15
रिमठिमला बारेरी लोप्बा
मर्कूस ७:१-२३
1 यरूशलेमग्याम खबा फरिसीगदेदेन यहूदी धर्मगुरुगदे येशू मुबा ग्लारी खसी, 2 “ह्राङला चेलागदेसे तिग्दा आखे म्हेमेला रिमठिमदा ख्लाबा? तिग्दा चबा भन्दा ङाच्छा या आख्रुबा?” भिसी ङ्योइमा, 3 येशूसे थेनीगदेदा चुह्रङ् भिसी सुङ्जी, “एनीगदेसे चा तिग्दा परमेश्वरसे कुल्बा ताम आङ्यान्ना आखे म्हेमेला रिमठिम तेन्बा? 4 तिग्दा भिसम परमेश्वरसे ‘एसे ह्राङला आबा आमादा मान लउ,’ ओच्छे ‘जुन म्हिसे ह्राङला आबा आमादा बिरोध लसी नइबा ताम लला थेदा चा साइनोन तोःला’ भिसी सुङ्बा मुला।*प्रस्था २०:१२; २१:१७; व्यव ५:१६; लेवी २०:९ 5 तर एनीगदेसे चा ‘जुन म्हिसे ह्राङला आबा आमादा पिन्तोःबा स्हे परमेश्वरदा फुल्बा मुला, थेसे ह्राङला आबा आमादा मान लआतोः’ भिसी लोप्मुला। 6 चुह्रङ् लसी एनीगदेसे ह्राङला रिमठिम अन्छार भ्रगै भिसी परमेश्वरसे कुल्बा ताम चा गे आखेल्बा स्होबा मुला। 7 थेतबासेलमा कप्टीगदे, परमेश्वरसे यशैया अगमवक्ताग्याम सुङ्बा ताम एनीगदेला गे अन्छार ढिक्बा मुला।
8 ‘चु म्हिगदेसे सुङसे जे ङादा मान लमुला,
तर सेमहेन्से चा मान आलमुला।
9 ओच्छे थेनीगदेसे ङादा तेन्बाम तेन्मुला,
तसैनोन परमेश्वरसे कुल्बा तामदा भन्दा म्हिसे स्होबा रिमठिमदा घ्रेन म्हन्मुला।’ ”*यशै २९:१३
10 जमाहेन्से येशूसे म्हिला हुलदा ह्राङ मुबा ग्लारी ङ्योइसी, “ङाइ पाङ्बा ताम तिग चीम भिसी एनीगदेसे घोबारी म्हाइगो। 11 परमेश्वरदा तेन्बारी म्हिदा खजिबै चबा स्हेसे न्होङ्ना आल। तर म्हिला सेमग्याम थोन्बा नइबा तामसे चा म्हिदा न्होङ्ना लमुला” भिसी सुङ्जी।†यहूदीगदेला ठिम अन्छार खालैसे स्य्हान्दोदेन छ्याम ढिक्सी परमेश्वरदा तेन्बारी थे चोखो ततोःबा मुबा। थे परमेश्वरसे कुल्बा खजिबै ताम अन्छार आभ्रनी भिसम थेदा अशुद्ध भिसी पाङ्मुबा ओच्छे थे दोःसी शुद्ध दोबारी थेसे बलि फुल्तोःबा मुबा।
12 जमाहेन्से चेलागदे येशू मुबा ग्लारी खसी “ह्राङला ताम थेःसी फरिसीगदे ह्राङदेन छ्याम बोमो खबा ताम ह्राङदा था मुला?” भिसी पाङ्जी।
13 तर येशूसे चेलागदेदा चुह्रङ् भिसी सुङ्जी, “स्वर्गरी धन्छ्याबा ङाला आबासे आसूबा दोङगदे†थे फरिसीगदे चा परमेश्वरसे आसूबा दोङगदे ह्रङ्बान हिन्ना। ओच्छे परमेश्वरसे थेनीगदे जम्मादान दोङ स्योइबा ह्रङ् लसी लेःला, तिग्दा भिसम थेनीगदेसे परमेश्वरसे म्हन्बा ह्रङ् लसी आलोप्नी। स्योइसी भ्याङ्ला। 14 थेतबासेलमा थेनीगदेदा तिगै पाङ्आतोः। थेनीगदे मी आम्राङ्बा म्हिगदेदा लोप्बा मी आम्राङ्बा म्हिगदे हिन्ना। थेतबासेलमा मी आम्राङ्बा म्हिसे मी आम्राङ्बादान चुङ्सी भोर्सम न्हीनोन व्हाङरी ताइला।”†चुदे खालै म्हि सत्य ताम आसेबा म्हिसे लोप्बा अन्छार भ्रजी भिसम तिरेकुनु थे नाश तसी निला।*लूका ६:३९
