1 Mingol honbou alungsung uva kon'in “Pathen aumpoi” ati'uve. Amaho chu mi kitahlou ahi'uvin, thil phalou jeng bol ahi'uvin khatchan jong thilpha abol pouvin ahi.

2 Pathen'in van'a kon'in mihemte jouse hi ahinven, Aman mikhattou aching tahbeh um am, khat touvin Pathen ahol am tin ahinven ahi.

3 Ahinlah khatcha amupon, abonchauvin akihei mangsoh hel ta'uvin, aboncha'uvin akitahlou ngen ahi'uvin, koimacha thilpha bol aumpouvin khatcha jong aumpoi.

4 Hitobang'a thil phalou bol ho hin ahetdohlouhel di'u ham? Amaho hin kamite hi changlhah bang'a anehchai di'u ahitan Pathen kom'a tao ding jong agelpha pouve.

5 Amaho hi, tu masang'a anahetphah louhel u tijatnan ahin lokhum ding ahi'uve. Pathen'in na gal mite'u gu le chang ahin thejal ding, nang'in amaho hi na ahin suhjum ding ahi, ajeh chu Pathen'in amaho hi apaidoh ahi'uve.

6 Zion mol'a kon'a Israel te huhdoh dia koi hung ding ham? Pathen'in amite akiledohsah tengleh, Jacob in kipah a kho asap ding Israel te kipah ding ahi'uve.