46
Ho a i Talè, Sabo o ana’ i Korao, saboen’ Ampela
1 Fitsolohañe naho haozaran-tika
t’i Andrianañahare,
Mpañolotse t’ie ampoheke tendrek’ aniany.
2 Aa le tsy ho hemban-tika
ndra te migorobañe ty tane,
ndra midorasitse mb’am-po’
i riakey o vohitseo.
3 Ndra te mitroñe
naho mamore i riakey,
ndra te miezeñezeñe amy fitoabora’
o alo’eo o vohitseo. Selà
4 Eo ty oñe mahafale ty rovan’ añahare
amo fitsiritsioha’eo,
ty kivoho masi’ i Andindimoneñey.
5 Añivo’e ao t’i Andrianañahare,
le tsy hasiotse;
hañimb’aze t’i Andrianañahare
te manjirik’andro.
6 Nidabadoa o kilakila ondatio,
niozoñozoñe o fifeheañeo;
nipazake i fiarañanaña’ey,
nitranake ty tane.
7 Aman-tika t’Iehovà’ i Màroy;
fipaliran-tika t’i Andrianañahare’ Iakobe.
8 Mb’etoa, mahaoniña
o tolon-draha’ Iehovào,
o raha mampangebahebake
nanoe’e an-tane atoio.
9 Ampitsiñe’e sikal’añ’olo-tane añe o alio;
peñapeñafe’e o faleo, pozahe’e o lefoñeo,
sodora’e añ’afo o sareten-tafikeo.
10 Mijihera, vaho mahafohina te
izaho ro Andrianañahare;
onjoneñe amo fifeheañeo iraho,
izonjonañe an-tane atoy !
11 Aman-tika t’Iehovà’ i Màroy;
fipaliran-tika t’i Andrianañahare’
Iakobe. Selà
DRAFT VERSION