1 ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 2 “ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠇꠅ, ꠔꠣꠞꠣ ꠀꠝꠣꠞ ꠉꠦꠍꠦ ꠖꠣꠘ-ꠈꠄꠞꠣꠔ ꠟꠁꠀ ꠀꠎꠤꠞ ꠅꠃꠇ। ꠔꠣꠞꠣꠞ ꠘꠤꠎꠞ ꠈꠥꠡꠤꠄ ꠎꠦꠔꠣ ꠖꠣꠘ ꠇꠞꠛꠣ, ꠅꠔꠣ ꠔꠥꠝꠤ ꠡꠝꠎꠤꠀ ꠞꠣꠈꠤꠅ। 3 ꠔꠣꠞꠣꠞ ꠉꠦꠍ ꠕꠣꠇꠤ ꠅꠃ ꠟꠣꠈꠣꠘ ꠝꠣꠟ ꠡꠝꠎꠤꠅ:

8 “ꠀꠝꠣꠞ ꠞꠅꠀꠞ ꠟꠣꠉꠤ ꠔꠥꠝꠤ ꠛꠘꠤ ꠁꠍꠞꠣꠁꠟ ꠅꠇꠟꠞꠦꠖꠤ ꠙꠣꠇ-ꠙꠛꠤꠔ꠆ꠞ ꠄꠇꠈꠣꠘ ꠎꠣꠉꠣ ꠔꠂꠀꠞ ꠇꠞꠣꠁꠛꠣꠄ। ꠔꠦꠃ ꠀꠝꠤ ꠔꠣꠞꠣꠞ ꠟꠉꠦ ꠛꠡꠔ ꠇꠞꠝꠥ। 9 ꠀꠝꠣꠞ ꠞꠅꠀꠞ ꠊꠞ ꠀꠞ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠘꠝꠥꠘꠣ ꠖꠦꠈꠣꠁꠝꠥ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠢꠇꠟꠔꠣ ꠔꠤꠀꠞ ꠇꠞꠣꠁꠅ।

10 “ꠔꠣꠞꠣ ꠛꠣꠛꠟꠣ ꠟꠣꠇꠠꠤ ꠖꠤꠀ ꠄꠉꠥ ꠡꠘ꠆ꠖꠥꠇ ꠛꠣꠘꠣꠁꠛꠣ। ꠁꠐꠣ ꠟꠣꠝ꠆ꠛꠣꠄ ꠀꠠꠣꠁ ꠀꠔ, ꠖꠦꠠ ꠀꠔ ꠙꠣꠡ ꠀꠞ ꠖꠦꠠ ꠀꠔ ꠃꠌꠣ। 11 ꠄꠞ ꠛꠣꠞꠦ-ꠜꠤꠔꠞꠦ ꠈꠣꠐꠤ ꠡꠥꠘꠣꠖꠤ ꠟꠦꠙꠤꠀ ꠖꠤꠅ, ꠀꠞ ꠌꠣꠁꠞꠅ ꠇꠤꠘꠣꠞꠅ ꠡꠥꠘꠣꠞ ꠘꠇꠡꠣ ꠟꠣꠉꠣꠁꠅ। 12 ꠀꠉꠥꠁꠘꠖꠤ ꠡꠥꠘꠣ ꠉꠟꠣꠁꠀ ꠌꠣꠁꠞꠐꠣ ꠇꠠꠣ ꠄꠞ ꠌꠣꠁꠞꠅ ꠇꠥꠘꠣꠔ ꠟꠣꠉꠣꠁꠅ, ꠅꠉꠣꠟꠣꠔ ꠖꠥꠁꠐꠣ ꠀꠞ ꠢꠉꠣꠟꠣꠔ ꠖꠥꠁꠐꠣ ꠟꠣꠉꠣꠁꠅ। 