హోలీ బైబిల్ కీర్తనలు 127

127

సోలొమోను యాత్ర కీర్తన.

1 ఇల్లు కట్టేవాడు యెహోవా కాకపోయినట్లయితే

కట్టేవాడు తన పనిని వ్యర్థంగా చేస్తున్నట్టు.

పట్టణాన్ని కాపలా కాసేవాడు యెహోవా కాకపోతే

కాపలా వాళ్లు వారి సమయం వృధా చేసికొంటున్నట్టే.

2 నీవు వేకువనే లేవటం, చాలా ఆలస్యంగా పనిచేయటం కేవలం నీవు తినే ఆహారం కోసమే అయితే

నీవు నీ సమయం వృదా చేనుకొంటున్నట్టే.

దేవుడు తనకి ప్రియమైనవాళ్ల విషయం శ్రద్ధ తీసుకొంటాడు.

వారు నిద్రపోతున్నప్పుడు కూడా ఆయన శ్రద్ద తీసుకొంటాడు.

3 పిల్లలు యెహోవానుండి లభించే కానుక.

వారు తల్లి గర్భమునుండి వచ్చే బహుమానం.

4 యువకుని కుమారులు, సైనికుని బాణాల సంచిలోని బాణాల్లాంటి వారు.

5 తన బాణాల సంచిని కుమారులతో నింపుకొనే వాడు చాలా సంతోషంగా ఉంటాడు.

ఆ మనిషి ఎన్నటికీ ఓడించబడడు. బహిరంగ స్థలాల్లో* అతని కుమారులు అతని శత్రువులనుండి అతణ్ణి కాపాడుతారు.

*127:5: బహిరంగ స్థలాలు అక్షరార్థంగా “ద్వారము” ఎప్పుడై నా ఒక వ్వక్తి యొక్క శత్రువులు అతన్ని న్నాయ స్థానానికి తీసుకు వెళ్లాలని ప్రయత్నిస్తే అతని కుమారులు అతన్ని రక్షిస్తారు అని దీని అర్థము కావచ్చు.