82
Nai Maromak mak Juis boot
Salmu Asaf nian.
1 Maromak tuur iha Nia fatin iha tribunal lalehan nian
hodi foo justisa ba maromak sel-seluk.*Matenek nain barak dehan, “maromak sel-seluk” nee hatudu ba maromak sira nebee mak nasaun jentiu sira adora. Balu tan dehan ida nee hatudu ba ukun nain sira.
2 Nia dehan, “Too bainhira mak imi tesi lia la loos
hodi defende fali ema aat?
3 Imi tenki foo justisa lo-loos ba ema kiik ho oan kiak sira;
defende ema kbiit-laek ho ema mukit sira nia direitu.
4 Salva ema kiik ho kiak sira;
hasai sira husi ema aat sira nia liman laran.
5 Maromak sel-seluk nee la hatene buat ida, sira la kompriende;
sira lao iha nakukun laran;
nunee mundu rai klaran nakdoko tiha.
6 ✡João 10:34Hau dehan, ‘Imi sira nee maromak;
imi hotu Maromak Aas Liu nia oan.’
7 Maski nunee too tempu ida imi sei mate hanesan ema hotu mate;
imi nia vida sei remata hanesan ukun nain sira seluk.”
8 Maromak, hamriik ba hodi foo justisa mai mundu,
tanba nasaun hotu-hotu Ita Boot nian.
*82:1 Matenek nain barak dehan, “maromak sel-seluk” nee hatudu ba maromak sira nebee mak nasaun jentiu sira adora. Balu tan dehan ida nee hatudu ba ukun nain sira.