12
Sasang Bulung Tung Kulung Pagdakul (12:1-10)
1 Katulad tung nag̱ianingu nungayna, talagang nag̱aregsananaw ra ka man ang magpaambug. Purisu, maskin nag̱askeanung muya puiding anday pakaw̱utun nang ikaayen mi, ilakteru ra ka enged kanay yang isturia tung mga bag̱ay ang ipinagpabunayag ni Ginuu ta tung yeen ang duun da ipapanaway na tung ipinadakat na tung panelengu. 2 May nag̱ailalaung sasang tumatalig tung ni Jesu-Cristo*12:2a Anday dumang taung nadapatan yang inaning ni Pablong atia, kung belag̱an tanya ra ka mismu. Asan da nga basaay ta tung 12:7 ang para mabilug̱an ta. Maning ka tia yang pametang-betang ni Pablo ta bitala ay anda enged ay gustu nang magpasapet yang sadili na ang para magpaambug din natetenged tung makabew̱ereng ang atiing nainabu tung anya. Purisu duun da ilem itugyanay na tung dumang tau ang kuari ang yay nainabuan. ang may nainabu tung anya atiing tukaw ang simanyan may sam puluk da may epat ang takun ang nagtaraklib. Yang taung naa gulping ingkelan duun tung yaklung esleb yang kalangitan†12:2b Bilang duun tung kaabwat-abwatan enged yang kalangitan ang ya ka man ay pag̱atiniran yang Dios.. Indi ilem nag̱askeanu kung yang tinanguni na mismu ingkelan duun u kung nabutwan. Anday dumang nag̱akdek tia, ultimu ra ilem yang Dios. 3-4 Basta yang nag̱askeanu ilem tung taung naa, gulping ingkelan duun tung kaismayaan. Ulitenu pa ta minsa. Indi ilem nag̱akdekanu kung yang tinanguni na mismu ingkelan duun u kung nabutwan. Anday dumang nag̱akdek tia ultimu ra ilem yang Dios. Atiing duun da tanya, may nagngel nang inding pisan mapabag̱ayan na tung bitala tang mga tau ig indi nganing sarang ang bengaten ang maskin tinu pa. 5 Purisu yang taung atia ya ray bag̱ay ang ipagpabantug̱u, piru kung natetenged tung sadiliu indiaw ra magpabantug, puira pa tung mga bag̱ay ang pagpailala tung pagkamaluw̱ayu. 6 Ay kipurki kung gustuu rin ang magpaambug natetenged tung mga bag̱ay ang atii, indiaw ka magluang maning pa tung sasang kabus-kabus ang pagbitala, ay natetenged pulus matuud yang magbitalaenu. Piru indiaw ra ilem ka enged magpaambug ay nusias yuu ray tingaraen ta mga tau ang mas abwat kay tung nagkaraita nirang nagkarabuatu ig tung nagkaragngel nirang ibinitalaw.
7 Dispuis, ang para indi ilem dumakul yang kuluu natetenged tung ipinagpabunayag ang atii tung yeen ang duru ka man ang pisan agkabew̱ereng, may sasang ipinakdul tung yeen ang maning pa tung tenek‡12:7 Kung natetenged tung tenek ang atiang sinambit ni Pablo, matinlung ikumpalar ta tung sinambit tung Mga Bilang 33:55; Josue 23:13; Mga Hukom 2:3; Job 1:6-12; 2:1-10; Ezequiel 28:24. Kipurki duun nga basaay ta natetenged tung maning pa tung mga tenek ang ipinamakdul yang Dios tung mga tauan nang atiing tukaw pa. Sasang ipinananglit tung mga disiplinang ipinagpadapat na tung nira ug̱ud basi pa ra ilem ikaayen nira tung uri. Tung uras ang atii, yang ginamit nang magdisiplina tung nira, ya ra yang mga tag̱a duma-rumang nasyun ang namagpakigkuntra tung nira. ang ya rag teteneng tung tinanguniu. Bilang pinaangayanaw ra ni Satanas tung sasang angil na ang para papinitinsiaanaw ra anyang tigbaken ug̱ud indi dumakul yang kuluu. 8 Maklung bisis ipangaraw̱aw tung ni Ginuu tang kuaten na ra tung yeen. 9 Ang pagkatapus yang tuw̱al na tung yeen, “Maskin indi ra kuatenu tia, ultimu ra ilem yang taw̱angu ay kaministiran mu ang para kayanan mung agwantaen. Ay kipurki kung aria pag luw̱ayay, asan da ka nga sintiay mu yang kagaemanung mas pang kemtel ang magtaw̱ang tung nuyu,” mag̱aning. Purisu ya ray natengeran na ang durug sadya tung isipung magpaambug natetenged tung kumpurming panluw̱ayanu ug̱ud asanaw ra nga landungay ang pirmi yang kagaeman ni Jesu-Cristo. 10 Purisu agrisibienu tung matinlung kinaisipan kung yuug pasaray ta panluw̱ayanu u kung yuug insultuay, u kung yuug papinitinsiaay u kung yuug deeg-deeg̱ay u kung yuug paliwag̱ay ang yang tanan ka man ang mga maning tia nag̱ainabu tung yeen arangan da ilem tung pangerenganu tung ni Jesu-Cristo. Ay kipurki, kung ariaw pag luw̱ayay, asanaw ra ka nga paeyangay na ta ikayaw tung maskin unu pay nag̱apasaranu.
