ZEPHANIAH
THEMGAO LEKHABU
Zephaniah Themgao Lekhabu Sung Thu Umdan
Hiche phatlai chun, Judah gamsung umdan chu koima Pathen ging’a, Thudih leh Thutah’a Pathen hou ana umlou ahi. Gamsung pumpia mipiten jong, thudih leh alhem ahekhen thei pouvin, Thudih in mun anei jou pon, Thempu ho jeng in jong Pathen thutah hol louvin, in’ah milim doi houna maicham aphalpeh un, Pathen muntheng jouse asuboh gam’un ahi.
Hitobang lah’a chun, Josiah lengpan ajochan in, Pathen dihtah chu, thudihtah’a houna ding angaiton, alenggam sung pumpi semphatna aneiyin, Pathen lunglam ahol’e. Ahivangin miho lungsung chu setnan alo dim in, akikhel dehpon, Pathen dei hol’a aum pouvin ahi.
Hijeh chun Pathen in, Zephaniah henga thu ahinseija, Judah mite chunga alunghanna thutanna ahunglhun ding thudol ahilchen sah ahi.
Lekhabu Jihpa Chule Akijih Kum
Hiche lekhabu hi, Cushi chapa Zephaniah jih ahi. Ama phatlai chun, Judah gamsung’a Josiah in lengvai anapon, hichu 640-609 BC sung ahi. Zephaniah min hi, “Pathen in avenbit ahilouleh Pathen in asel,” tina ahi. Amatoh khang kibang anaum themgao ho chu, Jeremiah leh Nahum ahilhon’e. Ajihna phat hi, 630-627 BC sung ahi.
1
Pakai Thutanna Le Lungsatna
1 Amon chapa Josiah in Judah gam’a lengvai apohlaijin, Pakaiyin hiche thuhi Zephaniah kitipa heng’a ahin sei tai. Zephaniah chu Cushi chapa, Cushi chu Gedaliah chapa, Gedaliah chu Amariah chapa, Amariah chu Hezekiah chapa ahi. ✡2 Lengte 22:1—23:30; 2 Thusimbu 34:1—35:27 2 “Keiman leiset chung’a thil ijakai katheh ngimhel ding ahi”, tin Pakaiyin aseiye. 3 “Keiman mihem leh gancha katheh ngim ding, chung’a leng vacha ho katheh ngim ding, Twikhanglen’a nga ho jong katheh ngim ding ahi. Migilou jouse abong abaija kalha-a, kaset tup ding, leiset chung’a mihimte kasuhgam ding ahi”, tin Pakaiyin aseiye. 4 “Keiman kakhut tah’a Judah gam le Jerusalem kasugep ding, chuleh Ba’al doi hou ho jouse, anunung pen geija ka suhgam ding ahi. Keiman milim doi houna thempu ho jouse jong, koiman ageldohkit tahlou ding’a, ka suhmang ding ahi.” 5 Ajeh chu amahon, inting vum’a nisa, lhathah chuleh ahsi ho ahouvun, abohkhup jiuvin ahi. Amaho Pakai nung juiyin akiseijun, ahinlah amaho chu Molech Pathen hou joh ahiuve. 6 Pakai nung ajui nauva kon’a nungjam kit ho, Pakai jong hol talouva chuleh dong talou ho chu, ka suhmang soh hel ding ahi.” tin Pakaiyin aseiye. 7 Hatchungnung Pakai angsung’a thipkhen in um'in, ajeh chu tijat umtah Pakai thutanna nikho chu anaitai. Pakaiyin amite asutu in, kilhaina gantha ding jong agong’e, chuleh aman amiho jong athensotai. 8 “Hiche thutanna nikho chuleh, keiman Judah pipuho leh leng chapate ho talen kamatsah ding, chuleh milim doihouna a chon ho jouse jong, abon’a talen kapeh ding ahi” tin Pakaiyin aseiye. 9 Henge, milim doihouna kin’a gapang tapou abon’a gotna kapeh ding, chuleh apupa insung dim’a um’a, pumhat leh duha-a thilbol ho jouse, abon’uva talen kamat sah ding ahi.
10 “Hiche nikho niteng chuleh”,
Pakai in aseiyin, “Nga kelkot a pat ka ogin kija ding chule khopi ningli jousea kithong soh ding ahi.”
11 Keithela touho lunghem in kap’un, ajeh chu kivei mi ho le sumkol vei mi ho kisumang ding ahi. 12 “Meisal kadet’a Jerusalem khopi thimlai jouse kakhol chil ding, chonset muthim noiya touva, Pakaiyin thilse hihen thilpha hileh boldeh ponte, tia sei ho gotna kapeh ding ahi. 13 Anei agou jouseu kichomdoh jou keiding;
A in jouseu ahom keuva kijam soh ding ahi.
In thah sa jonguleh, chen thei dehlou diu;
Lengpilei lhou jongleu, lengpitwi adonlou diu ahi.
14 “Tijat umtah Pakai nikho chu ahung naiye.
Genthei lilhon kana nikho,
Pasal thahattah jeng jong kana nikho,
Hunglhung vahding ahi.
15 Hiche nikho, Pakai lungsat kibuhlhah nikho chu – Genthei leh hesoh nasat nikho,
Manthah leh ahomkeova um nikho,
Muthim leh lunkham lungjin nikho,
Muthim lhangkhal le meibol jin nikho,
16 Gal lhangsapna le sumkon kimut nikho,
Khopi pal kinokhum leh gal nasataha kisatna nikho hiding ahi!
17 Pakai dounaa nachonset jeh uva,
Mitcho banga kakimaile sah diu,
Na thisan’u leivui laha kasunlhah ding,
Chuleh natahsau tol'a among dinga kijam ding ahi.
18 Pakai lungsat kibuhlhah nikho tengleh na sanauva jong na dangkauva jong na kihuhhing jou lou diu ahi. Pakai lungsat chun leiset jengjong avallhun jeng ding ahi.
Aman leiset chung mi jouse asuhmanga asuhbeihel ding ahi.
DRAFT COPY