87
Pathen Khopi Loupi.
Korah chilhah te labol.
1 Moltheng chungah chun
Pakai tundohsa khopi chu ading'e.
2 Aman Jerusalem khopi hi
Israel khopi dang ho sangin angailu joi.
3 O Pathen khopi,
nangma chung changa hi itobang thuloupi tah-tah kisei a hitam!
Selah
4 Keima eihe ho lah a hin Egypt le Babylon—
chule Philistine leh Tyre, chuleh gamla tah a Ethiopia jong ka simtha e.
Amaho hi Jerusalem khomite ahi tauve!
5 Jerusalem chung changa hitia hi kisei ding ahi,
“Mi jousen nammi hina a thaneina chu akipapi cheh uve.”
Chule Chungnung Pen ama tah in khopi chu phatthei aboh ding ahi.
6 Pakaijin chitin namtin hi ajihlut teng, asei ding,
“Amaho jouse hi Jerusalem khomite ahi tauve,” ati ding ahi.
Selah
7 Mipi ho chun theile amut uva la asah diu,
“Ka hinkho hung kipatna hi Jerusalem ahi!” ati diu ahi.
DRAFT COPY