1 א Treño t’Ià.

Haha t’indaty mañeveñe am’ Iehovà,

בּ mahafale aze o taro’eo.

2 ג Hanjofak’ an-tane atoy o tarira’eo;

ד Ho soa-tata ty taminga’ o vañoñeo.

3 ה Vara naho hanañañe

ty añ’anjomba’e ao,

ו vaho nainai’e ty havantaña’e.

4 ז Anjirihan-kazavàñe añ’ieñe ao

ty vañoñe,

ח matarike re, lifo-tretrè vaho vantañe.

5 ט Tahie’e t’indaty matarike

naho mampìndrañe,

י naho mandahatse o tolon-draha’eo an-kahiti’e;

6 כ Le lia’e tsy hasiotse re;

ל ho tiahy nainai’e o vañoñeo.

7 מ Tsy hampitsonevotse aze ty talily raty;

נ migahiñe ty arofo’e,

Iehovà ro fatokisa’e.

8 ס Mioreñe ty arofo’e,

tsy ho hemban-dre

ע ampara’ te sambae’e o rafelahi’eo.

9 פּ Fa nandiva’e mbeombeo,

nanolora’e o rarakeo,

צ nainai’e ty havantaña’e;

ק haonjoñe an-kasiñe ty tsifa’e.

10 ר Ho trea’ ty tsivokatse,

le hitarik’aiñe,

ש hivaza-kota vaho hitranake;

ת ho mongotse ty fañiria’ o lo-tserekeo.