ꠀꠟ-ꠎꠛꠥꠞ ২
1 ꠢꠇ꠆ꠇꠟ ꠎꠣꠔꠤꠄ ꠇꠦꠘꠦ ꠅꠡ꠆ꠕꠤꠞ ꠅꠁꠀ ꠌꠤꠟ꠆ꠟꠣꠁꠞꠣ,
ꠇꠤꠅꠞ ꠟꠣꠉꠤ ꠝꠣꠘꠡꠦ ꠛꠦꠢꠥꠖꠣ ꠚꠘ꠆ꠖꠤ ꠇꠞꠦꠞ?
2 ꠎꠉꠔꠞ ꠛꠣꠖꠡꠣ ꠅꠇꠟ ꠛꠤꠉꠠꠤ ꠉꠦꠟ,
ꠞꠣꠎꠣ ꠅꠇꠟ ꠄꠇꠈꠣꠘꠅ ꠖꠟꠣ ꠅꠁꠟ,
ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠀꠞ ꠔꠣꠘ ꠀꠟ-ꠝꠍꠤꠞ*2:2 ‘ꠀꠟ-ꠝꠍꠤ’ ꠝꠣꠘꠤ, ꠀꠟ꠆ꠟꠣ ꠙꠣꠇꠞ ꠛꠤꠡꠦꠡ ꠙꠍꠘ꠆ꠖ ꠇꠞꠣ ꠎꠘ। ꠎꠛꠥꠞ ꠡꠞꠤꠚ ꠟꠦꠈꠣꠞ ꠇꠣꠟꠅ ꠢꠃ ꠎꠘ ꠀꠍꠟꠣ ꠢꠎꠞꠔ ꠖꠣꠃꠖ (ꠀ꠩)। ꠛꠤꠞꠥꠖ꠆ꠖꠦ।
3 ꠄꠞꠣ ꠖꠟꠣ ꠅꠁꠀ ꠇꠁꠟ, ꠀꠅ,
ꠍꠤꠠꠤꠀ ꠚꠣꠟꠣꠁ ꠔꠣꠞꠣꠞ ꠒꠣꠘ꠆ꠒꠣ-ꠛꠦꠠꠤ,
ꠔꠣꠞꠣꠞ ꠛꠣꠘ꠆ꠖꠘ ꠈꠥꠟꠤꠀ ꠡ꠆ꠛꠣꠗꠤꠘ ꠛꠘꠤ।
4 ꠀꠞꠡꠦ-ꠀꠎꠤꠝꠞ ꠇꠥꠞꠍꠤꠔ ꠛꠁꠀ ꠝꠣꠛꠥꠖꠦ ꠀꠡꠂꠘ,
ꠔꠣꠁꠘ ꠁꠔꠣꠞꠦ ꠟꠁꠀ ꠝꠡꠇꠞꠣ ꠇꠞꠂꠘ।
5 ꠔꠣꠘ ꠉꠞꠝ ꠖꠦꠈꠣꠁꠀ ꠛꠦꠚꠣꠘꠣ ꠟꠣꠉꠣꠁꠛꠣ,
ꠀꠞ ꠉꠥꠍꠣꠄ ꠀꠉꠥꠁꠘ ꠅꠁꠀ ꠅꠔꠣꠞꠦ ꠇꠁꠛꠣ,
6 ꠀꠝꠤ ꠡ꠆ꠛꠄꠅꠋ ꠀꠝꠣꠞ ꠛꠣꠖꠡꠣꠞꠦ ꠛꠅꠀꠁꠟ ꠇꠞꠍꠤ,
ꠀꠝꠣꠞ ꠙꠛꠤꠔ꠆ꠞ ꠍꠤꠅꠘ ꠙꠣꠠꠞ ꠃꠙꠞꠦ।
7 ꠀꠞ ꠢꠃ ꠛꠣꠖꠡꠣꠄ ꠇꠁꠞꠣ,
ꠀꠝꠤ ꠈꠣꠟꠤ ꠝꠣꠛꠥꠖꠞ ꠅꠃ ꠢꠥꠇꠥꠝ ꠎꠣꠘꠣꠁ,
ꠀꠁꠎꠃ ꠀꠝꠤ ꠔꠥꠝꠣꠞ ꠛꠣꠚꠞ ꠟꠣꠈꠣꠘ ꠅꠁꠟꠣꠝ।
8 ꠔꠥꠝꠤ ꠀꠝꠣꠞ ꠉꠦꠍꠦ ꠌꠣꠅ,
ꠌꠣꠁꠟꠦ ꠎꠉꠔꠞ ꠢꠇ꠆ꠇꠟ ꠎꠣꠔꠤ ꠔꠥꠝꠣꠞꠃ ꠅꠁꠛ,
ꠖꠥꠘꠤꠀꠞ ꠢꠦꠡ ꠝꠣꠕꠣꠞ ꠖꠈꠟꠅ ꠙꠣꠁꠛꠣꠄ,
9 ꠔꠥꠝꠤ ꠟꠥꠀꠞ ꠟꠣꠑꠤ ꠖꠤꠀ ꠁꠔꠣꠞꠦ ꠜꠣꠋꠉꠤꠛꠣꠄ,
ꠝꠣꠐꠤꠞ ꠙꠣꠔꠤꠟꠞ ꠟꠣꠈꠣꠘ ꠌꠥꠞꠝꠣꠞ ꠇꠞꠛꠣꠄ।