13 ꠛꠣꠛꠟꠣ ꠟꠣꠇꠠꠤꠖꠤ ꠖꠥꠉꠥ ꠛꠦꠘ꠆ꠖꠣ ꠛꠣꠘꠣꠁꠀ ꠡꠥꠘꠣꠖꠤ ꠟꠦꠙꠤꠀ ꠖꠤꠔꠦ ꠅꠁꠛ। 14 ꠡꠘ꠆ꠖꠥꠇꠞꠦ ꠛꠁꠀ ꠘꠦꠅꠀꠞ ꠟꠣꠉꠤ ꠖꠥꠁꠅ ꠉꠣꠟꠣꠞ ꠇꠠꠣꠞ ꠝꠣꠎꠦꠖꠤ, ꠅꠃ ꠖꠥꠁꠅ ꠛꠦꠘ꠆ꠖꠣ ꠢꠣꠞꠣꠘꠤ ꠟꠣꠉꠛ। 15 ꠛꠦꠘ꠆ꠖꠣ ꠖꠥꠁꠅꠐꠣ ꠡꠘ꠆ꠖꠥꠇꠞ ꠇꠠꠣꠞ ꠜꠤꠔꠞꠦ ꠢꠣꠞꠣꠁꠟ ꠞꠁꠛ, ꠁꠉꠥꠁꠘ ꠈꠥꠟꠤꠅ ꠘꠣ। 16 ꠀꠝꠤ ꠀꠝꠣꠞ ꠢꠥꠇꠥꠝ-ꠀꠢꠇꠣꠝ ꠟꠦꠈꠣ ꠎꠦ ꠙꠛꠤꠔ꠆ꠞ ꠡꠣꠢꠣꠖꠔ ꠙꠣꠔ꠆ꠔꠞ ꠔꠥꠝꠣꠞꠦ ꠖꠤꠝꠥ, ꠔꠥꠝꠤ ꠁꠐꠣ ꠅꠃ ꠡꠘ꠆ꠖꠥꠇꠞ ꠜꠤꠔꠞꠦ ꠕꠁꠅ।

17 “ꠈꠣꠐꠤ ꠡꠥꠘꠣꠖꠤ ꠡꠘ꠆ꠖꠥꠇꠞ ꠄꠇꠈꠣꠘ ꠓꠣꠇꠘꠣ ꠛꠣꠘꠣꠁꠅ, ꠅꠈꠣꠘꠞ ꠃꠙꠞꠦ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠣ ꠅꠁꠛ। ꠁ ꠓꠣꠇꠘꠣ ꠟꠣꠝ꠆ꠛꠣꠄ ꠀꠠꠣꠁ ꠀꠔ ꠀꠞ ꠙꠣꠡꠦ ꠖꠦꠠ ꠀꠔ ꠅꠁꠛ। 18-19 ꠔꠥꠝꠤ ꠢꠃ ꠓꠣꠇꠘꠣꠞ ꠇꠤꠘꠣꠞꠅ ꠡꠥꠘꠣ ꠙꠤꠐꠣꠁꠀ ꠖꠥꠉꠥ ꠇꠣꠞꠥꠛꠤ ꠛꠣꠘꠣꠁꠅ। ꠅꠃ ꠇꠣꠞꠥꠛꠤ ꠖꠦꠈꠔꠦ ꠖꠥꠟꠖꠥꠟ ꠊꠥꠠꠣꠞ ꠟꠣꠈꠣꠘ ꠒꠣꠈꠘꠣ ꠀꠟꠣ। ꠛꠣꠘꠣꠁꠀ ꠡꠘ꠆ꠖꠥꠇꠞ ꠖꠥꠁ ꠉꠣꠟꠣꠔ ꠟꠣꠉꠣꠁꠅ, ꠅꠉꠣꠟꠣꠔ ꠄꠇꠐꠣ, ꠀꠞ ꠢꠉꠣꠟꠣꠔ ꠄꠇꠐꠣ। ꠖꠥꠁꠅ ꠇꠣꠞꠥꠛꠤ ꠓꠣꠇꠘꠣꠞ ꠟꠉꠦ ꠅꠃ ꠟꠣꠈꠣꠘ ꠇꠞꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ, ꠎꠦꠐꠣ ꠀꠡ꠆ꠔꠣꠐꠣꠄ ꠈꠣꠟꠤ ꠄꠇ ꠌꠤꠎ ꠅꠄ। 