4
মাবুদে বদলা দিবার দিন
হুনো, আমি আল্লা রাব্বুল আলামিনে কইরাম, হউ দিন আইওর, যে দিন ডমকার আগুনির লাখান দাউ-দাউ করি জলবো। ই দিন হক্কল বড়াই কররা আর নাফরমান অকল নেরার লাখান জলবা, তারার জড় বা ডালপালা কুন্তাউ জলার বাকি রইতো নায়।
অইলে তুমরা যেরা আমারে ডরাও, তুমরার উপরে দীনদারির সুরুজ উঠিবো, ই সুরজর তেজর মাজে থাকবো শিফা। তুমরা গোয়ালা থনে ছাড়া পাওয়া গরুর বাইচ্চার লাখান নাচিবায়। আমি যেদিন অউ কাম করমু, ই দিন তুমরা নাফরমান অকলরে পাওদি উড়িবায়, তারা অইবা তুমরার পাওর তলর ছালি। ইখান আমি আল্লা রাব্বুল আলামিনে কইলাম।
তুমরা আমার বন্দা মুছার শরিয়তর কথা ইয়াদ রাখো, আমি তুর পাড়র উপরে তামাম বনি ইসরাইলর লাগি যে হুকুম-আহকাম তান গেছে দিছলাম, অতা মনো রাখিও।
হুনো, মাবুদর হউ মহান আর বেজুইতা ডর-খফর দিন আইবার আগে, আমি মাবুদে ইলিয়াছ নবীরে তুমরার গেছে বেজিমু। তাইন আইয়া মা-বাফর দিল তারার পুয়া-পুড়িন্তর বায়, আর পুয়া-পুড়িন্তর দিল তারার মা-বাফর বায় ফিরাইবা, যাতে আমি আইয়া হারি তারার দেশরে লান্নত ঢালিয়া বিনাশ না করি॥
খতম॥