1 Pak’ ombia, ry Iehovà?

Ho haliño’o nainai’e hao iraho?

Pak’ombia ty hañetaha’o laharañe amako?

2 Sikal’ombia ty hitsakoreako an-troko ao ty haoreako, ie añ’ovako ao lomoñandro?

Ampara’ te ombia ty hañonjonañe

ty rafelahikoo ambone ahy?

3 Vazohò, naho toiño iraho,

ry Iehovà Andrianañahareko;

hazavao o masokoo;

tsy mone hiroroako ty firoron-kavilasy;

4 Vaho hanao ty hoe i rafelahikoy:

rinebako re; ke hirebeha’ o malaiñ’ ahikoo t’ie mibolatitse.

5 Fe fiatoako ty figahiñan’ arofo’o;

hirebeha’ ty troko i fandrombaha’oy.

6 Ho saboeko t’Iehovà,

amy te nampibodobodoe’e.