আল-জবুর ১০০
শুকুরানা গীত
1 ওরে জগতবাসি খুশি-বাসি করো,
মাবুদর নামে জুর গলায় করো।
2 মাবুদর এবাদত করো খুশ দিলে,
খুশির গজল গাইয়া গাইয়া আও তান দরবারে।
3 আল্লাউ আসল মাবুদ, মনো রাখিও তুমরা,
আমরারে বানাইলা তাইন, তান বন্দা তো আমরা,
আমরা তান মেড়ার পাল, তান জমিনো খানি খাওরা।
4 শুকুর-গুজার করি করি হামাও তান দুয়ারো,
তারিফ-গীত গাইয়া গাইয়া আও তান উঠানো,
তান নামে শুকরিয়া তারিফ আদায় করো।
5 মাবুদউ আসল ভালা, চিরকাল জারি তান দয়া-মায়া,
তান হক-হালালি চালু রয় বংশর পর বংশ ধরিয়া॥