20 ꠄꠞ ꠒꠣꠈꠘꠣ ꠖꠥꠁꠅꠈꠣꠘ ꠃꠙꠞꠦꠖꠤ ꠝꠦꠟꠣꠁꠟ ꠞꠁꠛ, ꠀꠞ ꠄꠞ ꠍꠣꠄꠀꠞ ꠔꠟꠦ ꠕꠣꠇꠛ ꠡꠘ꠆ꠖꠥꠇꠞ ꠓꠣꠇꠘꠣ। ꠖꠥꠁꠅ ꠇꠣꠞꠥꠛꠤ ꠝꠥꠈꠣꠝꠥꠈꠤ ꠃꠛꠣ ꠕꠣꠇꠛ, ꠀꠞ ꠔꠣꠞꠣꠞ ꠌꠃꠈ ꠞꠁꠛ ꠓꠣꠇꠘꠣꠞ ꠛꠣꠄ। 21 ꠁ ꠓꠣꠇꠘꠣꠞꠦ ꠡꠘ꠆ꠖꠥꠇꠞ ꠃꠙꠞꠦ ꠟꠣꠉꠣꠁꠅ, ꠀꠞ ꠀꠝꠣꠞ ꠢꠥꠇꠥꠝ-ꠀꠢꠇꠣꠝ ꠟꠦꠈꠣ ꠎꠦ ꠡꠣꠢꠣꠖꠔ ꠙꠣꠔ꠆ꠔꠞ ꠔꠥꠝꠣꠞꠦ ꠖꠤꠝꠥ, ꠅꠃ ꠙꠣꠔ꠆ꠔꠞ ꠔꠥꠝꠤ ꠡꠘ꠆ꠖꠥꠇꠞ ꠜꠤꠔꠞꠦ ꠕꠁꠅ। 22 ꠁ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠖꠥꠁꠅ ꠇꠣꠞꠥꠛꠤꠞ ꠝꠣꠎꠈꠣꠘꠅ, ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ। ꠅꠃ ꠖꠤꠖꠣꠞꠞ ꠡꠝꠄ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠀꠝꠣꠞ ꠢꠇꠟ ꠀꠁꠘ-ꠇꠣꠘꠥꠘ ꠎꠣꠘꠣꠁꠝꠥ।

23 “ꠛꠣꠛꠟꠣ ꠟꠣꠇꠠꠤ ꠖꠤꠀ ꠖꠥꠁ ꠀꠔ ꠟꠣꠝ꠆ꠛꠣ, ꠄꠇ ꠀꠔ ꠙꠣꠡ ꠀꠞ ꠖꠦꠠ ꠀꠔ ꠃꠌꠣ ꠇꠞꠤ ꠄꠇꠈꠣꠘ ꠐꠦꠛꠥꠟ ꠛꠣꠘꠣꠁꠅ। 24 ꠅꠈꠣꠘꠞꠦ ꠈꠣꠐꠤ ꠡꠥꠘꠣꠖꠤ ꠟꠦꠙꠤꠀ ꠌꠣꠁꠞꠅ ꠇꠤꠘꠣꠞꠅ ꠘꠇꠡꠣ ꠟꠣꠉꠣꠁꠅ। 25 ꠐꠦꠛꠥꠟꠞ ꠌꠣꠁꠞꠅ ꠇꠤꠘꠣꠞꠅ ꠌꠣꠁꠞ ꠀꠋꠉꠥꠟ ꠃꠌꠣ ꠇꠞꠤ ꠄꠇ ꠢꠣꠎ ꠖꠤꠛꠣꠄ, ꠢꠣꠎꠞ ꠝꠣꠎꠦ ꠡꠥꠘꠣꠖꠤ ꠘꠇꠡꠣ ꠇꠞꠛꠣꠄ। 26 ꠐꠦꠛꠥꠟꠞ ꠌꠣꠁꠞꠅ ꠇꠥꠘꠣꠔ ꠌꠣꠁꠞꠅ ꠙꠣꠄꠀꠞ ꠃꠙꠞꠦ ꠡꠥꠘꠣꠞ ꠌꠣꠁꠞꠐꠣ ꠇꠠꠣ ꠟꠣꠉꠣꠁꠛꠣꠄ। 