा लाङगा लचा दाक्नुङ। गो ग्येरशा सोम्शा ब्रोंइशा बाक्ब परमप्रभु कली कुम्सो पाइनुङ। भजन संग्रह ४२:३
3 मिनु चिक्बपुकीमी यो इन चढ़ेतीके आ नेक्थामी ग्योव़ सेल्शा, आन चाइक्ब पुक्नीम। गे, मुर नेल्ल आन परमप्रभु यावे, आं पिप नु आं परमप्रभु बाक्नीनी। 4 इन खिंम बाक्चा ताइब आसीक तशो बाक्नीम। मेकोपुकीमी गेना हना यो इन कली कुम्सो पा ठेयब सेल्नीम।ठेयब सेंदा पा।भजन संग्रह ६५:५ 5 गे इन सक्ति ताइब नेल्ल ग्येरसीशो बाक्नीम। मेको आन थुंमी सियोन कली मिम्ना मिम्न बाक्नीम। 6 मेकोपुकी बाका माइश्शो गोरशो रागी ङा दिंम रे पा लमानु, मेकोपुकीमी मेकेर ब्वाक्कु बुक्शो रागी सेल्नीम। ङोंइती रेउ यिशा, ब्वाक्कु देम्ब। 7 मेकोपुकी शुश बोल्यो दुम्नीम। मेकोपुकी परमप्रभु आ ङोंइती सियोनम जाक्नीम। 8 परमप्रभु यावे, मुर नेल्ल आन परमप्रभु, आं पुंइशो लोव़ नेनीन। याकूब आ परमप्रभु आं लोव़ नेनीन! ठेयब सेंदा पा। 9 परमप्रभु, आंइ कली कोव़ब कली कोव़ङीन। इन आंइ कली गेशो पिप कली कोव़ङीन।
10 मिनु हजार का नाक्त ते ते बाक्चा क्येङा काबु नाक्त इन खिंम बाक्चा रिम्शो बाक्ब। इन अरेशो मटीब आन ताम्बुम बाक्चा क्येङा आं परमप्रभु आ खिं ङा लाप्चो खाल पाइब दुम्चा दाक्नुङ। भजन संग्रह २७:४ 11 मारदे हना परमप्रभु, परमप्रभु यावे नां नु तेक्तीक बाक्ब। परमप्रभु यावेम ठेयब दुम्तीक नु मान गेब। मेकोमी ठीक लां खोइक्ब आन कली रिम्शो पाइब। 12 मुर नेल्ल आन परमप्रभु यावे, इन कली जिम्मा गेंसीशो थमा सुइक्बपुकी ग्येरसीशो बाक्नीम” देंती।