21
1 Ty nibangoeñe i fatram-bei’ i riakeiy:
Manahake ty famaoha’ o tio-bey tatimoo,
ie miboak’ an-dratraratra
hirik’ an-tane mampangebahebak’ añe.
2 Naboak’ amako ty aroñaroñe
mampioremeñe:
Ty mpamañahy mamañahy,
ty mpamaoke mamaoke.
Mionjona ry Elame!
Miarikoboña, ry Maday!
Fa hene nampitsiñeko
o fiselekaiñañeo.
3 Aa le mikoritoke avao ty vaniako;
mamihiñe ahy ty fitsongoañe,
manahake ty fitsongon’ ampela mañèñe; mikoretse iraho le tsy mahatsanoñe,
miroreke tsy mahafañente.
4 Mifejofejo ty troko;
mampirevendreveñ’ahiko ty tahotse;
nivalike ho fineveneverañe
i palipalitsieñe nisalalaeko.
5 Nihalankañeñe i fandambañañey,
nalamake i tihiy, nikama naho ninoñe;
Miongaha ry roandriañeo,
hosoro o fikalan-defoñeo.
6 Fa zao ty nafè’ i Talè amako:
Akia, ajadoño ty mpijilo;
adono hitalily ze talake’e.
7 Nahaisake firimboñañe re
reketse mpiningi-tsoavala ki-roe roe, mpijòm-borìke
naho mpitoboke an-drameva;
mitsendreñe amy zao re, mitsatsike.
8 Nikaikaihe’e hoe liona: O talè,
Mitolom-pijagarodoñe am-pitalakesañ’ abo atoy iraho te handro,
le mijohañe am-pijilovako ey te haleñe.
9 Heheke ondaty lia-raikeo,
mpiningi-tsoavala kiroe-roe.
Manoiñe ka re manao ty hoe:
Rotsake, Rotsake t’i Bavele;
fonga nivolentsa an-tane eo
o saren-drahare’eo.
10 O ry linisakoo, ry anako
an-toem-pamofohakoo,
Hampahafohineko anahareo o raha
tsinanoko am’ Iehovà’ i maroio,
i Andrianañahare’ Israeley.
11 Ty nibangoeñe i Domà*Doma: tondrahen-jono:
Mikoike amako ty boak’e Seire†Seire: volovoloe; ose; kokolampa; tio-bey:
O mpigaritseo, manao akore i haleñey?
O mpijiloo, akore ty haleñe toy?
12 Hoe i mpigaritsey:
Hiporea’ ty maraindray,
fa ho avy ka ty haleñe—
ihe hañontane le mañontanea;
mibaliha indraike!
13 Ty entañe ho amy Arabe‡Arabe: hariva; liolio; koake:
Amo rongo-matahe’ i Arabeo
ty hitobea’ areo
ry mpivorontsa’ i Dedaneo§Dedane: ty araña’e; firañetañe; mpizaka.
14 Ry mpimone’ i Temao*Tema: hatea; fahafonirañe; heneke,
anjotsò rano i taliñiereñey;
Salakao ama’ mahakama
o nivoratsakeo.
15 Ie nilaisa’ iareo o fibarao,
i mesolava napotsoañey, naho
i fale nibitsokey, vaho
ty fanindria’ i aliy.
16 Fa zao ty nafè’ i Talè amako:
Añate ty taoñe raike,
ami’ty fañiaham-pikarama,
le ho hene modo ty enge’ i Kedare†Kedare: hainte’e; fandalañe, hontoke.
17 Le tsy ho ampeampe ty sengaha’
o mpitàm-paleo,
o lahilahy manjofake amo ana-Kedareoo;
fa izay ty nitsara’ Iehovà,
Andrianañahare’ Israele.
*21:11 Doma: tondrahen-jono
†21:11 Seire: volovoloe; ose; kokolampa; tio-bey
‡21:13 Arabe: hariva; liolio; koake
§21:13 Dedane: ty araña’e; firañetañe; mpizaka
*21:14 Tema: hatea; fahafonirañe; heneke
†21:16 Kedare: hainte’e; fandalañe, hontoke
DRAFT VERSION