ꠀꠟ-ꠎꠛꠥꠞ ২৪
ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1 ꠁ ꠎꠉꠔ ꠀꠞ ꠎꠉꠔꠞ ꠢꠇ꠆ꠇꠟꠔꠣꠃ ꠝꠣꠛꠥꠖꠞ,
ꠖꠥꠘꠤꠀ ꠀꠞ ꠖꠥꠘꠤꠀꠞ ꠛꠣꠡꠤꠘ꠆ꠖꠣ ꠅꠇꠟ ꠔ ꠔꠣꠘ।
2 ꠔꠣꠁꠘ ꠖꠞꠤꠀꠞ ꠙꠣꠘꠤꠞ ꠃꠙꠞꠦ ꠖꠥꠘꠤꠀꠞ ꠜꠤꠔ ꠛꠅꠀꠁꠟ ꠇꠞꠟꠣ,
ꠉꠣꠋ-ꠈꠣꠟꠞ ꠃꠙꠞꠦ ꠁꠀꠘ ꠈꠥꠐꠤ ꠛꠅꠀꠁꠟꠣ।
3 ꠇꠦ ꠉꠤꠀ ꠝꠣꠛꠥꠖꠞ ꠙꠣꠠꠞ ꠃꠙꠞꠦ ꠃꠑꠤꠔ,
ꠔꠣꠘ ꠙꠣꠇ-ꠙꠛꠤꠔ꠆ꠞ ꠝꠥꠇꠣꠝꠅ ꠇꠥꠘ ꠎꠘ ꠈꠣꠠꠣ ꠞꠁꠛ?
4 ꠢꠃ ꠎꠘꠃ ꠔ, ꠎꠣꠞ ꠀꠔ ꠘꠤ-ꠅꠙꠞꠣꠗꠤ, ꠎꠣꠞ ꠖꠤꠟ ꠙꠣꠇ-ꠍꠣꠚ;
ꠢꠦ ꠎꠉꠔꠞ ꠝꠣꠄꠀ ꠎꠣꠟꠅ ꠛꠘ꠆ꠖꠤ ꠘꠣꠄ,
ꠀꠞ ꠐꠉꠣꠐꠉꠤꠞ ꠘꠤꠅꠔꠦ ꠇꠍꠝ ꠈꠣꠄ ꠘꠣ।
5 ꠢꠦ-ꠃ ꠙꠣꠁꠛ ꠀꠟ꠆ꠟꠣꠞ ꠔꠞꠚ ꠕꠣꠇꠤ ꠞꠢꠝ-ꠛꠞꠇꠔ,
ꠔꠣꠞ ꠎꠣꠘ ꠛꠣꠌꠣꠅꠞꠣ ꠝꠣꠟꠤꠇꠞ ꠉꠦꠍ ꠕꠣꠇꠤ ꠛꠦ-ꠇꠍꠥꠞ ꠈꠣꠟꠣꠍ ꠙꠣꠁꠛ।
6 ꠄꠞꠣꠃ ꠅꠁꠟꠣ ꠔꠣꠘ ꠀꠡꠤꠇ ꠛꠘ꠆ꠖꠣꠞ ꠖꠟ,
ꠔꠥꠝꠣꠞ ꠖꠤꠖꠣꠞ ꠙꠣꠁꠔ ꠌꠣꠄ, ꠅ ꠁꠀꠇꠥꠛꠞ ꠀꠟ꠆ꠟꠣ।
(ꠍꠦꠟꠣ)
7 ꠅ ꠉꠦꠁꠐ ꠅꠇꠟ, ꠝꠣꠕꠣ ꠃꠌꠣ ꠇꠞꠅ,
ꠃꠌꠣ ꠅꠁꠎꠣꠅ, ꠅ ꠌꠤꠞꠡ꠆ꠕꠣꠄꠁ ꠖꠥꠀꠞ ꠅꠇꠟ,
ꠎꠣꠟꠣꠟ-ꠡꠣꠘꠞ ꠛꠣꠖꠡꠣꠄ ꠔꠡꠞꠤꠚ ꠀꠘꠤꠟꠣꠃꠇ꠆ꠇꠣ।
8 ꠅꠃ ꠎꠣꠟꠣꠟ-ꠡꠣꠘꠞ ꠛꠣꠖꠡꠣ ꠇꠦ?
ꠛꠟꠛꠣꠘ ꠀꠞ ꠙꠄꠟꠥꠀꠘ ꠝꠣꠛꠥꠖ,
ꠟꠣꠠꠣꠁ-ꠎꠥꠖ꠆ꠖꠔ ꠙꠄꠟꠥꠀꠘ ꠝꠣꠛꠥꠖ।
9 ꠅ ꠉꠦꠁꠐ ꠅꠇꠟ, ꠝꠣꠕꠣ ꠃꠌꠣ ꠇꠞꠅ,
ꠃꠌꠣ ꠅꠅ, ꠅ ꠌꠤꠞꠡ꠆ꠕꠣꠄꠁ ꠖꠥꠀꠞ ꠅꠇꠟ,
ꠎꠣꠟꠣꠟ-ꠡꠣꠘꠞ ꠛꠣꠖꠡꠣꠄ ꠔꠡꠞꠤꠚ ꠀꠘꠤꠟꠣꠃꠇ꠆ꠇꠣ।
10 ꠎꠣꠟꠣꠟ-ꠡꠣꠘꠞ ꠅꠃ ꠛꠣꠖꠡꠣ ꠇꠦ?
ꠍꠤꠙꠣꠁ ꠖꠟ ꠅꠇꠟꠞ ꠇꠣꠝꠣꠘ꠆ꠒꠣꠞ ꠝꠣꠛꠥꠖ,
ꠔꠣꠁꠘꠃ ꠎꠣꠟꠣꠟ-ꠡꠣꠘꠞ ꠛꠣꠖꠡꠣ।
(ꠍꠦꠟꠣ)॥