10
1 Inao ty entañe tsarae’ Iehovà
ama’ areo ry anjomba’ Israeleo;
2 Hoe t’Iehovà:
Ko mizatse ami’ty sata’ o fifeheañeo,
vaho ko hakahaka’areo o vilon-dikerañeo; ndra te ampifimpìñe’e o kilakila’ ndatio.
3 Toe kafoak’ avao o sata’ondatioo;
amy te hatae finira añ’ala ao
ty fitoloñam-pitàm-pandranjy
am-pekoñe.
4 Ihamina’ iareo volafoty naho volamena
ampireketa’iareo fati-biñe
ami’ty ana-bato, tsy hitroetroe.
5 Hoe bodan-katae
najadoñe antetem-bazavo ao,
tsy mivolañe, tsy mete tsy tintineñe
vaho tsy mahay mitsontike.
Ko ihembaña’ areo,
fa tsy mete manao raty zay,
vaho tsy ama’e ty manao soa.
6 Tsy eo ty mañirinkiriñ’ Azo r’Iehovà
Jabahinake Rehe; vaho mitiotiotse
an-kaozarañe i tahina’oy.
7 Ia ty tsy hañeveñe ama’o,
ry mpanjaka’ o fifeheañeo?
Toe mañeva Azo;
fa tsy eo ty mañirinkiriñe Azo amo hene mahihitse amo fifelehañeo
naho amo borizà’iareo iabio.
8 Toe fonga votro mineñe,
ie foto-katae ty fañòhan-kafoa’e;
9 Nendeseñe boake Tarsise* Tarsise: fitsakoreañe; fihotsohotsoañe añe,
ty volafoty pinepèke,
naho hirik’ Ofaze† Ofaze: volamena ki’e añe ty volamena,
ty satam-pitsene naho
satam-pitam-pitolom-bolamena;
manga naho malomàvo ty saro’iareo;
sata’ o mahimbañeo.
10 Fe Iehovà ro Andrianañahare to,
Ie t’i Andrianañahare veloñe,
naho t’i Mpanjaka nainai’e;
miezeñezeñe ty tane toy,
ami’ty haviñera’e
vaho tsy leo’ o kilakila’ ndatio
ty fifomboa’e.
11 Hoe ty ho saontsie’o am’ iereo:
Ho modo an-tane atoy
naho ambanen-dikerañe ao
o ‘ndrahare tsy namboatse
o likerañeo naho ty tane toio.
12 Ie namboatse ty tane toy
amy haozara’ey,
Ie nampijadoñe ty voatse toy
amy hihi’ey
vaho Ie nandafike o likerañeo
amy faharofoana’ey;
13 I fiarañanaña’ey
le ikoboboahañe o ranon-dikerañeo,
naho mampionjoñe ty evoñe
añ’olo-ty tane toy;
amboara’e ampiñe o orañeo,
vaho ampiakare’e an-driha’e ao i tiokey;
14 Songa tembo ondatio, tsy aman-kilala,
sindre ampisalareñe ty amo samposampon-draha’eo
ty mpitolom-bolamena,
remborake o sare natrana’eo,
tsy aman-kofòke.
15 Kafoake irezay, satam-pamerevere;
hiambotraha’ ty fandrotsahañe
amy androm-pitilihañey.
16 Tsy hoe zay t’i Anjara’ Iakobe;
Ie ty Mpañoreñe ze he’e,
naho kobain-dova’ey t’Israele,
Iehovà’ i Màroy ty tahina’e.
17 Ahoroño amo taneo ty harao’ areo,
ry mpifeake amy arikatokey.
18 Fa hoe t’Iehovà:
Hehe te ho pilereko an-tane atoy
henaneo o mpimone’ i taneio,
le ho fihineko, haharendreha’ iareo.
19 Hankàñe amako ty fanaintaiñako!
Leveleve ty fereko; fe hoe raho:
Toe hasilofeñe toy, tsy mete tsy ifeahako.
20 Rotsake i kivohokoy, tampake iaby o tali’eo;
fonga nienga ahy o anakoo, tsy ao;
tsy eo ka ty handafike i kibohokoy,
naho hampitroatse o efe’eo.
21 Fa votro o mpiarak’añondrio,
tsy nañontane Iehovà;
aa le tsy miraorao,
vaho miparaitak’ añe o añondri’ iareoo‡ Iir 2:8, 12:10-11, 50:6-7, Iek 34:1-23, Ti II 4:3-4, Pe II 2:1-22.
22 Inao ty talily, Hehe te mb’etoa,
ty fikoraham-bey
boak’an-tane avaratse añe,
hampangotomomoke
o rova’ Iehodào,
ho fimoneñam-panaloke.
23 Ry Iehovà,
apotako te tsy am’ ondatio ty fombà’e;
tsy am’ondaty mpañaveloo
ty hanehake o fandia’eo.
24 Endaho raho, ry Iehovà,
le an-katò;
tsy ami’ty filoroloroa’o
hera hampiminjikio’o.
25 Adoaño amo kilakila’ ondaty tsy mahafohiñe Azoo ty haviñera’o,
naho amo fifokoa tsy mikanjy i tahina’oio§ Sab 11:4, Mik 4:5;
fa nabotse’ iareo t’Iakobe,
eka vinaza’ iareo naho nagedra’ iareo,
vaho nampangoakoahe’ iareo
i fimoneña’ey.
*10:9 Tarsise: fitsakoreañe; fihotsohotsoañe
†10:9 Ofaze: volamena ki’e
‡10:21 Iir 2:8, 12:10-11, 50:6-7, Iek 34:1-23, Ti II 4:3-4, Pe II 2:1-22
DRAFT VERSION