1 Ie maraindrain-tsikiake, nivory hisafiry o roandriañeo naho o mpanoki-dilio naho i sinedriona*Sinedriona: Roaem-pitala­hoañe iabiy vaho o mpisorom-beio, le rinohi’ iereo t’Iesoà, naho nase­se vaho natolo’ iareo amy Pilato. 2 Aa le nañontanea’ i Pilato: Ihe hao ty Mpanjaka’ o Jiosio? Tinoi’e ty hoe: Ie i saontsi’oy. 3 Nitolon-kitomboke aze ami’ty raha tsiefa o mpisorom-beio. 4 Nañontane aze indraike t’i Pilato ami’ty hoe: Tsy manoiñe v’Iheo? Inao o raha maro anisia’ iareoo? 5 Tsy nanoiñe avao t’Iesoà; le niveren-draha t’i Pilato.

6 Ie amy zao lili’e amy sabadidakey ty hamotsotse am’iereo ty mpirohy raike, ze tea’ iereo. 7 Aa le teo ty atao Barabasy, nitrao-pirohy amo mpiolao, namono ondaty amy kidý zay. 8 Le nionjom-beo i màroy nihalaly ama’e hanao i fanoe’ey. 9 Natoi’ i Pilato ami’ty hoe: Satri’ areo hao ty hamotsorako i Mpanjaka’ o Jiosioy? 10 Tali’e, nifohi’e te nasese’ o mpisorom-beio ama’e am-parahy. 11 Fe trinobo’ o mpisorom-beio i màroy, hampañaha’e ho am’iareo t’i Barabasy. 12 Nindrai’ i Pilato am’iereo ty hoe: Hataoko akore arè i atao’ areo Mpanjaka’o Jiosioy? 13 Le kinorà’ iereo, ty hoe: Peho amy hatae ajaley. 14 Hoe ty nanoa’ i Pilato: Manao akore! Ino ty sata-rati’e? fe nindrai’ iereo am-pidabadoàñe ty hoe: Peho re! 15 Aa ie te hampanintsiñe i màroy t’i Pilato, le navotso’e am’iereo t’i Barabasy naho nampandafae’e t’Iesoà vaho nasese’e ho peheñe añe.

16 Nendese’o lahin-defoñeo mb’ amy kijàm-pivoriy†Pretroioma: kijam-pivory, tiribonaly ao re, le nikoihe’ iereo ze hene mpirai-liao. 17 Sinaro’ iereo malòmavo, naho nandrandrañe halam-patike ze nisabakañ’ aze, 18 vaho nañontane aze ty hoe: Talilio ry Mpanjaka’ o Jiosio! 19 Linihi’ iereo am-bararata ty añambone’e naho nandrorañe naho nitongalefañe vaho nibokobokoañe. 20 Aa ie fa nikobìheñe le nafaha’ iereo ama’e i saro malo-mavoy, naho naombe ama’e o saro’eo, vaho nakare’ iereo ho peheñe añe.

21 Le nazi’iereo ty niary eo hirike an-kàloke añe, i Simona nte-Kirenia‡Kirenia: Rova e Afrika avaratse (rae’ i Aleksandro naho i Rofosy); hitarazo i hatae ajale’ Iesoày.

22 Le nasese’ iereo mb’amy toetse atao Golgotay mb’eo re (ze adika ty hoe: an-karandoha). 23 Nasozo’ iereo ama’e ty divay linaro rame§Nardose: rame boak’an-dengon-katae atao valeriana;, fe tsy rinambe’e.

24 Le pinè’ iereo; naho zinara’ iareo an-tsato-piso o saro’eo, handrendreke ty hahazo. 25 Amy ora faha-teloy ty nipehañe aze ambone’ i hatae ajaley. 26 Pinatetse ambone’e eo ty nanisiañ’ aze ami’ty hoe:

Ty Mpanjaka’ o Jiosio. 27 Nitrao-piradorado ama’e ty malaso roe, ty raike an-kavana’e naho ty raike an-kavia’e.*28Hañeneke i pinatetse amy Boke Masiñeiy ty hoe: Hiaheñe amo bey hakeoo re, Ies 53:9

29 Songa nanirìka aze ze niary eo, nañekotseko-doha nanao ty hoe: Hoke! Ihe ho nandrotsake i Anjomban’ Añaharey naho handrafits’ aze añate’ ty telo andro, 30 rombaho ty vata’o vaho mizotsoa amo hatae ajaleo. 31 Hoe ka ty tsikìke nifanoa’ o mpisorom-beio naho o mpanoki-dilio: Ie nandrombake ty ila’e ro tsy maha­romba-batañe. 32 Adono hizotso amo hatae ajaleo henaneo o Norizañe Mpanjaka’ Israeleo ho isake, hiantofan-tika. Nitety aze ka o naharo nipeheñe ama’eo.

33 Ie amy ora fah’ eneñey, nivotrake amy Tane iabiy ty fimoromoroñañe sikal’ ami’ty ora faha-sive. 34 Ie amy ora fahasivey le nipazake ty hoe t’Iesoà: Eloy, Eloy, lamà sabaktany, ze adika ty hoe: Andrianañahareko, Andrianañahareko, akore ty namorintseña’o ahy?†Sab 22:2

35 Ie nahajanjiñe izay o ila’e nisambao, le hoe ty asa’ iareo: Inay ie, mitoka i Elia. 36 Teo ty nilay naho nampipea vinegra ami’ty eponjy, le nasindri’e ami’ty bararata vaho naonjo’e ho si­tsihe’ Iesoà, le hoe re: Adono, ho isa-tika hera homb’eo t’i Elia hanjotso aze.

37 Le nampipoña-piarañanañañe t’Iesoà naho nirofotse ty arofo’e,

38 vaho nitori-anjake ty lamba fañefe’ i Anjomban’ Añaharey, nivaki-roe boak’ ambone pak’ ambane. 39 Ie nioni’ ty mpifele-jato nijohañe aolo aze eo ty fikaiha’e naho ty fidrohota’e, le hoe ty asa’e: Toe Anan’ Añahare ondatio.

40 Ey hoek’ ey o roakemba nisambao; ama’e t’i Miriame nte-Magdalà naho i Marie rene’ Iakobe Zai’e naho i Josese vaho i Saloma; 41 ie nañorike naho nitoroñe aze e Galilia añe; mbore maro ty rakemba ila’e nindre-lia ama’e t’ie nigodañe mb’e Ierosaleme ao.

42 Ie fa hiròñe i androy, te andro fañalankañañe (ty andro aolo’ i Sabatay), 43 le nimb’eo t’Iosefe nte Arimatea, asiñeñe amy Fivori-beiy naho mpitamà i Fifehean’ Añaharey, nitoañe mb’amy Pilato ao nihalaly ty fañòva’ Iesoà. 44 Nilatsa t’i Pilato te inao fa nivilasy re, le kinanji’e i mpifele-jatoy, vaho nañontane he t’ie toe nivilasy. 45 Ie nirendre’e amy mpifele-jatoy, le natolo’e am’ Iosefe i fañòvay. 46 Nikaloa’e lamba leny, le nazotso’e, naho sinafo’e amy leniy, naho nirohota’e an-donake hinaly an-damilamy, vaho namarimbarìña’e vato ty lala’ i lonakey. 47 Nisambae’ i Miriame nte-Magdalà naho i Marie rene’ i Josese i nandrohotañ’ azey.