Nag̱aulit Ni Pablo Yang Dumang Mga Bag̱ay Ang Pagpailala Tung Pagkaapustul Na Ang Ya Ra Rin Ay Dapat Ang Dinemdem Nirang Namagkereng Tung Anya (12:11-18)
11 Anday dumang ipinagpakabus-kabusung nag̱intra paambug ang maning tia, kung indi, midyu tung nag̱aregsananaw ra ilem numyu. Ay dapat da rin ang kindenganaw numyung dinayaw tung mga taung atiang pamagpasuad-suad ang tanira pag̱apanuw̱ul ka ni Jesu-Cristo. Kipurki maskin anda ka man ay kakuinta-kuintaw ang katulad ka tung nag̱aaning nira, piru ekel tung ni Ginuu tang pagpaktel tung yeen, indiaung pisan nag̱ataktak tung dating mga apustul ang atiang pag̱aningen nirang indi makdingan§12:11 Yang mga aran yang dating mga apustul yay nag̱agagamit yang mga taung atiang nag̱ipaaman ni Pablo tung nira ang ya unu ay namanuw̱ul tung nirang mamagturuldukun duun tung Corinto buat. Balikan ta yang sinambit ni Pablo tung 11:5 pati yang pasanag.. 12 Atiing asanaw pa tung numyu, tung pag̱erekelenu tung katengdananu may nagkaraita ming mga talandaan ang yay pagpailala tung sasang matuud ang apustul. Katulad ka tung pasaisung nagparakaw̱utun ang maskin durung napasaranung kaliwag̱an asan, inagwantaanung nagprusigir ka enged. Lug̱ud da ka asan may mga pruiba kang makektel ang ipinabuat yang Dios tung yeen ang ya ray naberengan mi ta mupia. 13 Talagang tama yang pag̱erekelenu tung pagkaapustulu asan tung numyu. Ay kipurki kung ikumpalaramu pa yeen tung duma-rumang mga tumatalig ang kada sam pundaan, pariu-pariuamu ka ilem ang indiamu ka linipi-lipiu, puira pa siguru atiing indiaw ra ka man nagpaukupar tung numyu ang katulad ka tung pag̱abuat yang duma. Tay puis kung yay sasang kasalananu tung numyu, patawarayaw ka numyu!
14 Paamananamu ra kanay yeen ay numaan simpanaw rang mangay asan tung numyu ang ya ray pangyaklung angayu asan*12:14 Yang primirung pag̱angay na duun tung nira ya ra atiing primirung pagparakaw̱utun na tung nira yang Matinlung Balita ang sinambit ni Lucas tung Mga Binuat-buatan 18:1-18. Yang yadwang angay na duun ya ra yang sinambit na tung sulat ang naa tung 2:1 ang durug pungaw yang pinakaw̱ut na.. Kung kumaw̱utaw ra nganing asan, indiaw pa ka enged magpalbat tung numyung magpaukupar ay natetenged belag̱an yang kuarta mi yay nag̱asikaru, kung indi, yang kinaisipan mi mismu kung ya pa ag̱aring mataw̱anganamu ra yeen tung pagtaralig̱en mi ay natetenged yamu ra kang lag̱i ay nabtang ang maning pa tung mga anaw. Kapurisu katulad tung mamag̱arana ang yang kadagmitan ang mainabu, belag̱an yang mga mamula ang yay dapat ang magsimpan ta ikaayen yang mga ginikanan nira, kung indi, yang mga ginikanan. 15 Ta yeen ang nabtang ang maning pa tung ama mi, durug sadya tung isipung maggamit yang tanan ang puirsaw, maskin kampusunaw pa, basta mataw̱angaw ilem tung numyu ang para mas pang kemeet yang pagtaralig̱en mi tung ni Ginuu ta. Piru midyu kung ay pa tiing ya ra ag̱alutuk ag̱alutuk yang gegmaw tung numyu ang ayw̱at asan dag panlabnay ang panlabnay yang gegma mi tung yeen?
16 Buinu, siguru pauyunamu ka ang indiaw ka man nagpalbat tung numyung nagpaukupar, piru muya may mag̱aning ang kumus yuu unu duruaug kaansianu, naeklanamu ra ilem unu yeen ta kulu. 17 Elat kanay, kung natetenged tung mga arumanung atiing pinanuw̱ulung mansiangay asan tung numyu, basu may sam bilug tung nira ang pinapanlepesu tung numyu? 18 Ay ti Tito ka man pinaktelu yang isip nang mangay asan, pati yang sasang putul ta ipinanunutu pa ka man tung anya. Ayw̱a, ti Tito w̱asu, yay nanlepes tung numyu? Belag bang yami ni Tito pagsinasaayami ta pag̱asikad yamen? Belag bang pariuami ka ta mga pasais?
