1 Ty enta’ Iirmeà*Iirmeà: Fañonjonañe Iehovà ana’ i Kilkià†Kilkia: Andrianañahare ty anjarako mpiamo mpisoroñe nte-Anatote‡Anatote: Vale; sabo; hararahañe an-tane’ Beniamìneo§Beniamine: anam-pitan-kavana, 2 ie nivotraha’ ty tsara’ Iehovà tañ’andro’ Iosià*Iosià: Ty afo’Iehovà ana’ i Amone†Amone: Migahiñe, to, mpanjaka’ Iehodà, amy taom-paha folo-telo-ambi’ i fifehea’ey. 3 Niheova’e ka tañ’andro’ Iehoiakime‡Iehoiakime: famaleam-pate’ Iehovà (ndra fañoriza’e, ndra ty fiheren-ko velo’e) ana’ Iosià, mpanjaka’ Iehodà pak’ami’ty fimodoa’ ty taoñe faha folo-raik’ambi’ i Tsidkià§Tsidkia: ty hato’ Iehovà ana’ Iosià mpanjaka’ Iehodà, ampara’ ty faneseañe Ierosalaime*Ierosalaime: Aroñarom-panintsiñañe an-drohy añe amy volam-paha-limey.

4 Aa le niheo amako ty tsara’ Iehovà nanao ty hoe: 5 Ihe mbe tsy tsineneko an-trok’ ao le nifàntako; aolo’ ty niboaha’o an-koviñ’ ao le navahako, vaho tinendreko ho mpitoky amo kilakila’ ndatio.

6 Le hoe ty nataoko, Ehe Talè ­Iehovà! Izaho tsy mahafivolañe, fa mbe anak’ ajaja. 7 Aa hoe t’Iehovà amako: ko manao zao, t’ie Anak’ ajaja; fa ze amantohako azo ty handenà’o le ndra inoñ’ inoñe ty hatoroko azo, ty ho taroñe’o. 8 Ko ihembaña’o; fa mpiama’o iraho handrombak’ azo, hoe t’Iehovà.

9 Nahiti’ Iehovà amy zao ty fità’e, le nedrè’e ty vavako; vaho nanao ty hoe amako t’Iehovà: Ingo te napoko am-palie’o ao o entakoo;

11 Mbore nimb’amako ty tsara’ Iehovà nanao ty hoe: O Iirmeà, mahaisake ino v-iheo? le hoe ty asako: Mahatrea ty tsampa-mahabibo. 12 Le hoe t’Iehovà amako, Toe nahaonin-drehe; fa jilojiloveko†Sakede: Mahabibo; Sakade: mijilo o volakoo hahatafeterako aze.

13 Niheo amako fañindroe’e ty tsara’ Iehovà, nanao ty hoe: Inoñe o isa’oo? le hoe iraho, Mahatrea valàñe mikokèntrekokèntreñe iraho; le boak’ avaratse ey ty fihilañam-bava’e.

14 Aa le hoe t’Iehovà tamako: Ho boroboñafe’ ty hekoheko boak’ avaratse añe amy ze hene ’ndaty an-tane atoy. 15 Ingo ho koiheko iaby ze fifokoa’ o fifeheañe avaratseo, hoe t’Iehovà, homb’ atoy, songa hampipoke ty fiambesam-panjaka’e an-dalam-bey fimoahañe am’ Ierosa­laime, naho amy ze fonga kijoly miarikoboñe aze, vaho amy ze hene rova’ Iehodà. 16 Aa le ho taroñeko te hizakako ty hatsivokara’ iareo; amy te naforintse’ iareo iraho, naho mañemboke aman’ drahare ila’e, vaho mitalaho amo sata-pità’iareoo avao.

17 Ihe arè, mampidiaña vania vaho miavòta, saontsio ze hene amantohako azo; ko ifimpìña’o, tsy mone hampi­tsolofiñeko añatrefa’iereo. 18 Hehe te nanoeko rova finatratse irehe, bodam-biñe, naho kijoly torisìke, amo tane iabio, amo mpanjaka’ Iehodao, amo roan­dria’eo, amo mpisoro’eo, vaho am’ ondati’ i taneio. 19 Toe hialia’ iereo; fe tsy hahagioke, amy te ama’o iraho, hoe t’Iehovà, hañahako azo.