27 ꠁ ꠌꠣꠁꠞꠅ ꠇꠠꠣꠁꠘ ꠐꠦꠛꠥꠟꠞ ꠇꠥꠘꠣꠞ ꠢꠃ ꠃꠌꠣ ꠢꠣꠎꠞ ꠔꠟꠦ ꠟꠣꠉꠣꠁꠅ, ꠎꠣꠔꠦ ꠐꠦꠛꠥꠟ ꠛꠁꠀ ꠘꠦꠅꠀꠞ ꠛꠣꠟꠣ ꠇꠠꠣꠞ ꠜꠤꠔꠞꠦ ꠛꠦꠘ꠆ꠖꠣ ꠢꠣꠞꠣꠁꠟ ꠎꠣꠄ। 28 ꠛꠦꠘ꠆ꠖꠣ ꠖꠥꠁꠅꠐꠣ ꠛꠣꠛꠟꠣ ꠟꠣꠇꠠꠤꠖꠤ ꠛꠣꠘꠣꠁꠀ ꠡꠥꠘꠣꠖꠤ ꠟꠦꠙꠤꠛꠣꠄ, ꠅꠃ ꠛꠦꠘ꠆ꠖꠣꠖꠤ ꠐꠦꠛꠥꠟ ꠛꠁꠀ ꠘꠤꠛꠣꠄ। 29 ꠐꠦꠛꠥꠟꠞ ꠃꠙꠞꠞ ꠕꠣꠟ-ꠛꠣꠡꠘ, ꠀꠟ꠆ꠟꠣꠞ ꠘꠣꠝꠦ ꠓꠣꠟꠤꠀ ꠖꠤꠛꠣꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠎꠉ ꠀꠞ ꠝꠉ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ। 30 ꠅꠃ ꠐꠦꠛꠥꠟꠞ ꠃꠙꠞꠦ ꠀꠝꠣꠞ ꠍꠣꠝꠘꠦ ꠢꠣꠝꠦꠡꠣ ꠙꠛꠤꠔ꠆ꠞ ꠞꠥꠐꠤ ꠞꠣꠈꠛꠣꠄ, ꠁ ꠞꠥꠐꠤ ꠎꠣꠘꠥ ꠡꠛ ꠡꠝꠄ ꠕꠅꠀ ꠅꠄ।”

31 ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠈꠣꠐꠤ ꠡꠥꠘꠣꠖꠤ ꠄꠇꠈꠣꠘ ꠌꠦꠞꠣꠉ ꠖꠣꠘꠤ ꠛꠣꠘꠣꠁꠛꠣꠄ, ꠌꠦꠞꠣꠉ ꠖꠣꠘꠤꠞ ꠔꠟꠣ ꠀꠞ ꠒꠣꠘ꠆ꠒꠤ ꠈꠣꠐꠤ ꠡꠥꠘꠣ ꠙꠤꠐꠣꠁꠀ ꠉꠠꠣꠁꠛꠣꠄ। ꠅꠃ ꠒꠣꠘ꠆ꠒꠤ, ꠚꠥꠟꠞ ꠟꠣꠈꠣꠘ ꠙꠤꠀꠟꠣ, ꠇꠥꠠꠤ ꠀꠞ ꠙꠣꠙꠠꠤ ꠅꠇꠟ, ꠌꠦꠞꠣꠉ ꠖꠣꠘꠤꠞ ꠢꠇꠟꠔꠣꠄ ꠄꠇꠟꠉꠦ ꠄꠇ ꠙꠤꠍ ꠅꠁꠛ। 32 ꠌꠦꠞꠣꠉ ꠖꠣꠘꠤꠞ ꠒꠣꠘ꠆ꠒꠤꠞ ꠖꠥꠁ ꠉꠣꠟꠣꠔ ꠔꠤꠘꠐꠣ ꠇꠞꠤ ꠝꠥꠐ ꠍꠄꠐꠣ ꠒꠣꠟ ꠕꠣꠇꠛ। 