1 Ita oilo Adomor ḳandanor ḳolombondi boyan. Manush foyda ḳorar shomoy Allae tan nizor surote foyda ḳorla. 2 Foyda ḳorla beṭa ar beṭi, ar tarare Mabude borkot dila, foyda ḳoria nam raḳla Adom.

3 Adomor eḳ-sho tish boros boyosho tan loge mil rakia tan surote eḳ fua oilo. Tain er nam raḳla Shish. 4 Shishor zonmor bade Adom aro aṭ-sho boros basla, er maze tan aro fua-fuṛin oisil. 5 Muṭ noy-sho tish boros zinda taḳar bade Adom mara gela.

6 Shishor eḳ-sho fas boros boyosho tan fua Anushor zonom oilo. 7 Anushor zonmor bade Shish aro aṭ-sho shat boros basla. Er maze tan aro fua-fuṛi oisil. 8 Muṭ noy-sho baro boros basar bade Shish mara gela.

9 Anushor nobboi boros boyosho tan fua Kinanor zonom oilo. 10 Kinanor zonmor bade Anush aro aṭ-sho fonro boros basla. Er maze tan aro fua-fuṛi oisil. 11 Muṭ noy-sho fas boros basar bade Anush mara gela.

12 Kinanor shottoir boros boyosho tan fua Maholailor zonom oilo. 13 Maholailor zonmor bade Kinan aro aṭ-sho sallish boros basla. Er maze tan aro fua-fuṛi oisil. 14 Muṭ noy-sho dosh boros basar bade Kinan mara gela.

15 Maholailor foyshoṭṭi boros boyosho tan fua Iaredor zonom oilo. 16 Iaredor zonmor bade Maholail aro aṭ-sho tish boros basla. Er maze tan aro fua-fuṛi oisil. 17 Muṭ aṭ-sho fosanobboi boros basar bade Maholail mara gela.

18 Iaredor eḳ-sho bashoṭṭi boros boyosho tan fua Idrisor zonom oilo. 19 Idrisor zonmor bade Iared aro aṭ-sho boros basla, er maze tan aro fua-fuṛi oisil. 20 Muṭ noy-sho bashoṭṭi boros basar bade Iared mara gela.

21 Idrisor foyshoṭṭi boros boyosho tan fua Matushalaḳor zonom oilo. 22 Matushalaḳor zonmor bade tin-sho boros forzonto, Allar loge Idrisor ḳas didar asil. Er maze tan aro fua-fuṛi oisil. 23 Idris muṭ tin-sho foyshoṭṭi boros duniait asla. 24 Erbade tane ar deḳa gelo na. Allar loge tan ḳas didar asil gotike Allae tanre zinda halote nizor gese nilagi.

25 Matushalaḳor eḳ-sho shatashi boros boyosho tan fua Lamaḳor zonom oilo. 26 Lamaḳor zonmor bade Matushalaḳ aro shat-sho birashi boros basla. Er maze tan aro fua-fuṛi oisil. 27 Muṭ noy-sho unushottoir boros basar bade Matushalaḳ mara gela.

28 Lamaḳor eḳ-sho birashi boros boyosho tan eḳ fua oilo. 29 Tain er nam raḳla Nuh*5:29 Mani, aram ar ḳoila, “He amrar ator i duḳ-mosibotor ḳam taki, Mabudor lannoti zomin taki oḳon aram dibo.” 30 Nuhor zonmor bade Lamaḳ aro fas-sho fosanobboi boros basla, er maze tan aro fua-fuṛi oisil. 31 Muṭ shat-sho shatottoir boros basar bade Lamaḳ mara gela.

32 Nuhor fas-sho boros boyoshor bade tan fuain Sham, Ham ar Iafetor zonom oilo.