15 जमाहेन्से पत्रुससे येशूदा “म्हिगदेदा चबा स्हेसे न्होङ्ना आलमुला भिसी ह्राङसे सुङ्बा ताम ङन्दा घोना लसी पिन्गो” भिसी भिमा, 16 येशूसे थेनीगदेदा चुह्रङ् भिसी सुङ्जी, “दान्देधोना अझ एनीगदेसे घोबा आरे? 17 चबा स्हे चमाहेन्से फोरी धोमुला। ओच्छे फोग्यामसेनोन मङग्यार थोन्मुला भिबा ताम एनीगदेदा था आरे? 18 तर म्हिला सेमरी जुन ताम मुला थेनोन ताम सुङग्याम थोन्मुला, ओच्छे थेनोन तामसे म्हिदा न्होङ्ना लमुला। 19 तिग्दा भिसम म्हिला सेमग्याम थोन्बा नइबा तामगदे चा म्हि साइबा, म्हिला म्रिङदेन छ्याम ब्रेल्सी भ्रबा, खालैदेन छ्याम ब्रेल्सी भ्रबा, य्हो लबा, लुसीला ताम पाङ्बा ओच्छे म्हिला तामगन लबा हिन्ना। 20 चु जम्मान तामसे चा म्हिदा न्होङ्ना लमुला। तर या आख्रुना चसी म्हिदा न्होङ्ना आलमुला।”
अर्गु य्हुलला म्रिङम्हेमेला विश्वास
मर्कूस ७:२४-३०
21 जमाहेन्से येशू थे शहर ख्लासी टुरोसदेन सीदोन भिबा ग्लारीक्यार फेप्जी। 22 थे शहरला अर्गु य्हुलला कनानी म्रिङम्हेमे गिक क्रिङ्बान खसी येशूदा “प्रभु, दाऊद ग्लेला सन्तान, ङादा दया लउ। ङाला झामेदा म्हङसे ल्हानान दुख पिन्बा मुला” भिसी भिजी। 23 तर येशूसे तिगै जोहाब आपिन्नी। जमाहेन्से चेलागदेसे येशूदा “चु म्रिङम्हेमेदा चुग्याम पुइगो। तिग्दा भिसम चु क्रिङ्बान य्हाङला लिच्छा लिच्छा भ्रसी छेर्ना लजी” भिसी बिन्ती लजी।
24 जमाहेन्से येशूसे थे म्रिङम्हेमेदा “च्यागो, परमेश्वरसे ङादा म्हाबा ग्यु ह्रङ् तसी चिबा इस्राएलला म्हिगदेला लागिरी जे पुइखबा हिन्ना” भिसी सुङ्जी।
25 तर थे म्रिङम्हेमेसे येशूदा फ्या लबान, “प्रभु, ङादा ह्रो लउ” भिसी भिजी।
26 जमाहेन्से येशूसे थे म्रिङम्हेमेदा “च्यागो, कोलागदेदा पिन्तोःबा गेङ नगीदा†यहूदीगदेसे अर्गु य्हुलला म्हिगदेदा हेला लसी ह्रि नगी भिसी पाङ्मुबा। तर येशूसे चा यहूदीगदेदा कोलागदेदेन छ्याम ओच्छे अर्गु य्हुलला म्हिगदेदा चा दिमला नगीदेन दाँजब लसी घोना लसी सुङ्बा मुबा। पिन्बा ठीक आहिन” भिसी सुङ्मा, 27 थे म्रिङम्हेमेसे “हिन्ना प्रभु, तर नगीसेनोन थेला दोप्तासे चमा सरी ताइबा भ्राइभ्रुइ मी चम्याङ्मुला” भिसी भिजी।
28 जमाहेन्से येशूसे थे म्रिङम्हेमेदा “माइ, एला विश्वास घ्रेन चीम। एला विश्वाससे लमा एसे म्हन्बा ह्रङ्नोन तबा मुला” भिसी सुङ्जी। थेनोन धुइरी थेला झामे खम्जी।
येशूसे ल्हानान थरीला रोगसे स्याप्बा म्हिदा खम्ना लबा
