আল-জবুর ৯৫
1 আও আমরা খুশির গজল গাই মাবুদর নামে,
রক্ষাকারি টিল্লা তাইন, ফুর্তি করি জুরে জুরে।
2 চলো আমরা শুকুর-গুজার করি করি তান ছামনে যাই,
বাজনার তালে তালে তান নামে জুরে-সুরে গাই।
3 মাবুদউ তো উপরআলা, সর্ব মহান আল্লাতালা,
দুই জাহানর বল-শক্তির তাইনউ বড় বাদশা।
4 জমিন আর পাতাল সবউ তান আতো,
পাহাড়-পর্বতর উচা টিল্লাও তানউ তো।
5 তাইনউ দরিয়ার মালিক বানাইছইন ইতা,
হুকনা জমিনও তান দুইও আতে গড়া।
6 আও আমরা সইজদা দিয়া তান এবাদত করি,
আমরারে পয়দাকারি মাবুদর ছামনে নতজানু বনি।
7 তাইনউ তো আমরার আল্লাতালা,
আমরা তান মেড়ার পাল, তান জমিনর বন্দা।
আহ! তান গলার আওয়াজ যুদি হুনতায় তুমরা!
8 দিলরে পাষান করিও না তুমরা যেলা করছলায় মেরীবাত,
হউ দিন করছলায় যেতা মরুভুমির মাছা নামর জাগাত।
9 তুমরার বাফ-দাদাইন্তে হনো তো দেখছিল মোরে আজমাইয়া,
আমার কুদরতি লিলা-খেলা দেখিয়াও তারা করলা মোরে পরিক্ষা।
10 হউ জমানার মানষর জালা সইলাম আমি চাল্লিশ বছর ধরিয়া,
হেশে কইলাম, ইতার দিল তো বে-পথি আমার পথরে চিনলো না,
11 তেউগি আমার গুছার চুটে কইলাম কছম করিয়া,
মোর দেওয়া আরামর দেশো হামানির সুযোগ পাইতো নায় তারা॥