1 ✡35.1: Kut 28.11-17Leza waamwanine Yakobo nangue, “Ale bwela uye wikale ku Beteli kunaakumonekeele lolia luwaamubutukile mukuluubo Esau. Koko i kwa kuti ukabe kuya kukuula nghanda yobe pamo ni kunkuulila kitale.”

2 Yakobo wa-anine lupua lwakue pamo ni bantu ba-aali nakue nangue, “Ale fumie baleza baeni pakati kenu, musambe ni kuvwala ngubo inge. 3 Mane tuye twaya ku Beteli, koko kunakaba kuya kumukuulila Leza kitale. Wene i Leza wanghunvwile mu maavia ane, ni waali pamo nane konse kunaali naya.” 4 Baamupeele Yakobo baleza baeni bonse babaali nabo pamo ni ntimbi yabo. Yakobo waabuulile bebio byonse ni kubifiika mwinsina kimuti kya ku Sekemu.

5 Yakobo ni bantu bakue lubaali basyaya, bantu ba mu mizi yaali yabazyungulukiile baunvwile mwezo ukata. Kabili tekuli muntu waeziizie kukonka baana bena Yakobo. 6 Evi, Yakobo waafikile ku Luzi (i Beteli) mu kyalo kya Kanaani, wene pamo ni bantu bonse baali bali pamo nakue. 7 Pa ezio nkendo waakuulilepo kitale kyaali kyakuutua, “Eli-Beteli.” Papo Leza i pa-aamumwenekeele lu-aali wabutukile mukuluube Esau. 8 Ni Debora kalela wakua Rebeka waafwile ni kuziikua lya ku nkungulua ya Beteli, mwinsina kimuti kya Muterebinti. Kekio kimuti kyaakuutilue, “Aloni-Bakuti.”

9 Kabili Leza waamumonekeele Yakobo lu-aafumine ku Padani-Aramu ni kumupaala. 10 ✡35.10 Kut 32.28Leza waamwanine evi, “Liina lyobe uli Yakobo. Teukiya wakuutua Yakobo, inzi waya wasyakuutua Izraeli.” Kupwako wamwinika Izraeli. 11 ✡35.11 Kut 17.4-8Leza waamwanine evi, “Nene ndi Leza wa Maka onse. Sanduluka ni kuvula. Ntundu ni libumba lya ntundu ingi yaakafuma muli wewe, ni makolo aakafuma mu kitungu kyobe. 12 Kyalo kinaamupeele Abrahamu ni Izaaki, naakakupeela wewe pamo ni nvyalo yobe.” 13 Kupwako, Leza wafumapo ni kumusia Yakobo penka papo pa-aalandile nakue. 14 ✡35.14 Kut 28.18-19Ni Yakobo waimikile lipumpu lya libue pa kifuka ki-aalanziiziwepo na Leza, ni kwitililapo ngelelo ya bya kumina, ni mafuta. 15 Yakobo pa kelia kifuka ki-aalanziiziwepo na Leza, waapeenikile, Beteli.

16 Baafumine ku Beteli. Lubaali basyafika ku Efura, misa ya luvyalo yaamukwete Rakeli. Waakisilue sana na misa ya luvyalo. 17 Ozo musita misa ya luvyalo luyaakilile, kinghombe waamwanine evi, “Tekutiina! Ulikuvyala ni unge mwana.” 18 Rakeli lu-aali wasyafua, (pantu waafwile), waasiile wainika mwana nangue ni Benoni.*35.18 Benoni Leli liina mu Kiebrania i kulanda nangue Mwana wa mubulanda bwane. Inzi se waasyele kumwinika Benyamina.†35.18 Benyamina Leli liina mu Kiebrania i kulanda nangue Mwana wa ku kulio kwane.

19 Rakeli lu-aafwile waaziikilue mu nzila ya kuya ku Efura. Linge liina lya ozo muzi ni Betlehemu. 20 Yakobo waimikile lipumpu lya libue lya kulangulukilako pa kilibu. Leli lipumpu lya libue ni lenu kumo lililyakuutua nangue kilibu kyakua Rakeli. 21 Izraeli waile kwimika liema lyakue ku bunge bwala bwa lupungu lwa Ederi.

22 ✡35.22 Kut 49.4Izraeli lu-aali wakiikeele mu kekio kyalo, Rubeni waaleele ni Biliha mukazi mwanike muka Izraeli. Izraeli waunvwile ezio mpunda.

Baana bena Yakobo baali lyanondo ni babili. 23 Baana bena Lea meena abo ni aza: Rubeni (libeli wakua Yakobo), ni Simeoni, ni Lawi, ni Yuda, ni Isakari pamo ni Zabuloni. 24 Baana bena Rakeli meena abo ni aza: Yusufu ni Benyamina. 25 Baana bena Biliha mubombi wakua Rakeli meena abo ni aza: Dani ni Nafutali. 26 Baana bena Silipa mubombi wakua Lea meena abo ni aza: Gadi ni Aseri. Babo i baana bena Yakobo baavyaliilue ku Padani-Aramu.

27 ✡35.27 Kut 13.18Yakobo waile kuli se Izaaki ku Mamure pepi ni Kiriati-Arba, i Hebroni, koko kwaali kwaikeele Abrahamu ni Izaaki. 28 Izaaki waikeele pa kyalo myaka 180. 29 Izaaki waafwile ni kuya kwikala pamo ni bantu bakue wasyali mukote wa myaka ingi. Waaziikilue na baana bakue babili, Esau ni Yakobo.