10
येशूला मुल चेलागदे
मर्कूस ३:१३-१९; लूका ६:१२-१६
1 येशूसे ह्राङला च्युक न्ही चेलागदेदा ङ्योइसी जम्मान थरीला रोगसे स्याप्सी आखम्बागदेदा खम्ना लबादेन म्हङगदेदा ताप्बा अधिकार पिन्जी। 2 येशूला मुल चेलागदे चुनोन हिन्ना, जम्मान भन्दा ङाच्छा पत्रुस भिबा सिमोनदेन थेला आले अन्द्रियास, जब्दियाला झा याकूबदेन याकूबला आले यूहन्ना, 3 ओच्छे फिलिपदेन बारथोलोमाइ, थोमादेन तिरो दुइबा मत्ती, अल्फयसला झा याकूबदेन थेदियस, 4 ओच्छे सिमोन चु सिमोनदा ह्राङला य्हुल्सादा माया लसी ह्राङला य्हुल्साला लागिरी ज्याननोन पिन्खम्बा म्हि भिसी भिमुबा। ओच्छे यहूदा इस्करियोत, चुनोन यहूदा इस्करियोतसे लिच्छा येशूदा चुङ्सी म्हिगदेला यारी जिम्मा पिन्जी।
मुल चेलागदेला गे
मर्कूस ६:७-१३; लूका ९:१-६
5 येशूसे ह्राङला च्युक न्ही मुल चेलागदेदा चुह्रङ् भिसी कुल्सी पुइजी, “एनीगदे अर्गु य्हुलला म्हिगदेदेन सामरीगदेला शहररी थानिउ। 6 बरु एनीगदे गोठालो आरेबा ग्युगदे ह्रङ् तसी भ्रबा इस्राएलीगदे मुबा ग्लारी निउ। 7 ओच्छे ‘स्वर्गला य्हुल्सा खसी जिन्बा मुला’ भिसी पाङ्गो।*लूका १०:४-१२ 8 ओच्छे आखम्बा म्हिगदेदा खम्ना लबादेन सिबा म्हिगदेदा सोना लउ। थेह्रङ् लसीन कोरे खबागदेदा खम्ना लबादेन म्हङगदे ताप्गो। एनीगदेसे ओह्रङ्नोन याङ्बा स्हे एनीगदेसेएनोन ओह्रङ्नोन पिन्गो। 9 एनीगदेसे म्हर म्हुइदेन टाङगा तिगै थाभोर्गो। 10 ओच्छे एनीगदेसे ग्यामला लागिरी पोबा क्वानदेन झोला ओच्छे लखमदेन कडी तिगै थाभोर्गो। तिग्दा भिसम गे लबा म्हिसे ज्याला याङ्तोःमुला।*१ कोर ९:१४; १ तिमो ५:१८
11 “एनीगदे शहररी निसै नाम्सारी निसै ङाच्छा थेरी एनीगदेदा मान लबा म्हि खाल चीम थे म्हाइगो। ओच्छे एनीगदे थेग्याम आनितेधोना थेरीन चिउ। 12 ओच्छे थे दिमरी वाङ्मा एनीगदेसे थे दिमला म्हिदा “परमेश्वरला शान्ति एनीगदेदेन छ्याम तगै” भिसी पाङ्गो। 13 थे दिमला म्हिसे एनीगदेदा मान लजी भिसम थे दिमला म्हिसे शान्ति याङ्गै। चुदे थे दिमला म्हिसे एनीगदेदा मान आलनी भिसम थे दिमला म्हिसे शान्ति थायाङ्गै। 14 ओच्छे खालैसे एनीगदेला ताम आङ्यान्ना मान आलनी भिसम थे दिमदेन शहरग्याम थोन्बा धुइरी ह्राङला काङला धुलु खर्सी पिन्गो।†यहूदीला ठिम अन्छार काङला धुलु खर्बा चा परमेश्वरसे सजाय पिन्ना भिसी उन्बा हिन्ना।