32
1 nAa le nijihetse tsy nanoiñe Iobe indaty telo rey, ie nivañoñe am-pihaino’e avao. 2 Niforoforo amy zao ty haboseha’ i Elihò* Eliho: Ie t’i Andrianañahareko ana’ i Barakele ana’ i Bozý† Bozy: teratera nte-Rame‡ Rame: mandigiligy; naonjoñe; niforoforoe’e t’Iobe amy t’ie mañatò-vatañe añatrefan’ Añahare, 3 nahabosek’ aze ka i rañe’ Iobe telo rey amy te tsy nahavale, fe ndra namatse Iobe. 4 Ie amy zao, nandiñe ty hazoke’ iareoy t’i Eliho vaho nisaontsy am’Iobe. 5 Aa ie nioni’ i Eliho te tsy aman-katoi’e ty falie’ indaty telo rey, le nifombo an-kaboseke. 6 Aa le nanoiñe ami’ty hoe t’i Eliho ana’ i Barakele ana’ i Bozý: Toe tora’e an-taoñe iraho, androanavy nahareo; le nihemban-draho tsy nahavany hitaroñe ty heveko.
7 Hoe iraho: O androo ro hilañoñe,
ty hamaro taoñe ro hañoke hihitse.
8 Fe i arofo am’ondatioy,
naho i kofòn’ El-Sadaiy§ Andriampañotroñey, Kila lefe’e
ty manolo-kilala am’iareo.
9 Tsy t’ie antetse ro mahihitse,
tsy te zoke ro mahilala ty hatò.
10 Aa le hoe iraho, Janjiño;
hitaroñe o entakoo ka.
11 Ie zao, nahaliñe o asa’ areoo iraho,
tsinanoko o niereñerea’ areoo,
ie nitsikarahe’areo ty ho lañoneñe.
12 Toe nitsendreñe anahareo iraho,
fe leo raike tsy nahafandietse Iobe,
ndra raik’ ama’ areo tsy nahavale
o enta’eo.
13 Ko manao ty hoe:
Nitendreke hihitse zahay;
ho roahen’ Añahare, fa tsy ondaty.
14 Tsy nalaha’e amako o saontsi’eo,
vaho tsy o lañona’areoo ty hatoiko.
15 Angoae iereo, tsy mamale ka;
nijiañe ty saontsi’ iareo.
16 Aa handiñe avao hao iraho?
ie nijohañe, tsy mahafanoiñe.
17 Hivaleako ka ami’ty ahiko;
hitaroñe ty heveko.
18 Toe lifo-bolan-draho;
manjitse ahy ty trok’ amako atoa.
19 Toe manahake ty divay
tsy amam-pikofò’e ty troko,
fa hiporitsake hoe zonjòn-divay vao.
20 Adono hivolan-draho hanintsiñako;
Apoho hanoka-tsoñy hitoiñako.
21 Ehe te tsy eo ty ho rihieko,
ndra t’indaty ho lombofeko.
22 Tsy haiko ty mitsiriry
fa ho nasintan’ Andrianamboatse aniany.
*32:2 Eliho: Ie t’i Andrianañahareko
†32:2 Bozy: teratera
‡32:2 Rame: mandigiligy; naonjoñe
§32:8 Andriampañotroñey, Kila lefe’e
DRAFT VERSION