আল-জবুর ১২১
হজো যাওরা কাফেলার কাওয়ালি
1 আমি চউখ তুলিয়া পাহাড়-পর্বতর বায় চাইমু,
আমার সায়-সাইয্য কুয়াই থাকি আইবো?
2 হউ মাবুদর গেছ থাকিউ আমার সাইয্য আইবো,
যেইন আছমান-জমিন পয়দা করছইন।
3 তুমার পাওরে তাইন পিছলা খাইতে দিতা নায়,
তুমার বাচানেআলা তো ঘুমাইতা নায়।
4 মনো রাখিও, বনি ইছরাইলরে যেইন বাচাইন,
তাইন ঘুমাইতা নায়, উংগাইতাও নায়।
5 মাবুদউ তুমার হেফাজতকারি, তুমার আশ্রয় ছায়া,
তুমার ডাইন আতো ধরিয়া তাইন আছইন খাড়া।
6 দিনর বালায় সুরুজে আর রাইতর বালায় চান্দে,
কুনুতায়উ তুমার খেতি করতো নায়।
7 হক্কল নমুনার বিপদ থাকি মাবুদেউ বাচাইবা,
তাইনউ তুমার জানর হেফাজত করবা।
8 তুমার চলা-ফিরার সময় ঘরো-বাইরে মাবুদেউ বাচাইবা,
অখন থাকি যুগে যুগে হর-হামেশা॥