1 Waamwifu, kiwulao ekia tusugaane tuwajojere ku owuire ne enyinga ezia okuirana okwa *Omwami Yesu.Mari 13:32 2 Aeniki, mumanyire geeza ino mbwe owuire owua okuirana okwa Omwami Yesu wuri-izukirra mala kiomo omwiwi ooza owuire.Math 24:27, 43 3 Mu enyinga ezia awantu waaza okuwoola mbwe, “Turi no owuolu kandi turindirwe geeza,” nizio ezia waaza okuonwa kalala mala kiomo ewisa wi-izukirra omukazi oluire ni isaai, kandi ngawarimizuka, yaaya.Yere 6:14–15; Math 24:39 4 Ni waamwifu, inywe ngamuri mu ekierema yaaya, kutio owuire owua okuirana okwa Omwami Yesu ngawusugaane wuwaizukirre kiomo okuuza okwa omwiwi. 5 Aeniki, inywe mwona muri awaana awa owueru kandi awa omuwasu. Ngaturi awantu awa owuire nakuwa awa ekierema, yaaya. 6 Kutio kane, tutawa kiomo awantu wandi awagona, ni mutuazamuke kandi tuwe amiiso ameeru. 7 Aeniki awantu awagona, wagona owuire, kandi awadungʼa, wadungʼa owuire. 8 Ni aeniki ifwe turi awantu awa omuwasu, mutuwe amiiso ameeru. Mutuingizie okuganya no olugonzi ki ekia-iiye ekirinda ekifuwa, kandi tuingizie ku omutwe okurindirra okutuukra owuinunuzi ki ekigudu ekia-iiye.Awaru 13:11–12; Efee 5:8–92Kori 10:4 9 Ifwe Katonda ngakatulowola okuuza okutuswawuka no okusu kwae yawa, ni yatulowola kugere tutuukre owuinunuzi ni kuwitra ku Omwami iifu Yesu *Kristo,1Thes 1:10 10 owatufwira kugere kuwe mbwe turi awalamu namba ni tufwire, tumenye nae alala.Awaru 14:8–9; 1Thes 4:14 11 Kutio, muiambanie amaani kandi muikalangusanie omuntu no omwina waae, mala kiomo mukola mutio.

12 Waamwifu, nyingeeno katio tuwaisasaama mbwe mutie awakangasi wiinyu awakola emirimo wukalu agati iinyu kandi awawalagirizia engira eya Omwami.1Kori 16:15–18; 1Timo 5:17 13 Muwa-ee owuti owungi owutambuuke, no olugonzi olwa munsi ku emirimo giawu egia wakola. Mumenye no owuolu omuntu no omwina waae.Mari 9:50 14 Waamwifu, tuwasawa mbwe musiagizie awantu awaikala-uikala awatakola emirimo, ni muambie amaani awantu awa emioyo giawu gifwa. Mutunzie awagata kandi musikie emioyo na awantu woona.2Thes 3:6, 11–12, 15 15 Muwone mbwe awulao omuntu o-oloola owuwi ku amawi aga akoriirwe. Ne enyinga ziona, muwone mbwe mukorra awiina wiinyu alala na awantu woona geeza.Awaru 12:17 16 Muwe no owusangaavu enyinga zionaFiliip 2:18 17 kandi musawe Katonda aa mutareka.Luuk 18:1 18 Mukubre Katonda otioo ku ewintu wiona aeniki ekio nikio ekia Katonda aagala ku inywe awantu awaganyire ku Kristo Yesu. 19 Mutazimia omurro ogwa *Omwoyo Omweru ogwa Katonda. 20 Mutatoola amangʼana aga owugambi wutono,1Kori 14:39 21 ni mugeezaanie ewintu wiona. Muambirre wukalu ewintu ewilootu wiona,1Kori 14:29; Efee 5:10; 1Yow 4:1 22 ni muwe ale ne ewintu ewiwiiwi wiona. 23 Nsawa mbwe Katonda omwene, ori ngʼina owuolu, aganye muwe aweeru awatengeekwe mu engira ziona. Nawa kandi mbwe aganye arinde emioyo giinyu, enkolo ziinyu alala ne emiwiri giinyu giwe emieru egiwula ne ekiwi ekia gikawoolwako owuire owua okuirana okwa Omwami.2Kori 13:11; Filiip 1:10 24 Katonda owawaeta arindre endagano yaae kandi aaza okukola otio.1Kori 1:8–9; Filiip 1:6; 2Thes 1:11; 3:3

25 Waamwifu, mutusawire Katonda.Awaru 15:30 26 Mutukeezizie waamwifu woona awari entulo eyo na amakeezio aga awada awagonzaanie.Awaru 16:16 27 Mbasikirra, ku eriina eria Omwami, mbwe ebaruwa eno esomerwe awantu woona awaganyire ku Katonda.Kolo 4:16 28 Owusiza owua Omwami iifu Yesu Kristo wuwe ni inywe.