1 ꠛꠣꠖꠦ ꠀꠝꠤ ꠛꠦꠢꠦꠡ꠆ꠔꠞ ꠝꠣꠎꠦ ꠀꠞꠇꠐꠣ ꠟꠤꠟꠣ-ꠈꠦꠟꠣ ꠖꠦꠈꠟꠣꠝ, ꠁꠐꠣ ꠛꠠ ꠝꠢꠣꠘ ꠔꠣꠁꠎ꠆ꠎꠥꠛꠤ। ꠀꠝꠤ ꠖꠦꠈꠟꠣꠝ, ꠡꠣꠔꠎꠘ ꠚꠤꠞꠤꠡ꠆ꠔꠣ ꠀꠍꠂꠘ, ꠄꠞꠣꠞ ꠀꠔꠅ ꠀꠈꠦꠞꠤ ꠡꠣꠔꠐꠣ ꠉꠎꠛ। ꠁꠔꠣꠞꠦ ꠀꠈꠦꠞꠤ ꠉꠎꠛ ꠇꠅꠀꠞ ꠇꠣꠞꠘ ꠅꠁꠟ, ꠅꠉꠥꠁꠘ ꠖꠤꠀ ꠀꠟ꠆ꠟꠣ ꠙꠣꠇꠞ ꠉꠥꠍꠣꠞ ꠡꠦꠡ ꠚꠄꠍꠣꠟꠣ ꠅꠁꠛ।

2 ꠛꠣꠖꠦ ꠀꠝꠤ ꠖꠦꠈꠟꠣꠝ, ꠀꠉꠥꠁꠘ ꠀꠟꠣ ꠄꠇ ꠇꠣꠌꠞ ꠖꠞꠤꠀ, ꠀꠞ ꠎꠔ ꠝꠣꠘꠡꠦ ꠢꠃ ꠎꠣꠘꠥꠀꠞ, ꠔꠣꠞ ꠝꠥꠞ꠆ꠔꠤ ꠛꠣ ꠔꠣꠞ ꠘꠣꠝꠞ ꠘꠝ꠆ꠛꠞꠞ ꠃꠙꠞꠦ ꠎꠤꠔꠍꠂꠘ, ꠔꠣꠞꠣꠞꠦꠅ ꠖꠦꠈꠟꠣꠝ। ꠖꠦꠈꠟꠣꠝ, ꠔꠣꠞꠣ ꠀꠟ꠆ꠟꠣꠞ ꠖꠦꠅꠀ ꠡꠣꠞꠤꠘ꠆ꠖꠣ ꠀꠔꠅ ꠟꠁꠀ ꠇꠣꠌꠞ ꠖꠞꠤꠀꠞ ꠙꠣꠞꠅ ꠃꠛꠣꠁ ꠞꠁꠍꠂꠘ। 3 ꠔꠣꠞꠣ ꠀꠟ꠆ꠟꠣꠞ ꠛꠘ꠆ꠖꠣ ꠝꠥꠍꠣ ꠘꠛꠤꠞ ꠀꠞ ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠅꠃ ꠇꠣꠅꠀꠟꠤ ꠉꠣꠁꠞꠣ,

5 ꠄꠞꠛꠣꠖꠦ ꠀꠝꠤ ꠖꠦꠈꠟꠣꠝ, ꠛꠦꠢꠦꠡ꠆ꠔꠞ ꠢꠃ ꠡꠣꠢꠣꠖꠔ ꠔꠣꠝ꠆ꠛꠥꠞ ꠜꠤꠔꠞꠞ ꠙꠛꠤꠔ꠆ꠞ ꠇꠣꠛꠣ ꠊꠞꠈꠣꠘ ꠈꠥꠟꠣ ꠅꠁꠟ। 6 ꠅꠃ ꠡꠝꠄ ꠢꠃ ꠡꠣꠔꠎꠘ ꠚꠤꠞꠤꠡ꠆ꠔꠣꠄ ꠡꠣꠔꠐꠣ ꠉꠎꠛ ꠟꠁꠀ ꠇꠣꠛꠣ ꠊꠞ ꠕꠣꠇꠤ ꠛꠣꠞ ꠅꠁꠀ ꠀꠁꠟꠣ। ꠔꠣꠞꠣꠞ ꠚꠤꠘ꠆ꠘꠞ ꠟꠦꠛꠣꠍ ꠀꠍꠤꠟ ꠌꠇꠌꠇꠣ ꠙꠞꠤꠡ꠆ꠇꠣꠞ ꠀꠞ ꠛꠥꠇꠥꠔ ꠀꠍꠤꠟ ꠡꠥꠘꠣꠟꠤ ꠙꠐ꠆ꠐꠤ। 7 ꠢꠃ ꠌꠣꠁꠞꠎꠘ ꠎꠣꠘꠖꠣꠞꠞ ꠄꠇꠎꠘꠦ ꠅꠃ ꠡꠣꠔꠅ ꠚꠤꠞꠤꠡ꠆ꠔꠣꠞꠦ ꠡꠣꠔꠐꠣ ꠡꠥꠘꠣꠞ ꠛꠣꠐꠤ ꠖꠤꠟꠣ। ꠁ ꠡꠣꠔꠅ ꠛꠣꠐꠤ ꠜꠞꠣ ꠀꠍꠤꠟ ꠈꠣꠟꠤ ꠀꠟ꠆ꠟꠣ ꠙꠣꠇꠞ ꠉꠥꠍꠣ, ꠎꠦꠁꠘ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣ ꠎꠤꠘ꠆ꠖꠣ ꠀꠍꠂꠘ। 8 ꠀꠟ꠆ꠟꠣꠞ ꠇꠥꠖꠞꠔꠤ ꠝꠢꠤꠝꠣ ꠕꠣꠇꠤ ꠎꠦ ꠗꠥꠝꠣ ꠛꠣꠞꠘꠤꠔ ꠀꠍꠤꠟ, ꠅꠃ ꠗꠥꠝꠣꠄ ꠀꠡ꠆ꠔꠣ ꠊꠞ ꠜꠞꠤ ꠉꠦꠟ। ꠀꠞ ꠅꠃ ꠡꠣꠔꠎꠘ ꠚꠤꠞꠤꠡ꠆ꠔꠣꠞ ꠡꠣꠔꠐꠣ ꠉꠎꠛ ꠘꠣ ꠚꠥꠠꠣꠘꠤ ꠙꠞ꠆ꠎꠘ꠆ꠔ ꠇꠦꠃ ꠉꠤꠀ ꠇꠣꠛꠣ ꠊꠞꠅ ꠢꠣꠝꠣꠁꠔ ꠙꠣꠞꠟ ꠘꠣ।