1 Hoe t’Iehovà amy Talèkoy:

Miambesara an-tañan-kavanako etoa,

ampara’ te anoeko atimpahe’o

o rafelahi’oo.

2 Hirahe’ Iehovà boak’e Tsiône ao

ty kobain-kaozara’o:

Mifehea añivon-drafelahi’o eo!

3 Hahimbañe ondati’oo amy andron-kaozara’oy,

ami’ty havolonahen-kamasiñañe;

boak’an-kovim-panjirik’ andro ao;

ama’o ty zono-katora’o.

4 Nifanta t’Iehovà, vaho tsy hilesa:

Mpisoroñe nainai’e irehe, ami’ty famosora’ i Melkizedeke.

5 I Tale am-pitàn-kavana’oy ty

handemoke mpanjaka

amy andron-kaviñera’ey.

6 Hizaka’e añivo’ o fifeheañeo ré,

le ho lipore’e lolo ty ao,

ho hotohotoe’e an-tane mienene

ty loha maro.

7 Hikama rano an-torahañe

añ’olon-dalañe eo re,

vaho hampiandrae’e ty añ’ambone’e.