29 जमाहेन्से येशू थे ग्ला ख्लासी गालील समुन्द्रला कुनीग्याम गङरी फेप्सी धन्छ्याजी। 30 ओच्छे म्हिला हुल येशू मुबा ग्लारी खजी। थेनीगदेसे कुज्या तबा, मी आम्राङ्बादेन ताइ दोबा ओच्छे ल्हानान थरीला रोगसे स्याप्बा म्हिगदेदा भजी। जमाहेन्से येशूसे थे आखम्बा म्हिगदेदा खम्ना लजी। 31 येशूसे ताइ दोबा म्हि, कुज्या म्हि, मी आम्राङ्बा म्हिदेन जम्मान आखम्बा म्हिगदेदा खम्ना लबा म्राङ्सी थेरी मुबा जम्मान म्हिगदे उदेक म्हन्सी इस्राएलला म्हिगदेसे तेन्बा परमेश्वरला जयजयकार लजी।
येशूसे हजार ब्लि म्हिदा चबा स्हे पिन्बा
मर्कूस ८:१-१०
32 जमाहेन्से येशूसे चेलागदेदा ह्राङ मुबा ग्लारी ङ्योइसी, “चु म्हिगदे म्राङ्सी ङादा दया रेःजी। तिग्दा भिसम चुगदे ङादेन छ्याम भ्रबा तिनी सोमरे तजी। ओच्छे चुगदेदेन छ्याम तिगै चबा स्हे आरे। थेतबासेलमा चुगदेदा फोइथाननोन पुइबारी आत। फोइथाननोन दिमरी पुइजी भिसम चुगदे ग्यामरीन बिहोस तला” भिसी सुङ्जी।
33 जमाहेन्से चेलागदेसे येशूदा “चुह्रङ्बा तिगै आयाङ्बा ग्लारी चुदेला म्हिला हुलदा ख्वाबारी ङन्से खानङग्याम गेङ भसे?” भिसी भिजी।
34 येशूसे थेनीगदेदा “एनीगदेदेन छ्याम गेङ गाते मुला?” भिसी ङ्योइमा, थेनीगदेसे “ङन्देन छ्याम गोर निस गेङदेन जजाबा तार्ङागदे जजाकी मुला” भिसी भिजी।
35 जमाहेन्से येशूसे थेरी मुबा म्हिला हुलदा पाङरी चिपुङ्जी। 36 येशूसे गोर निस गेङदेन तार्ङा थोसी परमेश्वरदा धन्यवाद पिन्जी। ओच्छे गेङ क्युइसी चेलागदेदा पिन्जी। जमाहेन्से चेलागदेसे म्हिगदेदा भो लसी पिन्जी। 37 ओच्छे जम्मान म्हिगदेसे म्रेन्ना चजी। जमाहेन्से चेलागदेसे लेङ्बा गेङदेन तार्ङा दुइमा सोली निस तजी। 38 थेरी चबागदे न्हङरी कोलागदेदेन म्रिङम्हेमे बाहेकनोन ह्रेम्फेबेगदे जे हजार ब्लि मुबा। 39 जमाहेन्से येशूसे जम्मान म्हिगदेदा पुइजी। ओच्छे येशू ह्राङला चेलागदेदेन छ्याम दोँगारी क्रेःसी मगादान भिबा नाम्सारीक्यार फेप्जी।
*15:4 प्रस्था २०:१२; २१:१७; व्यव ५:१६; लेवी २०:९
*15:9 यशै २९:१३
†15:11 यहूदीगदेला ठिम अन्छार खालैसे स्य्हान्दोदेन छ्याम ढिक्सी परमेश्वरदा तेन्बारी थे चोखो ततोःबा मुबा। थे परमेश्वरसे कुल्बा खजिबै ताम अन्छार आभ्रनी भिसम थेदा अशुद्ध भिसी पाङ्मुबा ओच्छे थे दोःसी शुद्ध दोबारी थेसे बलि फुल्तोःबा मुबा।
†15:13 थे फरिसीगदे चा परमेश्वरसे आसूबा दोङगदे ह्रङ्बान हिन्ना। ओच्छे परमेश्वरसे थेनीगदे जम्मादान दोङ स्योइबा ह्रङ् लसी लेःला, तिग्दा भिसम थेनीगदेसे परमेश्वरसे म्हन्बा ह्रङ् लसी आलोप्नी।
†15:14 चुदे खालै म्हि सत्य ताम आसेबा म्हिसे लोप्बा अन्छार भ्रजी भिसम तिरेकुनु थे नाश तसी निला।
*15:14 लूका ६:३९
†15:26 यहूदीगदेसे अर्गु य्हुलला म्हिगदेदा हेला लसी ह्रि नगी भिसी पाङ्मुबा। तर येशूसे चा यहूदीगदेदा कोलागदेदेन छ्याम ओच्छे अर्गु य्हुलला म्हिगदेदा चा दिमला नगीदेन दाँजब लसी घोना लसी सुङ्बा मुबा।