136
Nai Maromak nia domin ba povu Israel
1 ✡1 Krónikas 16:34; 2 Krónikas 5:13,7:3; Esdras 3:11; Salmu 100:5, 106:1, 107:1, 118:1; Jeremias 33:11Foo agradese ba NAI Maromak, tanba Nia nee diak;
Nia domin dura tinan ba tinan.
2 Foo agradese ba maromak sel-seluk nia Maromak;
Nia domin dura tinan ba tinan.
3 Foo agradese ba nai hotu-hotu nia Nai;
Nia domin dura tinan ba tinan.
4 Nia mesak deit mak halo milagre bo-boot;
Nia domin dura tinan ba tinan.
5 ✡Jénesis 1:1Hodi Nia matenek, Nia halo lalehan;
Nia domin dura tinan ba tinan.
6 ✡Jénesis 1:2Nia hatuur mundu iha bee leten;
Nia domin dura tinan ba tinan.
7 ✡Jénesis 1:16Nia halo loro matan ho fulan hodi foo naroman;
Nia domin dura tinan ba tinan.
8 Nia halo loro matan hodi domina tempu loron;
Nia domin dura tinan ba tinan.
9 Nia halo fulan ho fitun hodi domina tempu kalan;
Nia domin dura tinan ba tinan.
10 ✡Ézodu 12:29Nia oho dasa tiha ema Ejitu nia oan mane boot sira;
Nia domin dura tinan ba tinan.
11 ✡Ézodu 12:51Nia lori povu Israel sai husi ema Ejitu nia klaran;
Nia domin dura tinan ba tinan.
12 Hodi Nia liman forti, hodi Nia liman makaas, Nia lori sira sai;
Nia domin dura tinan ba tinan.
13 ✡Ézodu 14:21-29Nia fera tiha Tasi Mean fahe ba rua;
Nia domin dura tinan ba tinan.
14 Nia lori sai ema Israel liu husi tasi klaran;
Nia domin dura tinan ba tinan.
15 Maibee Nia soe tiha liurai Ejitu ho nia militar sira ba iha Tasi Mean;
Nia domin dura tinan ba tinan.
16 Nia lori Nia povu lao liu husi rai fuik maran;
Nia domin dura tinan ba tinan.
17 Nia oho dasa tiha liurai bo-boot;
Nia domin dura tinan ba tinan.
18 Nia oho tiha liurai nebee forti;
Nia domin dura tinan ba tinan.
19 ✡Númerus 21:21-30Nia oho tiha Sihon, ema Amori nia liurai;
Nia domin dura tinan ba tinan.
20 ✡Númerus 21:31-35Nia mos oho Og, ema Basán nia liurai;
Nia domin dura tinan ba tinan.
21 Nia foo sira nia rai ba Nia povu nudar sira nia riku-soin;
Nia domin dura tinan ba tinan.
22 Nia foo rai nee nudar riku-soin ba Nia atan Israel sira;
Nia domin dura tinan ba tinan.
23 Nia hanoin ita bainhira ema hatuun ita;
Nia domin dura tinan ba tinan.
24 Nia hasai ita husi ita nia inimigu sira nia liman laran;
Nia domin dura tinan ba tinan.
25 Nia foo ai haan ba kriatura ida-idak;
Nia domin dura tinan ba tinan.
26 Foo agradese ba Maromak iha lalehan;
Nia domin dura tinan ba tinan.