54
Ho a i Talè, ami’ty Marotaly, Fanoroa’ i Davide: ie niheo amy Saole o nte-Zifio nanao ty hoe: Aa vaho tsy ama’ay ao hao ty fietaha’ i Davide?
1 Rombaho iraho ry Andrianañahare
ty amy tahina’oy,
vaho meo-to amo haozara’oo.
2 Ry Andrianañahare, janjiño ty halaliko,
toloro ravembia o entam-bavakoo.
3 Miongake hiatreatre ahy ty ambahiny,
paia’ o mitrotrofiakeo ty fiaiko,
tsy nampiaoloe’ iareo
t’i Andrianañahare. Selà
4 Inao! Mpañimb’ahy t’i Andrianañahare,
Fiatoam-piaiko t’i Talè.
5 Hafote’e amo mivoñoñe ahiko
ty haratia’ iareo;
Rotsaho iereo ami’ty figahiña’o.
6 Mañenga ama’o an-tsatrin-tro iraho,
andriañeko i tahina’oy ry Iehovà, amy te ie ty soa;
7 Fa nafaha’e amako
ze hene haemberañe,
vaho nisambae’ o masokoo o rafelahikoo.
DRAFT VERSION