1 गो परमप्रभु यावे कली दाक्‍नुङ। मारदे हना मेकोमी आं पुंइशो नु ब्रेश्‍शो नेंशो बाक्‍ब। 2 मेकोमी आं लोव़ नेंतु। मोपतीके गो ब्रोंइङा सम्‍म मेको कली पुंइशा लोव़ पाइनुङ। 3 गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती। 4 मेना गो परमप्रभु यावे आ नें थोशा “परमप्रभु यावे, आं कली ब्रोंइचा गेयीनी” दे पुंइता।

5 परमप्रभु यावे शिशी पाइब नु ठीक पाइब बाक्‍ब। आंइ परमप्रभु शुश दाक्‍ब बाक्‍ब। 6 परमप्रभु यावेम आइक्‍च थुं पाइश्‍शो आन कली कोव़ब। आं थुं लुक्‍च लमेनु, मेकोमी आं कली श्‍येत रे प्रोंइती। 7 आं थुं लेंशा नांइसो। मारदे हना परमप्रभु यावेमी इ कली रिम्‍शो पाइश्‍शो बाक्‍ब। भजन संग्रह ४२:६

8 गे आं सोक्‍त कली बेक्‍चा रे प्रोंइशो बाक्‍तीनी। आं कली ङाक्‍तीक नु दाइल पाइक्‍तीक रे प्रोंइतीनी। 9 गो ब्रोंइशो मुर आन बाक्‍तीक रागीमी परमप्रभु यावे आ ङोंइती गाक्‍नुङ। भजन संग्रह १४२:६ 10 गो शुश श्‍येत जशा यो, आं थमा सुइक्‍तीक मप्रोनु। 11 गो सुर्ता पा श्‍येत जङानु “मुर नेल्‍ले जोल पाइब ला बाक्‍नीम” देंती। रोमी ३:४

12 परमप्रभु यावेमी आं कली गिश रिम्‍शो पाइय्‍यी, गो मेको आ पा ङा मेको कली मार गेनुङा? 13 गो “गे आं कली श्‍येत रे प्रोंइतीनी” देंशा, परमप्रभु यावे आ नें थिशा, मेको कली ठेयब सेल्‍नुङ। 14 गो परमप्रभु यावे आ ङोंइती मुर आन दातेमी आं जशो कसम खाप्‍नुङ। 15 परमप्रभु यावे आ मुर बेक्‍चा मेको कली थम ठेयब बाक्‍ब। भजन संग्रह ७२:१४ 16 परमप्रभु यावे, गो इन गेय पाइब नङ। गो इन गेय पाइब मीश मुर आ तौ, इन वाइल नङ। गे आं कली बेक्‍तीक रे प्रोंइतीनी। 17 गो इन कली “गे रिम्‍शो पाइब बाक्‍नीनी” दे चढ़ेतीक चढ़ेनुङ। मिनु परमप्रभु यावे, इन नें थिशा, इन कली ठेयब सेल्‍नुङ। योना २:१० 18 गो परमप्रभु यावे आ मुर नेल्‍ल आन ङोंइती आं जशो कसम खाप्‍नुङ। 19 परमप्रभु यावे आ खिं ङा लाङगा नु यरूसलेमम बाक्‍बपुकी परमप्रभु यावे कली ठेयब सेलीन।