33 ꠙꠞꠔꠦꠇ ꠒꠣꠟꠞ ꠝꠣꠎꠦ ꠎꠛꠣ ꠚꠥꠟꠞ ꠟꠣꠈꠣꠘ ꠔꠤꠘꠉꠥ ꠇꠞꠤ ꠙꠤꠀꠟꠣ ꠕꠣꠇꠛ। ꠌꠦꠞꠣꠉ ꠖꠣꠘꠤꠞ ꠍꠄꠅ ꠒꠣꠟꠅ ꠄꠇꠟꠣꠈꠣꠘ ꠇꠣꠝ ꠇꠞꠣ ꠅꠁꠛ। 34 ꠌꠦꠞꠣꠉ ꠖꠣꠘꠤꠞ ꠝꠥꠟ ꠒꠣꠘ꠆ꠒꠤꠞ ꠝꠣꠎꠦꠅ ꠎꠛꠣ ꠚꠥꠟꠞ ꠟꠣꠈꠣꠘ ꠌꠣꠁꠞꠐꠣ ꠙꠤꠀꠟꠣ ꠕꠣꠇꠛ। 35 ꠅꠃ ꠝꠥꠟ ꠒꠣꠘ꠆ꠒꠤ ꠕꠣꠇꠤ ꠛꠣꠞꠅꠁꠟ ꠍꠄꠐꠣ ꠒꠣꠟꠞ ꠝꠣꠎꠦ, ꠙꠄꠟꠣ ꠖꠥꠁꠅ ꠒꠣꠟꠞ ꠎꠥꠠꠣꠔ ꠄꠉꠥ ꠇꠥꠠꠤ, ꠖꠥꠍꠞꠣ ꠖꠥꠁꠅ ꠒꠣꠟꠞ ꠎꠥꠠꠣꠔ ꠀꠞꠇ ꠇꠥꠠꠤ, ꠀꠞ ꠢꠦꠡꠞ ꠖꠥꠁꠅ ꠒꠣꠟꠞ ꠎꠥꠠꠣꠔꠅ ꠇꠥꠠꠤ ꠖꠤꠅ। 36 ꠇꠥꠠꠤ ꠀꠞ ꠒꠣꠟ ꠢꠇꠟꠔꠣ ꠌꠦꠞꠣꠉ ꠖꠣꠘꠤ ꠕꠣꠇꠤ ꠛꠣꠞ ꠅꠁꠛ, ꠢꠇꠟꠔꠣ ꠝꠤꠟꠤꠀ ꠄꠇ ꠌꠤꠎ ꠅꠁꠛ। ꠀꠡ꠆ꠔꠣꠐꠣꠃ ꠈꠣꠐꠤ ꠡꠥꠘꠣ ꠙꠤꠐꠣꠁꠀ ꠛꠣꠘꠣꠘꠤ ꠟꠣꠉꠛ। 37 ꠄꠞꠛꠣꠖꠦ ꠡꠣꠔꠐꠣ ꠌꠦꠞꠣꠉ ꠛꠣꠘꠣꠁꠀ ꠅꠃ ꠌꠦꠞꠣꠉ ꠖꠣꠘꠤꠞ ꠃꠙꠞꠦ ꠅꠃ ꠟꠣꠈꠣꠘ ꠇꠞꠤ ꠟꠣꠉꠣꠘꠤ ꠟꠣꠉꠛ, ꠎꠣꠔꠦ ꠌꠦꠞꠣꠉ ꠅꠇꠟ ꠎꠣꠟꠣꠘꠤꠞ ꠛꠣꠖꠦ ꠌꠦꠞꠣꠉ ꠖꠣꠘꠤꠞ ꠍꠣꠝꠘꠣ ꠚꠞ ꠅꠄ। 38 ꠌꠦꠞꠣꠉꠞ ꠚꠤꠔꠣ ꠍꠣꠚ ꠇꠞꠣꠞ ꠌꠤꠝꠐꠣ ꠀꠞ ꠎꠣꠟꠣꠁꠟ ꠚꠤꠔꠣꠞ ꠍꠣꠟꠤ ꠕꠅꠀꠞ ꠟꠣꠉꠤ ꠇꠄꠉꠥ ꠛꠣꠐꠤ, ꠈꠣꠐꠤ ꠡꠥꠘꠣꠖꠤ ꠛꠣꠘꠣꠘꠤ ꠟꠣꠉꠛ। 39 ꠌꠦꠞꠣꠉ ꠖꠣꠘꠤꠞ ꠢꠇꠟꠔꠣ ꠛꠣꠘꠣꠘꠤꠞ ꠟꠣꠉꠤ ꠄꠇ ꠝꠘ ꠈꠣꠐꠤ ꠡꠥꠘꠣ ꠟꠣꠉꠛ।

40 “ꠢꠥꠘꠅ, ꠅꠃ ꠙꠣꠠꠞ ꠃꠙꠞꠦ ꠔꠥꠝꠣꠞꠦ ꠎꠦꠟꠣ ꠘꠇꠡꠣ ꠖꠦꠈꠣꠁꠟ ꠅꠁꠟ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠢꠇꠟꠔꠣ ꠛꠣꠘꠣꠁꠅ।”