1 O Yahweh Pakai, phat itihchan geihi neisuhmil ding hitam? Itih chan keija kon'a nakiselmang ding nahim?

2 Itihchan gei hiche hahsatna hi kathoh ding ham? Itih chan asun ajan'a lungkhamna dimset'a kaum ding ham? Itih chan kagalmiten hanla eisap khum diu hitam?

3 O Yahweh Pakai, Elohim ka Pathen hung kiheiyin, neihin donbut tan! Katha kile dohsah'in, neithisah hih'in.

4 “Ama hi kajou tai!” tin kamelma te hi ka lhuh nin kipasah hih beh in.

5 Amavang namingailutna longlouvachu kingai jing kahi. Neihuhdoh jeh a keima kipa jing ding kahi.

6 Keiman Yahweh Pakai vahchoi lan sang e ajeh chu Ama keidin thilpha tah eibol peh ati.