12
परमप्रभु आ दाक्शो पने
1 आं लोक्बपुकी, इन कली मुल यो शुश शेंचा दाक्ताक्ङ। परमप्रभु यावेमी इन कली शिशी पा आ मुर सेल्तु। मोपतीके आ मुर दुम्शा, इन रां, थुं, गिंम नेल्ल, सेसीन परमप्रभु यावे आ दाक्शो चढ़ेतीक खोदेंशो पा जिम्मा गेंसीन। मेको इन परमप्रभु यावे कली रिम्शो पशो गेय बाक्ब। रोमी ६:१३ 2 परमप्रभु यावे कली मटीब आन पशो खोदेंशो मपने। तन्न परमप्रभु यावे कली इन थुं कली फाइक्चा गेन। मो पाइतीनी हना, परमप्रभु यावे आ मिम्शो मार में, रिम्शो मार में, आ दाक्शो मार में नु नेल्लेम ठीक दुम्शो तुइक्नीनी। एफिसी ४:२३; एफिसी ५:१०,१७
3 परमप्रभु यावेमी आं कली शिशी गेशा, शेंब सेल्ती। इन दातेमी सुइ आंम कली ठेयब मसेल्सीन। परमप्रभु यावेमी इन कली दोदेंशो थमा सुइक्तीक गेवा, मेको मिम्शा ब्रेम्शो दुम्शा बाक्कीन। मत्ती २०:२६; १कोरिन्थी ४:६; १कोरिन्थी 4 रां कामी गुइ, खोइल, मिक्च, नोफा, शोव़ बाक्नीमी। मेको नेल्ल आन के आन आन गेय बाक्ब। १कोरिन्थी १२:१२ 5 मोपा गोपुकी नेल्ल ख्रीस्तम रां का बाक्नय। गेय का का गेचा पुंइसाक्य। १कोरिन्थी १२:२७; एफिसी ४:४,२५
6 गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्पाइश्शा नेंपाइक्ब योव़तु हना, थमा सुइश्शा मेको लोव़ नेंपतो। १कोरिन्थी ४:७; १कोरिन्थी १२:४; १पत्रुस ४:१० 7 मुर आन कली वारच पचा कली योव़ने पुंइसाक्वे हना, वारच पावो। शेंब सेल्चा पुंइसाक्वे हना, शेंब दुमो। १पत्रुस ४:११ 8 अर्ती गेब योव़ने पुंइसाक्वे हना, अर्ती गेचा मब्रीदो। मुर आन कली मार गेप्तीवी हना यो, ठेयब सेल्सीचा कली मगेवो। थमा सुइक्ब आन लां कोंइब दुम्ते हना, होस पा गेय पावो। शिशी पवीनु, ग्येरशा पावो। मत्ती ६:३; २कोरिन्थी ८:२; २कोरिन्थी ९:७
दाक्चा आ पर्बम
9 थमा पा दाक्मुशा बाक्कीन। मरिम्शो गेय रे ङोन बाक्कीन। रिम्शो पने। १तिमोथी १:५; आमोस ५:१५ 10 लोक्बपुकीमी दाक्मुशो खोदेंशो पा दाक्मुशा बाक्कीन। आंम कली मान पचा मपुंइसीथु, अरु आन कली मान पने। यूहन्ना १३:४-१५; फिलिप्पी २:३ 11 पचा माल्शो गेय अल्सी मपथु पने। परमप्रभु यावे आ सोक्तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्सी ३:२३ 12 आस पा ग्येरसीशा बाक्कीन। श्येत जनीनु, फाल्शा बाक्कीन। प्रार्थना पना पन बाक्कीन। लूका १८:१-८; कलस्सी ४:२; १थिस्सलोनिकी ५:१७ 13 थमा सुइक्ब आन कली आन माल्शो गेशा, वारच पने। इन खिंमी जाक्ब आन कली बास गेशा थुलीन। ३यूहन्ना ५-८; हिब्रू १३:२
14 सराप चीले मपने। इन कली सराप चीले पाइब आन कली आसीक गेने। मत्ती ५:४४; प्रेरित ७:५९; १कोरिन्थी ४:१२ 15 ग्येरसीशोपुकी नु ग्येरसीने, ङाक्शोपुकी नु ङाक्कीन। भजन संग्रह ३५:१३-१४; २कोरिन्थी ११:२९ 16 थुं का ङा दुम्शा, दुशा गारशा बाक्कीन। जोक्ब तुइक्ब नङ, दे ठेयब मलेत्तीने। आंम महिक्सीशो सुंइसीन। जोक्ब तुइक्ब ममिम्सीने। रोमी १५:५; फिलिप्पी २:२; यसैया ५:२१ 17 इन कली मरिम्शो पाइब आन कली मरिम्शो मपने। मुर आन कली मार रिम्शो बाक्बा, मेको मिम्तीन। हितोपदेस २०:२२; १थिस्सलोनिकी ५:१५; २कोरिन्थी ८:२१ 18 चाप्बी सम्म मुर आन कली जिचा मतोने। मुर नेल्ल नु दुशा गारशा बाक्कीन। मर्कूस ९:५०; हिब्रू १२:१४
19 आं दाक्शो लोक्बपुकी, इन कली श्येत गेब आन कली आंमा क्येक्क मलेत्तीन। परमप्रभु यावेमी गाइश्शा, मेको आन कली मारेइ पवल, दे सिक्सी पा बाक्कीन। मारदे हना “क्येक्क लेत्तीक गेय आं केन बाक्ब। मिनु गोन पाइनुङ, दे परमप्रभु यावेमी देंब” दे ब्रेक्शो बाक्ब। ब्यवस्था ३२:३५; लेवी १९:१८; मत्ती ५:३८-४४ 20 क्येक्क मलेत्चा ला ममाइ। “इ जोरी सत्रु शोव़लु बेक्तेक्म हना, जचा गेवो। तूतू दाक्तेक्म हना, तूचा गेवो। मो पाप्तीवी हना, मेको आन पियामी मी मोइश्शो खोदेंशो पा, मुने तोक्नेवे” दे ब्रेक्शो बाक्ब। हितोपदेस २५:२१-२२ 21 मरिम्शोमी रिम्शो कली लाक्चा मगेव। रिम्शोमी मरिम्शो कली ग्रापतो।