May Duruang Klasing Pangamanan Ni Pablo Kung Kumaw̱ut Da NGaning Duun Tung Nira (12:19-21)
19 Muya tung pagbasa mi tung nag̱ianingung atia, malaumanaw ra ilem numyu ang anday dumang pag̱abuatu, kung indi, pagdipinsaw ra ka ilem tung sadiliu. Piru belag̱an matuud tia ay kipurki maskin unu pay nag̱ianingu tung numyu, nag̱ianingu mismu tung katalungaan yang Dios ig nag̱apaeyanganaw ra ka ni Jesu-Cristo yang dapat ang ianingu tung numyu. Dispuis mga putulung nag̱amaalu, yang pag̱asikaru enged tung tanan ang atiang nag̱ianingu tung numyu ang basi pa ra ilem ang mataw̱anganamu ra yeen tung pagtaralig̱en mi tung ni Ginuung Jesus ug̱ud asan da mas pang kemeet. 20 Ag̱aningenamu ra yeen ta maning tia ay yang nag̱aeldanu, muya kaw̱utanamu ra yeen ang pagbuatamu ra ta indi malelyag̱anu ig maitaw ka numyung magbuat ta sasang indi mi ra ka malelyag̱an. Ay muya kaw̱utanamu yeen ang yang duma pagsuruayan da ta ereketan ubin pag̱iriw̱eg̱-iw̱eg̱an da ubin panungkukan da ta kasilag ubin may pagpanadili ra ubin pagraranggaan da ta dengeg may dengeg ubin pagdaraldalan da ubin pansidarakul da yang mga kulu nirang pagparalandawan ubin kung unu pa man ang mga kaguluanay ang kaw̱utanu. 21 Yang nag̱aeldanu enged tung pagkaw̱utu asan ang muya yang Dios ang pagpaturuw̱ulunanu, ilug̱utaw si anya tung kaeyakan asan tung katalungaan mi ang asta mag̱intraw ra ilem tangit natetenged tung dakele pa asan tung numyung nagpakasalak tan taa pa ang pagkatapus maskin pinakdulanu pa ta lugar nirang manligna, indi pa ka enged nag̱apanligna tung nagkarabuat nirang malalaway ang katulad ka tung pangumbaw̱ay ubin pangunlalii ang ya ra kay pinakleran nirang anday eyak-eyak nira.
*12:2 12:2a Anday dumang taung nadapatan yang inaning ni Pablong atia, kung belag̱an tanya ra ka mismu. Asan da nga basaay ta tung 12:7 ang para mabilug̱an ta. Maning ka tia yang pametang-betang ni Pablo ta bitala ay anda enged ay gustu nang magpasapet yang sadili na ang para magpaambug din natetenged tung makabew̱ereng ang atiing nainabu tung anya. Purisu duun da ilem itugyanay na tung dumang tau ang kuari ang yay nainabuan.
†12:2 12:2b Bilang duun tung kaabwat-abwatan enged yang kalangitan ang ya ka man ay pag̱atiniran yang Dios.
‡12:7 12:7 Kung natetenged tung tenek ang atiang sinambit ni Pablo, matinlung ikumpalar ta tung sinambit tung Mga Bilang 33:55; Josue 23:13; Mga Hukom 2:3; Job 1:6-12; 2:1-10; Ezequiel 28:24. Kipurki duun nga basaay ta natetenged tung maning pa tung mga tenek ang ipinamakdul yang Dios tung mga tauan nang atiing tukaw pa. Sasang ipinananglit tung mga disiplinang ipinagpadapat na tung nira ug̱ud basi pa ra ilem ikaayen nira tung uri. Tung uras ang atii, yang ginamit nang magdisiplina tung nira, ya ra yang mga tag̱a duma-rumang nasyun ang namagpakigkuntra tung nira.
§12:11 12:11 Yang mga aran yang dating mga apustul yay nag̱agagamit yang mga taung atiang nag̱ipaaman ni Pablo tung nira ang ya unu ay namanuw̱ul tung nirang mamagturuldukun duun tung Corinto buat. Balikan ta yang sinambit ni Pablo tung 11:5 pati yang pasanag.
*12:14 12:14 Yang primirung pag̱angay na duun tung nira ya ra atiing primirung pagparakaw̱utun na tung nira yang Matinlung Balita ang sinambit ni Lucas tung Mga Binuat-buatan 18:1-18. Yang yadwang angay na duun ya ra yang sinambit na tung sulat ang naa tung 2:1 ang durug pungaw yang pinakaw̱ut na.