1 Abrahamu waupile unge mwanakazi liina lyakue Ketura. 2 Baana baavyaliilue Abrahamu na Ketura meena abo ni aza: Simurani, ni Yokisani, ni Medani, ni Midiani, ni Isibaki pamo ni Sua. 3 Yokisani waavyele Seba ni Dedani. Dedani waavyele Asuri ni Letusi pamo ni Lumi. 4 Midani waavyele Efa, ni Eferi, ni Hanoki, ni Abida pamo ni Elda. Babo bonse i ba mu luvyalo lwakua Ketura.

5 Abrahamu waamupeele Izaaki bintu byonse bi-aali nabio. 6 Abrahamu lu-aali wakikosele, waabuulile byabupe ni kupeela baana bakue ba-aavyele mu bakazi banike. Babo baana waabaanine baye bekale ku kyalo kya ku kabanga, kule ni kwaali kwaikeele Izaaki.

7 Myaka yaikeele Abrahamu yaali 175. 8 Abrahamu waafwile wa wamiinue mu bukote bwakue ni kuya kwikala pamo ni babikolue bakue baamutangiliile. 9 Baana bakue, Izaaki ni Isimaeli, baamuziikile mu lisele lya ku Makipela, mu bukaba bwaali bwakua Efuroni mwina Zohari Muhiti, bukaba bwaali lya ku kabanga ka Mamure, 10 ✡25.10: Kut 23.3-16Bobo bukaba bwaasitilue na Abrahamu ku baana bena Heti. Mu bobo bukaba i mwaaziikilue Abrahamu ni mukazi wakue Sara. 11 Pa kyamba kya kufua kwakua Abrahamu, Leza waamupaalile Izaaki. Izaaki waakuukiile pa kifuka kyaali kyakuutua Beri-Lahai-Roi. Beri-Lahai-Roi i kulanda nangue kiina kya menda kyakua Mukose aliwan'mona.

12 Nvyalo yakua Isimaeli mwina Abrahamu, mwana mwalalume u aavyaliilue na Hagari wa ku Misri, muzia wakua Sara, 13 meena abo ni aza mwaali mwabeleele nvyalo: Libeli wakue waali wakuutua Nebayoti. Balabakue ni bo meena abo ni aza: Kedari, ni Adibeli, ni Mibusani, 14 ni Misime, ni Duma, ni Masa, 15 ni Hadadi, ni Tema, ni Yeturi, ni Nafisi, pamo ni Kedema. 16 Babo i baali babikolue ba ntundu lyanondo ni ibili, ni mizi yabo yaali yakuutua azo enka meena, ni ku tutanda ni ko azo enka meena abo. 17 Myaka yaikeele Isimaeli pa kyalo yaali 137. Waafwile ni kuya kwikala pamo ni babikolue bakue baamutangiliile. 18 Baikeele kufuma ku Awila mpaka ku Suri ili ku ntanzi ya Misri kine ulimukuya mu nzila ya ku Asuria. Isimaeli waafwile ntanzi ya kufua ba kwakue bonse.

19 Nvyalo yakua Izaaki mwina Abrahamu ni ezi: 20 Izaaki waali na myaka 40 lu-aupile Rebeka mwina Betueli Muamea wa ku Padani-Aramu. Ndumeze kwa Rebeka waali wakuutua Labani. 21 Izaaki waamupepeele mukazi wakue Rebeka kuli Yawe pantu waali nghumba. Yawe waamwasukile, ni Rebeka waimitile. 22 Baana baabambile kulua munda. Rebeka waalandile evi, “Ale kyakitikilaki evi? Kine ni evi, ni kufua kwa wama.” Kupwako, waya kumwipuzia Yawe.

23 ✡25.23: Bar 9.12Yawe waamwanine evi,

24 Musita wa kuvyala kwakua Rebeka luwaakumeene, munda mwaali mwali bampundu. 25 Mwana wa mambo waavyelue wali wa kasi mubili onse ni bupipi nga ngubo ya masako a nama. Ni pakako, waanikilue Esau.*25.25 Esau Leli liina lifumine ku liina lya Seiri, kyalo kyaizile kwikaluamo na nvyalo yakua Esau. Seiri mu Kiebrania i kulanda nangue “bunkupili bwa kasi.” 26 Pa kyamba, wa kwakue waavyelue wakwete ku kasinghino kakua Esau, ni pakako, wainikilue Yakobo. Rebeka lu-aavyele babo bampundu, Izaaki waali wasyali na myaka 60.

27 Babo baana lubaakulile. Esau wa-alukile mbwela wa nama, muntu waali wapisia nsita ingi mu kisonso, inzi Yakobo waali wateekameene wazikia sie mu liema. 28 Izaaki waali wamutonene Esau pantu waali wamuleetela nama i-aali waipaya, inzi Rebeka waali wamutonene Yakobo.

29 Busiku bumo Yakobo waelekele nseepa. Esau lu-aabwelele kufuma mu kukumba nama, waali wasyaumiine kupenzuka na nzala. 30 Esau waamwanine Yakobo, “Ewe, napaapaata n'mpeeleko kilunzi kya nseepa kikasikile, lenga nafua nzala.” (Ni pakako, i ki-aakuutiilue Edomu†25.30 Edomu: Leli liina mu Kiebrania i kulanda nangue kukasika.)

31 Yakobo waamwasukile evi, “Nsisienke nsambu ya bubeli bobe.”

32 Esau waalandile evi, “Kili sie bwino! Mona pasyanfue. Ale nsambu ya bubeli bwane ilikuya yali na kibweziaki?”

33 ✡25.33: Bae 12.16Yakobo waamwanine evi, “Kansi lapanke.”

Esau waalapile ni kumusisia Yakobo nsambu ya bubeli bwakue. 34 Kupwako, Yakobo wamupeela Esau mukate pamo ni kilunzi kya nseepa. Esau lu-aaliile ni kumina, waafuminepo. Evi Esau i vi-aafuupwile nsambu ya bubeli bwakue.