*मुल १३:५१ 15 च्यागो, एनीगदेसे ङाला ताम ङ्यान्गो, परमेश्वरसे निसाफ लबा धिनकुनु थे शहरला म्हिगदेला गति भन्दा मी सदोमदेन गमोरा†उत्पत्ति १९:२३-२९ सदोमदेन गमोरा भिबा चा शहर न्ही हिन्ना। थेदा परमेश्वरसे नाश लजी। तिग्दा भिसम थे शहररी ल्हानान नइबा गेगदे लमुबा। चु ताम, मत्ती ११:२३-२४; लूका १०:१२, १७:२९; रोमी ९:२९; २ पत्रुस २:६; यहूदा १:७; उन्बा ११:८ पदरीएनोन मुला। शहरला म्हिगदेला गति नाखम्बा तला।*मत्ती ११:२४; उत्प १९:२४-२८
विश्वासीगदेसे नातोःबा दुख
मर्कूस १३:९-१३; लूका २१:१२-१७
16 “च्यागो, ङाइ एनीगदेदा फार्बागदेला गुङरी ग्युदा पुइबा ह्रङ् लसी पुइला। थेतबासेलमा एनीगदे पुख्री ह्रङ्बा चलाक ओच्छे ढुकुर ह्रङ् सोजो तसी भ्रउ।*लूका १०:३ 17 तर एनीगदे म्हिगदे म्राङ्सी होशियार तउ, तिग्दा भिसम थेनीगदेसे एनीगदेदा चुङ्सी अदालतरी भोर्ला। ओच्छे यहूदीगदे ह्रुप तबा दिमरी भोर्सी एनीगदेदा कोर्रासे तोबा ग्याङ्बा लला। 18 ङादा विश्वास लबासे लमा थेनीगदेसे एनीगदेदा अञ्चलाधीशदेन ग्लेला ङाच्छापट्टि भोर्ला। एनीगदे थेनीगदेदेन अर्गु य्हुलला म्हिगदेला लागिरी ङाला साक्षी दोला। 19 थेनीगदेसे चुङ्सी भोर्सैनोन खाह्रङ् लसी जोहाब पिन्से भिसी एनीगदेसे धन्दा सुर्दा लआतोः। तिग्दा भिसम थे धुइरी खाह्रङ् लसी पाङ्तोःबा थे ताम एनीगदेदा लोप्सी पिन्ना। 20 तिग्दा भिसम थे धुइरी एनीगदेसे पाङ्बा आहिन, तर परमेश्वर आबाला आत्मासेन एनीगदेग्याम पाङ्ला।
21 “ह्राङलान ज्योज्यो आलेसे ह्राङलान ज्योज्यो आलेदा साइपुङ्ला। थेह्रङ् लसीन आबासे कोलागदेदा साइपुङ्ला, ओच्छे कोलागदेसे आबा आमाला बिरोध लसी साइपुङ्ला। 22 ओच्छे ङादा विश्वास लबासे लमा एनीगदेदा जम्मासेन हेला लला। तर जुन म्हिसे जस्तोन दुख तसैनोन ह्राङ आसितेधोना ङादा विश्वास लबा आख्ला थेसे थार्बा याङ्ला।*मत्ती २४:९-१३ 23 म्हिगदेसे एनीगदेदा नाम्सा गिकरी दुख पिन्जी भिसम एनीगदे अर्गु नाम्सारी यार्गो। च्यागो, एनीगदेसे ङाला ताम ङ्यान्गो, परमेश्वरसे पुइखबा म्हि खबा भन्दा ङाच्छा एनीगदे इस्राएलला जम्मान नाम्सारी धोआखम।
24 “च्यागो, गुरु भन्दा चेला घ्रेन आत, ओच्छे मालिक भन्दा नोकरएनोन घ्रेन आत।*लूका ६:४०; यूह १३:१६; १५:२० 25 चेला ह्राङला गुरु ह्रङ्बा दोबादेन नोकर ह्राङला मालिक ह्रङ्बा दोबान ठीक मुला। तिग्दा भिसम थेनीगदेसे ङा दिमला मुल म्हिदाम म्हङला ग्ले बालजिबुल भिला भिसम झन ङाला म्हेमेगदेदा मी तिग भिला?*मत्ती ९:३४; १२:२४; मर्कू ३:२२; लूका ११:१५
खाल म्राङ्सी लोङ्तोःबा?
