1 Nampiandraeko indraike o masokoo le nitalake vaho inge te nimb’eo ty sarete efatse boak’ an-jeba’ ty vohitse roe; haboan-torisìke i vohitse rey. 2 Soavala mena ty tamy sarete valoha’ey, naho soavala mainte ty tamy sarete faharoey, 3 naho soavala foty ty tamy sarete fahateloy vaho soavala maremboke maozatse ty tamy sarete fah’ efatsey. 4 Aa le hoe ty asako tamy anjely nisaontsy amakoy: Ino o raha reo, talèko? 5 Le hoe ty natoi’ i anjeliy ahy: Tion-dikerañe efatse mion­jomb’eo, boak’ amy nijohaña’e aolo’ i Talè’ ty tane-bey toiy. 6 Mionjoñe mb’ avaratse añe o an-tsoavala mainteo; manonjohy iareo o fotio; vaho mb’ atimo mb’eo o maroembokeo. 7 Nionjoñe i maozatse rey nipay hijelanjelañe an-tane atoy; le hoe re: Akia, mika­rio­karioha mb’eo mb’eo an-tane atoy. Aa le nihelahela nanitsike ty tane toy iereo. 8 Nikoik’ ahy re nanao ty hoe: Hehe te nampanintsiñe ty troko an-tane avara­tsey o mb’ an-tane avaratseo.

9 Niheo amako ty tsara’ Iehovà, nanao ty hoe: 10 Angalao amo mirohio, amo boake Kelday*Kelday: ty voatse toy; hereke naho e Tobià†Tobià: Soa t’i Talè naho e Iedaiào‡Iedaià: ty fita’ Iehovà; iantofañe t’Iehovà, amo boake Bavele añeo; le amy àndroy avao, miziliha an-kiboho’ Iosià§Iosià: ty afo’ Iehovà; mirehetse t’Iehovà ana’ i Tsefanià*Tsefania: Fietahako t’Iehovà; 11 naho andrambeso volafoty naho volamena vaho mitsenea sabaka fanjàka, le aombeo añambone’ Iehosoa mpisorom-bey ana’ Iehozadake; 12 le isaontsio ty hoe: Hoe ty nafè’ Iehovà’ i Màroy: Ingo t’indaty atao ty hoe Toramionjo†Zek 3:8: han­drevake boak’ an-toe’ey; ie ty hamboatse ty anjomba’ Iehovà; 13 eka! ie ty handranjy ty kivoho’ Iehovà; naho ie ty hivave ty enge’e, naho hiambesatse vaho hifehe am-piambesa’e eo, ho mpisoroñe amy fiambesa’ey; naho añivo’ i roroey ty fanoroan-kanintsiñe. 14 Ho faniahiañe añ’ anjomba’ Iehovà ao ho a’ i Keleme‡Keleme: mañinofy; mihajangañe, naho i Tobià, naho Iedaià, vaho i Kene§Kene: falalañe; fanintsiñañe; fitofañe ana’ i Tsefanià, i sabakay. 15 Homb’ eo ka o tsietoitane añeo hamboatse añ’ anjomba’ Iehovà ao, vaho ho fohi’ areo te nirahe’ Iehovà’ i Màroy ama’ areo iraho. Ho tondroke izay naho orihe’ areo ty fiarañanaña’ Iehovà Andrianañahare’areo.