10 ꠅ ꠞꠣꠎꠣ ꠅꠇꠟ, ꠡꠑꠤꠇ ꠀꠈꠟ ꠈꠣꠐꠣꠅ,
ꠎꠉꠔꠞ ꠡꠣꠡꠇ ꠅꠇꠟ, ꠢꠥꠡꠤꠀꠞ ꠞꠅ,
11 ꠖꠤꠟꠞ ꠒꠞ-ꠈꠚꠦ ꠝꠣꠛꠥꠖꠞ ꠄꠛꠣꠖꠔ ꠇꠞꠅ,
ꠇꠣꠙꠤ ꠇꠣꠙꠤ 12 ꠔꠣꠘ ꠇꠥꠖꠞꠔꠤ ꠇꠖꠝꠅ ꠌꠥꠝꠣ ꠖꠦꠅ,
ꠔꠣꠁꠘ ꠔ ꠌꠈꠥꠞ ꠙꠟꠇꠦ ꠉꠥꠍꠣꠄ ꠎꠟꠤꠀ ꠃꠑꠂꠘ,
ꠉꠥꠍꠣꠄ ꠔꠣꠘ ꠉꠎꠛ ꠘꠣꠎꠤꠟ ꠇꠞꠟꠦ,
ꠔꠥꠝꠞꠣ ꠝꠣꠎꠙꠕꠅ ꠀꠈꠔꠣꠃ ꠛꠤꠘꠣꠡ ꠅꠁꠛꠣꠄ।
ꠔꠣꠞꠣꠃ ꠔ ꠛꠠ ꠇꠙꠣꠟꠤ,
ꠎꠦꠞꠣ ꠔꠣꠘ ꠍꠣꠄꠀꠔ ꠀꠡꠞꠄ ꠟꠂꠘ॥
*ꠀꠟ-ꠎꠛꠥꠞ ২:2 2:2 ‘ꠀꠟ-ꠝꠍꠤ’ ꠝꠣꠘꠤ, ꠀꠟ꠆ꠟꠣ ꠙꠣꠇꠞ ꠛꠤꠡꠦꠡ ꠙꠍꠘ꠆ꠖ ꠇꠞꠣ ꠎꠘ। ꠎꠛꠥꠞ ꠡꠞꠤꠚ ꠟꠦꠈꠣꠞ ꠇꠣꠟꠅ ꠢꠃ ꠎꠘ ꠀꠍꠟꠣ ꠢꠎꠞꠔ ꠖꠣꠃꠖ (ꠀ꠩)।
†ꠀꠟ-ꠎꠛꠥꠞ ২:7 2:7 ꠢꠎꠞꠔ ꠖꠣꠃꠖ (ꠀ꠩)ꠅꠞ ꠀꠝꠟꠦ ꠀꠞ ꠄꠞ ꠛꠣꠖꠦꠅ, ꠇꠥꠘꠥ ꠛꠠ ꠡꠝ꠆ꠞꠣꠐꠦ ꠎꠦꠛꠟꠣ ꠔꠣꠘ ꠡꠝ꠆ꠞꠣꠁꠎ꠆ꠎꠞ ꠇꠥꠘꠥ ꠖꠦꠡꠞ ꠃꠙꠞꠦ ꠄꠇꠎꠘꠞꠦ ꠞꠣꠎꠣ ꠛꠣꠘꠣꠁꠘ, ꠢꠃ ꠡꠝꠄ ꠕꠣꠇꠤ ꠅꠃ ꠎꠘꠞꠦ ꠔꠣꠘ ‘ꠙꠥꠔ’ ꠇꠁꠀ ꠒꠣꠇꠤꠔꠣ। ꠄꠁꠘ ꠔ ꠢꠃ ꠡꠝ꠆ꠞꠣꠐꠞ ꠈꠟꠤꠚꠣ, ꠀꠍꠟ ꠙꠥꠔ ꠘꠣꠄ। ꠔꠦꠃ ꠁ ꠀꠄꠀꠔꠞ ꠝꠣꠘꠤ ꠅꠁꠟ, ꠢꠎꠞꠔ ꠖꠣꠃꠖ (ꠀ꠩)ꠄ ꠎꠦ ꠖꠤꠘ ꠎꠦꠞꠥꠎꠣꠟꠦꠝ ꠐꠣꠃꠘꠞ ꠙꠛꠤꠔ꠆ꠞ ꠍꠤꠅꠘ ꠙꠣꠠꠞꠦ ꠖꠈꠟ ꠇꠞꠟꠣ, ꠢꠃ ꠖꠤꠘꠃ ꠀꠍꠝꠣꠘ-ꠎꠝꠤꠘꠞ ꠛꠣꠖꠡꠣ ꠝꠣꠛꠥꠖ ꠀꠟ꠆ꠟꠣꠄ ꠘꠤꠎꠞ ꠈꠣꠍ ꠙ꠆ꠞꠎꠣ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠔꠣꠘꠞꠦ ꠈꠟꠤꠚꠣ ꠢꠤꠡꠣꠛꠦ ꠞꠣꠈꠟꠣ, ꠄꠞꠟꠣꠉꠤ ‘ꠙꠥꠔ’ ꠘꠣꠝ ꠖꠤꠍꠟꠣ।