लूका १२:२-९
26 “थेतबासेलमा थेह्रङ्बा म्हिगदेदेन छ्याम थालोङ्गो। तिग्दा भिसम घप्सी आम्राङ्बा स्हे तिगै आरे, ओच्छे छुम्सी था आयाङ्बा स्हे तिगै आरे।*मर्कू ४:२२; लूका ८:१७ 27 जुन ताम ङाइ एनीगदेदा धोपधोपरी पाङ्बा मुला, थे ताम एनीगदेसे य्हालरी पाङ्गो, ओच्छे जुन ताम एनीगदेसे थेःला, थे ताम एनीगदेसे दिमला धुरीग्याम थेःना लउ। 28 ओच्छे एनीगदेला ल्हुइदा साइसी आत्मादा चा तिगै लबारी आखम्बा म्हिगदेदेन छ्याम थालोङ्गो। तर ल्हुइदेन आत्मा न्हीदान साइसी नर्गरी धोना लखम्बा परमेश्वरदेन छ्याम जे लोङ्गो। 29 डबल गिकरी च्युर्गन न्ही याङ्मुला। तसैनोन एनीगदेला परमेश्वर आबासे सेम आलनी भिसम थे च्युर्गनगदे न्हङला गिकएनोन आसि। 30 एनीगदेला थोबोरी क्रा गाते मुला भिबा ताम सुत्तै परमेश्वरदा था मुला। 31 थेतबासेलमा एनीगदे थालोङ्गो। तिग्दा भिसम थे ल्हानान च्युर्गनगदे भन्दा मी एनीगदे ल्हानान घ्रेन मुला।
स्य्हान्दोगदेदा ख्रीष्टला बारेरी पाङ्बा
लूका १२:८-९
32 “थेतबासेलमा जुन म्हिसे ङादा म्हिला ओन्छाङरी सेमहेन्से प्रभु भिसी पाङ्ला, ङाएनोन स्वर्गरी धन्छ्याबा आबाला ङाच्छा थेदा ङाला म्हि भिसी भिला। 33 तर जुन म्हिसे म्हिगदेला ओन्छाङरी ङादा ङाइ थेदा ङोसेबा आरे भिसी भिला, ङाइएनोन थेदा स्वर्गरी धन्छ्याबा ङाला आबाला ङाच्छा ङोसेबा आरे भिसी भिला।*२ तिमो २:१२
ख्रीष्टदा विश्वास लबादेन आलबा
लूका १२:५१-५३; १४:२६-२७
34 “ङा जम्बुलिङरी म्हिगदेदा ढिक्ना लबारी खबा हिन्ना भिसी थाम्हन्गो। तिग्दा भिसम ङा म्हिगदेदा ढिक्ना लबारी आहिन, तर थेनीगदे न्हङरी छेना लबारी खबा हिन्ना। 35 तिग्दा भिसम
‘ङा आबाला बिरोधरी झा,
आमाला बिरोधरी झामे
ओच्छे स्युमीला बिरोधरी चाङ रेःना लबारी खबा हिन्ना।
36 म्हिला शत्रु चा ह्राङलान म्हेमेगदे न्हङग्याम थोन्ना।’*मीका ७:६
37 “जुन म्हिसे ङादा भन्दा ह्राङला आबा आमादेन कोलागदेदा माया लला, थे म्हि ङाला चेला दोबारी आखम। 38 ओच्छे जुन म्हिसे आसितेधोना ह्राङला दुख ह्राङसेन नासी†ग्रीक बाइबलरी चा ह्राङला क्रुस ह्राङसेन पुइतोःला भिसी भ्रिबा मुला। ङादेन छ्याम आभ्र, थे म्हि ङाला चेला दोबाधोनाला आरे।*मत्ती १६:२४; मर्कू ८:३४; लूका ९:२३ 39 जुन म्हिसे ह्राङला ज्यान जोगब लबारी म्हाइला थे म्हिसे जुकजुकधोनाला जुनी आयाङ्। तर ङाला लागिरी ज्याननोन पिन्खम्बा म्हिसे जुकजुकधोनाला जुनी याङ्ला।*मत्ती १६:२५; मर्कू ८:३५; लूका ९:२४; १७:३३; यूह १२:२५
