3
1 Kusi owuo tutanika okuiyamia emberi wiinyu kandi? Nakuwa muagala mbwe ifwe twona tuwe ne ebaruwa, eziifu aweene namba eziema ku inywe, ezia okulagana awa turi kiomo awantu wandi wakola?Awat 18:27; 2Kori 5:12; 10:12 2 Yaaya, inywe aweene ni inywe ebaruwa ziifu ezijojerwe mu emioyo giinyu,*Amatu gandi gawoola mbwe emioyo giifu. emanyiike kandi esomwa na awantu woona.1Kori 9:1–2 3 Mulagana kuwuene mbwe muri ebaruwa eemere ku *Kristo omwene, oluuya lwifu ku emirimo giifu emikalu. Ebaruwa eene, ngejojrwe ne einki yaaya, ne ejojerwe no *Omwoyo Omweru ogwa Katonda omulamu kandi ejojerwe ku emioyo egia awantu, ni ngʼani ku esleeti ezia amawaale.Yere 31:33
4 Owuo niwuo owusiani owua turi nawuo ku Katonda ni kuwitra ku Kristo. 5 Ngʼani mbwe tuwoola mbwe amaani aga tukola nago emirimo gino na amaani giifu aweene, ni gatuemera ku Katonda.Awaru 15:18 6 Iye nio owagera ni tukalanguka mu okulanzia amangʼana aga *endagano empia. Endagano eno ngeisigiike ku endagirra ejojerwe, ne eisigiike ku Omwoyo Omweru ogwa Katonda. Tumanyire otio aeniki endagirra ejojerwe ereeta olumbe, no Omwoyo Omweru ogwa Katonda areeta owulamu.Luuk 22:20; Yowa 6:63; Awaru 7:6
Owunene owua endagano empia
7 Emirimo egireeta olumbe egiri mu *ensikirra eziajojwa ku iwaale, ziaezaniwua no owunene owuagera ne ekieni ekia Muusa kingʼena-ngʼena aa Awaisraeli ngawakaesanga okumukubako amiiso wamuwarre, kukawa mbwe okungʼena-ngʼena okwo kwairananga enyima.Okuf 34:29–30; Awaru 5:21; 6:16, 21, 23; 7:24 8 No owunene owureetwa ne emirimo egia Omwoyo Omweru ogwa Katonda wuri owungi okukira owunene owuasooka owuo. 9 Ni kuri mbwe emirimo egikengera omuntu ekiina ekia olumbe giri no owunene, kane emirimo egigera no omuntu awa mu empurizanio ni Katonda giri no owunene owungi owuagana wutie?Awaru 8:1–2; Gala 3:10 10 Ni kutio aeniki owunene owua endagano enkulu, nyingeeno wuwula no owunene, ino-ino ni wugeeraniwua no owunene owutambuuke owua endagano empia. 11 Kandi ni kuri mbwe endagano enkulu eyawanga no owunene owuairananga enyima yoona yaaza no owunene, katio endagano empia eri no owunene owutairana enyima, eri no owunene owungi owuagana wutie?
12 Kutio okurindirra okwa turi nakwo kuno, kugera ni tuwa no owusiani ino. 13 Ifwe ngaturi ki Muusa owasanikra ekieni kiae ne enguwo kugere Awaisraeli watawona owueru, ni wumuwuako ku ekieni.Okuf 34:33–35 14 Ne emioyo giawu giawa emikalu bere aeniki nawuno nyingeeno ne endagano enkulu esomwa enguwo yazane eyo ekiasanikizia ewieni wiawu. Ni kutio aeniki ni Kristo engʼene nio oesa okutoolao enguwo egera ni watawona eyo.Isaa 6:10; Awaru 11:25 15 Namba nyingeeno ne endagirra eya Muusa esomwa enguwo eyo esanikizia emioyo giawu.Awaru 10:4; 11:7–8; Efee 2:15 16 Ne enyinga ezia omuntu-umuntu agaluuke agie ku Omwami, enguwo esanikizia eyo etoolwao. 17 Omwami ari Omwoyo kandi asi-uasi aa Omwoyo ogwa Omwami ari, awantu wawa owuyanga.Yowa 8:32, 36; Awaru 8:2; Gala 5:1, 13, 18 18 Ni ifwe awa enguwo esanikizia ekieni yamala okutoolwao ku ewieni, tulagana†Nakuwa tuwona. owunene owua Omwami. Tugalusiwua mu embonekano yaae tuwe no owunene owuisonga amiire goona, owunene owuema ku Omwami ori Omwoyo.1Kori 13:12; 2Kori 4:6; Awaru 8:29
3:1 Awat 18:27; 2Kori 5:12; 10:12
*3:2 Amatu gandi gawoola mbwe emioyo giifu.
3:2 1Kori 9:1–2
3:3 Yere 31:33
3:5 Awaru 15:18
3:6 Luuk 22:20; Yowa 6:63; Awaru 7:6
3:7 Okuf 34:29–30; Awaru 5:21; 6:16, 21, 23; 7:24
3:9 Awaru 8:1–2; Gala 3:10
3:13 Okuf 34:33–35
3:14 Isaa 6:10; Awaru 11:25
3:15 Awaru 10:4; 11:7–8; Efee 2:15
3:17 Yowa 8:32, 36; Awaru 8:2; Gala 5:1, 13, 18
†3:18 Nakuwa tuwona.
3:18 1Kori 13:12; 2Kori 4:6; Awaru 8:29