40 “एनीगदेदा मान लबा म्हिगदेसे ङादाएनोन मान लला। ओच्छे ङादा मान लबागदेसे ङादा पुइखबादाएनोन मान लला।*मर्कू ९:३७; लूका ९:४८; १०:१६; यूह १३:२० 41 जुन म्हिसे अगमवक्तादा ‘अगमवक्ता’ भिसी मान लला, थेसेनोन अगमवक्तासे याङ्बा ह्रङ्बान इनाम याङ्ला। थेह्रङ् लसीन जुन म्हिसे परमेश्वरदा सेम निबा म्हिदा ‘परमेश्वरदा सेम निबा म्हि’ भिसी मान लला, थेसेनोन थे परमेश्वरदा सेम निबा म्हिसे याङ्बा ह्रङ्बान इनाम याङ्ला। 42 च्यागो, खालैसे चुगदे न्हङला गिकदा ङाला चेला भिसी सिम्बा क्युइ†“सिम्बा क्युइ” नेपाली बाइबलदेन ग्रीक बाइबलरी चा “कचौर नाङ क्युइ” भिसी भ्रिबा मुला। जे थुङ्बारी पिन्सैनोन थेसे याङ्तोःबा इनाम याङ्ला।”
*10:7 लूका १०:४-१२
*10:10 १ कोर ९:१४; १ तिमो ५:१८
†10:14 यहूदीला ठिम अन्छार काङला धुलु खर्बा चा परमेश्वरसे सजाय पिन्ना भिसी उन्बा हिन्ना।
*10:14 मुल १३:५१
†10:15 उत्पत्ति १९:२३-२९ सदोमदेन गमोरा भिबा चा शहर न्ही हिन्ना। थेदा परमेश्वरसे नाश लजी। तिग्दा भिसम थे शहररी ल्हानान नइबा गेगदे लमुबा। चु ताम, मत्ती ११:२३-२४; लूका १०:१२, १७:२९; रोमी ९:२९; २ पत्रुस २:६; यहूदा १:७; उन्बा ११:८ पदरीएनोन मुला।
*10:15 मत्ती ११:२४; उत्प १९:२४-२८
*10:16 लूका १०:३
*10:22 मत्ती २४:९-१३
*10:24 लूका ६:४०; यूह १३:१६; १५:२०
*10:25 मत्ती ९:३४; १२:२४; मर्कू ३:२२; लूका ११:१५
*10:26 मर्कू ४:२२; लूका ८:१७
*10:33 २ तिमो २:१२
*10:36 मीका ७:६
†10:38 ग्रीक बाइबलरी चा ह्राङला क्रुस ह्राङसेन पुइतोःला भिसी भ्रिबा मुला।
*10:38 मत्ती १६:२४; मर्कू ८:३४; लूका ९:२३
*10:39 मत्ती १६:२५; मर्कू ८:३५; लूका ९:२४; १७:३३; यूह १२:२५
*10:40 मर्कू ९:३७; लूका ९:४८; १०:१६; यूह १३:२०
†10:42 “सिम्बा क्युइ” नेपाली बाइबलदेन ग्रीक बाइबलरी चा “कचौर नाङ क्युइ” भिसी भ्रिबा मुला।